Matthieu 6:1 - Nyanmien nde Ufle

¹ Anh nian amun wun ke nanh an yô amun sa kpa bo Nyanmien sule'n ti ye an yô'n, swran'm bé ti. Se an yô so'n, an su nya'an liké fi amun Si b'o ô nyanmien su lo'n i sa nun.

NYANMIƐN NDƐ'N 1998

¹ «An `nian amún wun nán an yo amún sa kpa bɔ Nyanmiɛn sulɛ'n ti yɛ an yo'n, sran'm be ti. Sɛ an yo sɔ'n, an su nyan-man like fi amun Si b'ɔ o nyanmiɛn su lɔ'n i sa nun.

Matthieu 6:1 Iomraidhean Croise

Matthieu 16:27

M bo n katyii Swran'n min nin n Si ange mun éh bah i dunman nun béh wunh ke i nyrun ti nyannyan o yô srô, ye ke swran kun i nyôlie'n ti dyu'n mh menh i nuan liké.

Matthieu 16:6

Jésus sé bé ke: Anh nian amun wun kpa Pharisifue nin Sadducéfue'm bé kpaun ayré'n i lika.

Matthieu 23:13

Amun mmla kléfue nin Pharisifue dunman klôfue mun, an yakô! Yele ke an ma'an swran'm bé atin ke bé fa bé wun man Nyanmien ke o sié bé. Amun bobo an fa'a amun wun ma'an Nyanmien ke o sié amun, ye bé nga bé waan béh yôh'n, an kpli'an bé su.

Matthieu 23:5

Liké kwlaa nga bé yô'n, bé yôé ke swran'm bé wun bé. Bé wla sebe dandan mun, ye bé yô bé trale'n i nuan ndyole'n tennden.

Matthieu 25:40

Ye m bo n ti famien'n nh séh bé ke: Nanwle, liké kwlaa nga an yô maan n nian nga bé yale'n tra wié'm bé lie'n, bé nun kun'n, min ye an yô maan mion.

Matthieu 5:16

I kunngba nion, anh yô ke kannin sa swran'm bé nyrun, man bé wun amun nyôlie kpa'n nan bé manman amun Si b'o ô nyanmien su lo'n.

Matthieu 5:46

?Afin se an klô amun klôfue'm bé ngunmin'n, nzu liké ye amunh nyenh io? ?Guabô sika défue mun bobo bé klô'a bé klôfue mun?

Matthieu 5:48

I so'n ti, anh yô swran kpa ke amun Si b'o ô nyanmien su lo'n ti kpa'n sa.

Matthieu 6:16

Se amunh kpeh sre nun ke amun nin Nyanmien amunh kôkôh yale'n, nanh an mlan amun nyrun ke dunman klôfue'm bé yô'n, bé yô bé wun fien bé fa klé swran mun ke bé su kpe sre nun. Nanwle, mô nga bé kô yô bé'n, ye bé yôô bé leo.

Matthieu 6:9

I so'n ti, amun lie'n anh sé ke: É Si bo a ô nyanmien su lo'n man é bô o dunman fe,

Marc 8:15

Jésus wlaa bé su nun ke, bé sasa bé wun kpa Pharisifue nin Hérode bé kpaun ayré'n i lika.

JÉSUS-CHRIST I DYASIN FE'N BO LUC KLELI'N 11:35

I so'n ti, yô o nyinma b'o ti ke kannin sa'n, i tyetye, nanh mon o satyi, man a ka aôsin'n nun.

JÉSUS-CHRIST I DYASIN FE'N BO LUC KLELI'N 12:1

Ke o yôô so'n, swran akpiakpi bé yiali, o man bé fufu bé wiéngu su. Jésus bôô nde kanle'n i bô i sonnzonfue'm bé su, o sé bé ke: Anh nian amun wun kpa Pharisifue'm (*f4*) bé kpaun ayré bo yele dunman klôle'n i lika.

JÉSUS-CHRIST I DYASIN FE'N BO LUC KLELI'N 12:15

I sin o sé bé ke: Anh nian amun wun kpa kônvi kpli yôle'n i lika, afin man swran nyen i wun, o nyen i wun see… nanh ninngé so mun ye bé men i nguaan.

JÉSUS-CHRIST I DYASIN FE'N BO LUC KLELI'N 16:15

Ye o sé bé ke: Amun lie'n an ti swran bo an yô amun wun swran'm bé nyrun ke an ti swran kpa, sannge Nyanmien si amun awlen'n nun akunndan'n, afin liké nga swran'm bé klôé bé bui liké kpa'n, o ti kain Nyanmien nyrun.

Jean 12:43

Afin bé klô dunman nga swran'm bé bô bé'n tra nga Nyanmien bô bé'n.

Jean 5:44

?Amun bo an klô ke amun wiéngu bô amun dunman'n, bo an klô'a ke Nyanmien b'o ti kunngba tye'n ye o bô amun dunman'n, oh yôh se ye amunh kwlah lafi i suo?

Sa nga bé yôli'n 3:12

Ke Pierre wuun i so'n, o sé swran'm bé ke: ?Amun Israëlfue mun, nzu ti ye sa nga bô amun nuaan? ?Nzu ti ye an nian é siin soo, ke é bobo é fanngan nun annze é Nyanmien srôle ti ye man bian nga a nantio?

Galasifuɛ Mun 6:12

Bé nga bé klô ke swran'm bé bu bé swran'n, bé ye bé mian amun ke an wla klen nion. Sa ti bo bé yôé so'n, bé waan béh yôéh so nan ba klé'a bé yale Christ i waka'n ti.

Hébreu 11:26

O wun i ke, finfin nga Christ (*f1*) ti bé yô i'n ti kpa tra Égypte lo liké kpakpa'n kwlaa, afin i nyin ta liké nga o wa nyen tyen wié'n mmua lo.

Hébreu 2:1

I so'n ti, man é fa nde nga é tii bé'n sié é klun kpa tra laa'n, se ya yô'a soo o tyeman nan ya tô a fuan atin'n.

Hébreu 6:10

Afin Nyanmien yô'a sa b'o ti'e i su, i wla fi'a dyunman nga an dili nin klôle nga an fa klôé b'o man an yôli i swran'm bé yé, bo an te yô'n su.

2 Jean 1:8

I so'n ti, anh nian amun wun kpa, nan amun dyunman'n i nuan liké'n wa tô'a fua'an amun, sannge amuan nyan nun liké kpan ti.