Matthieu 6:10 - Nyanmien nde Ufle

¹⁰ mon o siéle ble'n dyu, man é bo é ô asie'n su wa'n, é yô o klun sa ke bé bo bé ô nyanmien su lo'n, bé yô'n sa.

NYANMIƐN NDƐ'N 1998

¹⁰ man ɔ sielɛ blɛ'n ju, man e bɔ e wo asiɛ'n su wa'n e yo ɔ klun sa kɛ be bɔ be o nyanmiɛn su lɔ'n be yo'n sa.

Matthieu 6:10 Iomraidhean Croise

Matthieu 12:50

Afin swran ng'o yô n Si b'o ô nyanmien su lo'n i klun sa'n, i ye o ti min niaan bian, nin min niaan bla, nin min nin nion.

Matthieu 16:28

Nanwle, bé nga bé ô wa ye'n, nanh bé ngba ye wié'n kunh bé, nan ba wun ke m bo n katyii Swran'n n su ba, m ma di n famien nion.

Matthieu 26:42

O yatyi bé oli ékun, o sé i Si ke: N Si, se o ti'a bo nyrennen wié nga tô fuan min'n, man n wun nyrennen so'n. Sa nga a klô ke ah yôh'n, yô.

Matthieu 3:2

O sé bé ke: Anh katyi amun nzuen'n, afin Nyanmien i siéle ble'n wa mantan.

Matthieu 4:17

Ke o fin le'n, Jésus bôô Nyanmien nde kanle'n bô, o sé ke: Anh katyi amun nzuen'n, afin Nyanmien i siéle ble'n wa mantan.

Matthieu 7:21

Nanh swran kwlaa nga bé fle min bé Min'n bé ngba ye béh yôh men nga Nyanmien sié'n i nunfueo, san swran ng'o yô min Si b'o ô nyanmien su lo'n i klun sa'n, i ye oh yôh men so'n nunfueo.

Marc 11:10

Nyanmien man famien ng'o ba é nannan David ôsu'n nun'n i famien'n yô yé! Man Hosanna'n te nyanmien su lo!

Marc 3:35

Swran ng'o yô Nyanmien klun sa'n, i ye o ti min niaan bian, nin min niaan bla, nin min nin nion.

JÉSUS-CHRIST I DYASIN FE'N BO LUC KLELI'N 19:11

Ke béh tiéh i nde so'n, o buu bé nyanndra kun, yele ke bé su wa dyu Jérusalem, ye bé bu i ke o tye kaan Nyanmien wa yi i famien'n nglô.

JÉSUS-CHRIST I DYASIN FE'N BO LUC KLELI'N 19:38

Bé sé ke: «Famien ng'o ba é Min Nyanmien dunman nun'n, mon o nyan nguan!» Aladyé ô Nyanmien lika lo. Man Nyanmien manmanle'n te nyanmien su lo!

JÉSUS-CHRIST I DYASIN FE'N BO LUC KLELI'N 22:42

N Si, se o ti o klun su'n, man nyrennen wié nga tô fuan min! Sannge nanh yô nga n klô ke o yô su'n, sannge yô nga a klô ke ah yôéh su'n.

Jean 4:34

Jésus sé bé ke: Min alie'n yele swran ng'o sunmaan min'n i klun sa yôle, nin dyunman ng'o maan min'n i bô guaguale.

Jean 6:40

Anh nian, liké nga n Si waan swran'm bé yô'n ye, swran kwlaa ng'o wun i Wa'n b'o lafi i su'n, oh nyanh anannganman nguan, ye nh tyeenh men'n i awiélie.

Jean 7:17

Swran ng'o klô ke oh yôh i klun sa'n, oh sih ke liké nga n klé'n o fin i, annze m bobo n kpe n klun ye n kléo.

Sa nga bé yôli'n 13:22

Ke Nyanmien tui famien'n su'n, o fa David siéé i ôsu. O ken i nde ke: «N wuun ke Isaï i wa David ti min awlen su swran, i lie'n, liké kwlaa nga n sé i ke o yô'n, oh yôh.»

Sa nga bé yôli'n 21:14

Ke i waan o kpli'an su'n, é yatyii i nde, ye é sé ke: Sa nga é Min'n waan oh yôh'n, mon o yô!

Sa nga bé yôli'n 22:14

O sé ke: É nannan'm bé Nyanmien'n, o faa o sié ke a si i klun sa'n, a wun Nanwlefue'n, ye a ti i nuan nde'n.

