Matthieu 5:37 - Nyanmien nde Ufle

³⁷ Se an sé ke, iyô'n, mon o ka su, ye se an sé ke, tyetye'n, mon a ka su, afin nde nga bé kan gua su'n o fin Klunwifue'n.

NYANMIƐN NDƐ'N 1998

³⁷ Sɛ an se kɛ ɛɛn, man ɔ ka su, yɛ sɛ an se kɛ cɛcɛ'n, man ɔ ka su, afin ndɛ nga be kan gua su'n ɔ fin Klunwifuɛ'n .»

Matthieu 5:37 Iomraidhean Croise

Matthieu 13:19

Ke bo swran kun ti Nyanmien siéle'n nde'n, b'o wunmen i wle'n, kpekuun Klunwifue'n o wa yô man nde ng'o tili'n o mlin i klun. I sofue'n ye o ti ke atin mma'm b'o awié'n toli nun nion.

Matthieu 13:38

Awié fié'n yele men'n, awié'n yele Nyanmien mma mun, ye awié idyré'n yele Klunwifue'n i mma mun.

Matthieu 15:19

Afin akunndan te'n, swran kunle'n, bla nin bian bé yi annze bé wun i bô kunndele'n, bla nin bian kunndele'n, awié'n, bé wiéngu suen tonle'n, swran wun nde kanle'n, i kwlaa so'n wô swran i awlen'n nun.

Matthieu 5:36

Ye nanh ta o bobo wun nda, afin a kwla yô'a o ti ndre kun ufué annze blé.

Matthieu 6:13

Nanh yatyi é le man Lakafue'n laka é, sannge kpla é wun. [Afin a ti kpli, a sié liké'n kwlaa, ye manmanle'n ti o lie tititi. Mon o yô so.]

Jean 17:15

N sre'a o ke a yi bé men'n nun, sannge nh sreh o ke Klunwifue'n ti a nian bé su.

Jean 8:44

Amun si'n yele mmusu'm bé si Satan'n, ye an klô ke amunh yôh amun si so'n i klun sa. Ke o fin i bôbôle nun'n, o ti swran kunfue, o di'a nanwle mlonmlon, afin o si'a nanwle'n. O bua atô, afin atô'n ti i nzuen, atô'n ti i dyunman, i ye o ti atô buafue'm bé si nion.

Efɛzfuɛ Mun 4:25

I so'n ti, anh yatyi atô buale'n, anh di nanwle klé amun wiéngu, afin é kwlaa é ti swran wunmuan.

Efɛzfuɛ Mun 6:16

Sa kwlaa ng'o to amun su'n, man Christ su bo an lafi'n o yô ke amun nyren sa, nan Klunwifue'n i ta'n b'o so i nuan tô'n, i kwlaa'n wié su.

Kolɔsfuɛ Mun 3:9

Nanh an bua atô klé amun wiéngu, afin amuan wla amun nzuen laa b'o man an yô sa tete'n i asé,

Kolɔsfuɛ Mun 4:6

Man amun idyole wafa'n yô swran'm bé fe, man amun nuan nun nde'n yô fe ke ndyin sa, nan swran ng'o usa amun sa'n, amuan te i su klaan.

2 Tɛsalonikfuɛ Mun 3:3

Sannge é kwla fa é wla gua é Min'n su. Oh wlah amun fanngan ye oh nianh amun su, o man Klunwifue'n su nya'an amun.

Jacques 5:12

N niaan mun, sa ng'o ti tyinndyin kpa'n yele ke, nanh an fle nyanmien'n, nin asie'n, nin liké wié fi bé di. Sannge se an sé ke, iyô'n, mon o ka su, ye se an sé ke, tyetye'n, mon o ka su nan ba fa'a amun a oman Nyanmien dyasu.

1 Jean 2:13

N si mun, nh kleh fluwa nga ble amun, yele ke an si swran ng'o ô le i bôbôle nun'n. Gbanflen mun, nh kleh fluwa nga ble amun, yele ke an kwlali Klunwifue'n.

1 Jean 3:12

Nanh man é yô ke Caïn b'o ti Klunwifue'n i lie'n ti, o kuun i niaan bian'n i lie'n sa. ?Nzu ti ye o kunnin io? Yele ke sa nga i bobo yô bé'n bé ko'a atin su, sannge i niaan bian lie'n ko atin su.

1 Jean 5:18

É si ke swran kwlaa ng'o ti Nyanmien wa'n, o ka'a sa te yôle'n su, afin Nyanmien Wa'n sese, o man Klunwifue'n kwla yô'e i sa fi.