Matthieu 6:20 - Nyanmien nde Ufle

²⁰ Sannge anh sié amun awlen su ninngé mun nyanmien su lo, lo lie'n nvole nin annganblale satyiman liké, ye awiéfue'm bé bu'a anuan'n bé wuaman.

NYANMIƐN NDƐ'N 1998

²⁰ Sanngɛ an `sie amun anwlɛn su ninnge mun nyanmiɛn su lɔ, lɔ liɛ'n nvɔlɛ nin annganblalɛ be saci-man like, yɛ awiefuɛ'm be bu-man anuan'n be wua-man.

Matthieu 6:20 Iomraidhean Croise

Matthieu 19:21

Ye Jésus waan: Se a klô ke ah wiéh i ngba su fa wéiin'n, kô yô o ninngé'm bé ate, fe i sika'n man yalefue mun, ye ah nyanh ninngé kpakpa nyanmien su lo. Nan bla'a su n su.

Matthieu 6:19

Nanh an sié amun awlen su ninngé'm bé wa, afin nvole nin annganblale bé satyi bé, ye awiéfue'm bé bu anuan'n bé wua asie'n su wa.

Marc 10:21

Jésus niennin o klô i sa, nan wa sé i ke: O te ka o liké kun yôle, ko, kô yô o ninngé'm bé ate, fe i sika'n man yalefue mun, ye ah nyanh ninngé kpakpa nyanmien su lo. Nan bla'a su n su.

JÉSUS-CHRIST I DYASIN FE'N BO LUC KLELI'N 12:33

Anh yô amun ninngé'm bé ate, anh fe i sika'n tye yalefue mun. Anh kpe betro b'o yôman nvuen bo liké wié'a nun'n, anh sié nyanmien su lo, lo lie'n, awiéfue ko'a lo, nvole di'a liké lo.

JÉSUS-CHRIST I DYASIN FE'N BO LUC KLELI'N 18:22

Ke Jésus tii i nde so'n, o sé i ke: O te ka o liké kun yôle, yô o bô ninngé'n kwlaa ate, fe i sika'n man yalefue mun, ye a wa nyan ninngé kpakpa nyanmien su lo. Ke a kô yô i so'n, bla'a su n su.

1 Timote 6:17

Kan klé ble nga é ô nun ye'n i nun anyanbéunfue'm bé ke, nanh man bé di tutré, nanh man bé fa bé wla gue bé anyanbéun b'o su ka'a le'n su, sannge bé fa gue Nyanmien b'o man é liké kwlaa b'o man é klun dyo'n i su.

1 Timote 6:19

Se bé yô so'n, wuun tro kpa kun b'o satyiman'n ye ba kpe a siéo, ye béh nyanh nguan sakpa.

Hébreu 10:34

Afin an wun bisuafue'm bé aunnvue. Ke béh déh amun ninngé mun amun sa nun'n, amun nin bé a kpliman, amun klun dyo su, afin an si ke an le ninngé wié b'o ti kpa tra nga le'n, b'oh kah le tititi.

Hébreu 11:26

O wun i ke, finfin nga Christ (*f1*) ti bé yô i'n ti kpa tra Égypte lo liké kpakpa'n kwlaa, afin i nyin ta liké nga o wa nyen tyen wié'n mmua lo.

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

1 Piɛr 1:4

O wuli é so nan é nyan liké kpa ng'o siéé nyanmien su lo'n. Liké so'n kwla satyiman, o yô'a fien, o mlinman.

1 Piɛr 5:4

Ye tyen nga Bua Tafue Dan'n ba'n, oh yôh amun mô, dunman nga amunh nyenh'n, o wié'a mlonmlon.

Sa nglô yile 2:9

N si sa ng'o to amun su'n nin yale bo an di'n. Sannge an ti anyanbéunfue! N si amun wun nde nga bé nga bé waan bé ti Juif'n bé kan'n. Bé ti'a Juif, sannge bé ti Satan (*f6*) i minnien.