Matthieu 6:2 - Nyanmien nde Ufle

² I so'n ti se ah tyeh yalefue liké'n, nanh bô i ndôlô ke dunman klôfue'm bé yôé Nyanmien sua'm bé nun nin atin'm bé su, ke swran'm bé wun bé nan bé yi bé aye'n bé lie'n sa. Nanwle, mô nga bé kô yô bé'n, ye bé yôô bé leo.

NYANMIƐN NDƐ'N 1998

² I sɔ'n ti, sɛ a ´cɛ yalɛfuɛ like'n, nán bo i ndolo kɛ dunman klofuɛ'm be yo i Nyanmiɛn ndɛ suanlɛ nin i srɛlɛ sua'm be nun nin atin'm be su, kɛ sran'm be wun be nan be yi be ayɛ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Matthieu 6:2 Iomraidhean Croise

Matthieu 15:7

Dunman klôfue mun, amun wun nde bo Ésaïe kannin'n ti nanwle. O sé ke:

Matthieu 16:3

Ye nglemun an sé ke, nzué'n wa to nde, afin wia'n tuu i bô nde. An si nyanmien su lo ninngé'm bé nzolie, sannge an si'a ble'm bé nzolie.]

Matthieu 22:18

Sannge Jésus si bé akunndan te bo bé bu'n, o usa bé ke: ?Gble tôfue mun, nzu ti ye an kan min niaan?

Matthieu 23:5

Liké kwlaa nga bé yô'n, bé yôé ke swran'm bé wun bé. Bé wla sebe dandan mun, ye bé yô bé trale'n i nuan ndyole'n tennden.

Matthieu 23:6

Ke béh dih liké nzra nun'n, bé klô swran dandan'm bé tranwle'n nun tranle, bé klô Nyanmien sua nun bia kpakpa su tranle.

Matthieu 24:51

Oh kpekpeh i nun, oh feh wle dunman klôfue'm bé nun, kan bé sun bé di bé dyé lo'n.

Matthieu 5:18

Afin nanwle, bé su nunnunman mmla'n i nun fluwa mma kaan kun annze i nun nde kaan kun lélé san ke nglô'n nin asie'n bé nu'an le kun'n. Sen i kwlaa so'n oh kpenh su.

Matthieu 6:16

Se amunh kpeh sre nun ke amun nin Nyanmien amunh kôkôh yale'n, nanh an mlan amun nyrun ke dunman klôfue'm bé yô'n, bé yô bé wun fien bé fa klé swran mun ke bé su kpe sre nun. Nanwle, mô nga bé kô yô bé'n, ye bé yôô bé leo.

Matthieu 6:3

Sannge o lie'n, se ah fah liké man yalefue'n, nanh mon o sa be'n si ng'o sa fama'n yô'n

Matthieu 6:5

Ke amun nin Nyanmien amunh kôkôh yale'n, nanh an yô ke dunman klôfue'm bo bé klô nglô dyranle Nyanmien sua'm bé nun nin klo'n nun anngonda'm bé su ke swran'm bé wun bé ke bé yô bé'n, ye bé yôô bé leo.

Matthieu 7:5

Dunman klôfue, yi dyanvle'n b'o ô o nyin su'n ka, nan a wun asé a yi o niaan'n i nyin su wla'n.

Marc 12:39

Ke béh dih liké nzra nun'n, bé klô swran dandan'm bé tranwle'n nun tranle, bé klô Nyanmien sua nun bia kpakpa su tranle.

Marc 7:6

Jésus sé ke: Dunman klôfue mun, amun wun nde bo Ésaïe kleli'n ti nanwle, o klee ke: «Swran nga'm bé ken bé nuan bui su ke bé bu n swran, Swran bé awlen'n nu'an n su,

JÉSUS-CHRIST I DYASIN FE'N BO LUC KLELI'N 11:41

Se an fa amun klôwa nin talié nun ninngé fa tye yalefue amun klun-ufué su'n, o ti kpa, ye liké fi su yô'a fien amun nyrun kun.

JÉSUS-CHRIST I DYASIN FE'N BO LUC KLELI'N 11:43

Amun Pharisifue mun, an yakô! yele ke an klô Nyanmien sua nun bia kpakpa'm bé su tranle, ye an klô ke bé yô amun liké nzra nun.

JÉSUS-CHRIST I DYASIN FE'N BO LUC KLELI'N 12:33

Anh yô amun ninngé'm bé ate, anh fe i sika'n tye yalefue mun. Anh kpe betro b'o yôman nvuen bo liké wié'a nun'n, anh sié nyanmien su lo, lo lie'n, awiéfue ko'a lo, nvole di'a liké lo.

JÉSUS-CHRIST I DYASIN FE'N BO LUC KLELI'N 12:56

Dunman klôfue mun, an si asie'n su wa nin nyanmien su lo ninngé'm bé nzolie. ?Nzu ti ye an si'a ble nga an wô nun ye'n i nzolieo?

JÉSUS-CHRIST I DYASIN FE'N BO LUC KLELI'N 13:15

Ye é Min'n sé ke: ?Amun dunman klôfue mun, amun nun ônin ye sabbat tyen o nyanndyimen i nnen b'o ô tuin'n nun'n, se nannin ô, se aflunmun ô, o kô me'en nzuéo?