Rɔmfuɛ Mun 12:2

Nanh an yô ke swran'm bo bé ô le nde'n bé sa, sannge man Nyanmien katyi amun akunndan'n nan an katyi mlonmlon. Ke o kô yô so'n, amunh wunh Nyanmien i klun sa'n i wle, amunh sih sa ng'o ti kpa, b'o dyo i klun, b'o man amun yôh kpa'n.

Efɛzfuɛ Mun 6:6

Nanh ke ke bé ô le'n i ngunmin ye an yôé so nan bé klun dyo amun wuon, sannge ke an ti Christ i kanga'n, anh tu amun klun yô sa ng'o ti Nyanmien klun su'n.

Kolɔsfuɛ Mun 1:13

O déé é aôsin tuun'n i min'n sa nun, ye o fa é oo men nga i awlen su Ba'n sié'n nun.

Kolɔsfuɛ Mun 1:9

I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

1 Tɛsalonikfuɛ Mun 4:3

Sa ng'o yô Nyanmien fe'n yele ke an katyi i lie mlonmlon ye nanh an kunnde bla nin bian.

1 Tɛsalonikfuɛ Mun 5:18

Sa'n kwlaa nun, anh la Nyanmien asé, afin ke amun nin Christ-Jésus amuan katyi swran wunmuan'n ti, Nyanmien klô ke an yô so.

Hébreu 1:14

?Ange'n kwlaa bo bé ti aôlia nun swran bo bé su Nyanmien'n, wa sunma'an bé ke bé wa nian bé nga bé wa nyan bé ti'n bé su?

Hébreu 10:36

Anh tra amun awlen nan amuan yô Nyanmien klun sa, nan amuan nyan liké nga i waan oh fah man mun'n.

Hébreu 10:7

Ye n séé ke: Nyanmien, min ye, N su ba o klun sa yôle. Afin bé klee min nde so mmla fluwa'n nin.»

Hébreu 13:21

o man amun fanngan sa'n kwlaa nun nan an yô i klun sa. Jésus-Christ ti, mon o fa é yô liké ng'o klô'n. Man é la Christ asé tititi! Mon o yô so!

1 Piɛr 2:15

Sa nga Nyanmien klô'n yele ke an yô sa ng'o ti kpa'n. I so'n nun sinnglinfue'm bo bé wu'an sa wle'n, bé su kwla ka'an nde fi.

1 Piɛr 4:2

Afin swran ng'o wun nyrennen'n, wuun o nin sa te'n ba bu. O man tyen nga an te di i asie'n su wa'n, anh fa yô Nyanmien klun sa, nanh an yô klo swran klun sa kun.

Sa nglô yile 11:15

Ke ange i nsô su'n bôô i awe lie'n, swran wié'm bé kpaan kéklé kpa nyanmien su lo, bé sé ke: É Min Nyanmien'n nin i Christ'n (*f1*) ye bé sié men'n sien nion. Oh kah bé sa nun tititi!

Sa nglô yile 12:10

Ye n tii swran kun nen kéklé kpa nyanmien su lo, o sé ke: Sien'n Nyanmien man swran'm ba nyan bé ti, wa yi i famien'n nin i kwlale'n nglô. I Christ'n (*f1*) ye o sié sien nion. Afin é niaan'm bé sanmanfue b'o sanman bé Nyanmien dyasu wia nun nin kongue'n, ba ken i bô nyanmien su lo.

Sa nglô yile 19:6

Ye n tii liké kun ngan ke swran kpanngban bé nen sa, o te ke nzué dan b'o sôndyi kpuu'n, nin nyanmien b'o kpla dan'n sa. O sé ke: Anh manman Nyanmien! Afin é Min Nyanmien Kpli'n wa tren i bia'n su.

Sa nglô yile 20:4

N wuun bia mun, bé nga bé ti bé su'n, bé sié bé ke bé di dyole. Ye n wuun bé nga bé kan nde nanwle bo Jésus yii nglô'n, nin Nyanmien nde'n ti bé kuun bé'n, bo ba kôtô'a nnen'n i wunsu bo bé yôli'n i bô, bo nnen'n i nzolie'n nu'an bé ngban su nin bé sa'n su'n, bé wawe'n. Bé tyennin, nan bé nin Christ a di famien afue akpi.