JÉSUS-CHRIST I DYASIN FE'N BO LUC KLELI'N 20:46

Anh sasa amun wun mmla kléfue'm bé lika, bé klô trale tennden wla wlan sinle, bé klô ke bé yô bé liké nzra nun, bé klô Nyanmien sua nun bia kpakpa su tranle, ye ke bé di liké nzra nun'n, bé klô swran dandan'm bé tranwle'n nun tranle.

JÉSUS-CHRIST I DYASIN FE'N BO LUC KLELI'N 6:24

Sannge amun anyanbéunfue mun, an yakô, afin amuan dun mmua nyan amun klun ninngé lie'n!

JÉSUS-CHRIST I DYASIN FE'N BO LUC KLELI'N 6:42

?O bo a wu'an dyanvle'n b'o ô o bobo o nyinma su'n, o yô se ye a sé o niaan'n ke: Min niaan, dyran man n yi o nyin su wla nion? Dunman klôfue, yi dyanvle'n b'o ô o bobo nyin su'n ka, nan a wun asé a yi o niaan'n i nyin su wla'n.

Jean 13:29

Ke bo Judas ye o sié bé bole'n ti, bé wié'm bé bu i ke o séé i ke o kô tô liké nga bé fa di tyen'n, annze o tye yalefue'm bé liké wié.

Jean 5:41

N kunnde'a ke swran bô n dunman.

Jean 5:44

?Amun bo an klô ke amun wiéngu bô amun dunman'n, bo an klô'a ke Nyanmien b'o ti kunngba tye'n ye o bô amun dunman'n, oh yôh se ye amunh kwlah lafi i suo?

Jean 7:18

Swran ng'o kpe i bobo klun ké liké'n, o kunnde i bobo dunman. Sannge swran ng'o kunnde ke swran ng'o sunmenniin'n nyan dunman'n, o ti swran kpa, sa te kaan sa bo'en i wun.

Sa nga bé yôli'n 10:2

O nin i awlôfue'm bé ngba bé srô Nyanmien. O yô yalefue'm bé yé kpa, o kôkô yale klé Nyanmien tititi.

Sa nga bé yôli'n 10:31

O séé n ke: Corneille, o liké bo a sre Nyanmien'n, o tili, ye yé bo a yô yalefue mun'n, i wla ô su.

Sa nga bé yôli'n 10:4

Ye Corneille nieen siin, sre kuin, o use i ke: ?Nannan, nzuo? Ye ange'n sé i ke: O liké bo a sre Nyanmien'n, o ti, ye yé bo a yô yalefue mun'n, o wuin, i so'n ti, i wla ô o su.

Sa nga bé yôli'n 11:29

Jésus sonnzonfue'n kwlaa bé bô yôô kun ke swran'n kwlakwla bé fa liké nga bé sa dyu su'n, bé fa kô man aniaan nga bé ô Judée lo'n man bé fa ti bé wun nyaan nun.

Sa nga bé yôli'n 24:17

Ke n tuu m bô Jérusalem le b'o dii afue louun'n, n fa liké nga bé fa man yalefue nin liké nga bé fa man Nyanmien'n n fa blee n nvléfue mun.

Sa nga bé yôli'n 9:36

Jésus sonnzonfue bla kun ô Joppé lo, bé flee Tabitha, Grec nun yele Dorcas, bo i bô yele wannzannin. O ti klun ufuéfue kpa ye o yô yalefue'm bé yé.

Rɔmfuɛ Mun 12:8

ye swran nga b'o man o si swran'm bé afotue man'n, mon o man. Swran ng'o man swran liké'n, mon o tu i klun yô, ye nga kusu b'o dyran swran'm bé nyrun'n, mon o nian su kpa yô, ye nga bo i waa n oh yôh swran yé'n, mon o yô i klun-ufué su.

1 Korɛntfuɛ Mun 13:3

Man n fa n sa nun ninngé'n kwlaa n fa ta yalefue mun, ye n fa m bobo nannan su nan n nyan su dunman, se n klô'a swran'n, o yô'a sa fi yé ma'an min.

Galasifuɛ Mun 2:10

Liké kun nga bé sree é ke é yô'n yele ke é bu yalefue'm bo bé ô bé nun'n bé akunndan, ye n kusu m mian n nyin sa so'n i yôle'n nun.

Efɛzfuɛ Mun 4:28

Swran ng'o wua'n, mon o yatyi, o di dyunman nan o nyen i nuan nun alie nan o nyan wié ti swran wié'm bé wun nyanman nun.

1 Tɛsalonikfuɛ Mun 2:6

É kunnde'a ke amun annze swran wié bô é dunman.

1 Timote 6:18

Sé bé ke bé yô sa ng'o ti kpa'n, bé yô swran yé, ye o ti anyanbéun kpa nion. Man bé yô aklunyé, bé tye swran liké.

Filemɔn 1:7

N niaan bian, klôle nga a fa klô bé'n ti, o man n wla gua asé, n klun dyo dan, afin w'o man Nyanmien swran'm bé awlen to nzué nun.

Hébreu 13:16

Nanh an yatyi sa kpa nin swran yé yôle'n, afin i so liké'n ye bé yôo o dyo Nyanmien kluon.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!