Matthieu 5:22 - Nyanmien nde Ufle

²² Sannge n lie'n, nh nh kanh klé amun ke, swran kwlaa ng'o fe i niaan wun ya [ngben'n], béh feh ko dyole difue'm bé dyasu. Ye swran ng'o kpe i niaan nzôwa'n, béh feh ko dyole difue dandan'm bé dyasu. Swran ng'o sé i niaan ke: Sinnglinfue'n, béh feh ko nyrennen lika'n i sin'n nun lo.

NYANMIƐN NDƐ'N 1998

²² Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

Matthieu 5:22 Iomraidhean Croise

Matthieu 10:17

Anh sasa amun wun swran'm bé lika, afin bé wa fa amun ko dyole difue'm bé dyasu, béh bôh amun nin ngblé bé Nyanmien sua'm bé nun.

Matthieu 10:28

Nanh an srô bé nga bé kun swran, bo bé kwla ku'an liké ng'o man bé fle swran i swran'n, sannge anh srô Nyanmien b'o kwlaa satyi bé nnyon'n mlonmlon nyrennen lika'n nun.

Matthieu 12:24

Ke Pharisifue'm (*f4*) bé tili'n, bé sé ke: Bian nga nenh i bobo fanngan nun ye o fuan asie usu muon, Béelzébul (*f7*) mmusu'm bé wléngbi'n, i dunman nun ye o fuan béo.

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Matthieu 18:21

Ye Pierre wunngéé i wun le, o use i ke: ?Nannan, se n niaan kun yô n te'n, kpe nnye ye n yatyi tye io? ?Lélé kpe nsô?

Matthieu 18:35

Se an yatyi'a amun wiéngu'm bé sa bo bé yô amun'n tye'a bé amun klun-ufué su'n, ke min Si b'o ô nyanmien su lo'n o wa yô amun soo.

Matthieu 23:15

Amun mmla kléfue nin Pharisifue dunman klôfue mun, an yakô! Yele ke an wlan dyénvié'n nin asie'n bé lika'n kwlaa ke amunh kunndeh swran kun nan o katyi Juif. Ke an kô nyen'n, amun man o katyi nyrennen lika'n nun lofue tra amun bobo kpe blu.

Matthieu 23:33

?Wuô, onda mma mun, se ye amunh yôh nan ba bu'a amun fo ba fa'a amun a oman nyrennen lika'n nuon?

Matthieu 25:41

I sin nh séh bé nga bé gua m be su'n ke: Amun bo n Si bôô amun sannzan'n, anh dyaô min wun le o anannganman sin bo bé tro maan mmusu'm bé si Satan nin i ange mun'n nun.

Matthieu 26:59

Nyanmien nyrun dyranfue dandan'm bé nin dyole difue dandan'n kwlaa bé kunnde Jésus wun sa kun bo béh dyranh su fa kuin.

Matthieu 3:17

Kpekuun bé ti swran kun nen nyanmien su lo, o sé ke: Min awlen su ba'n i su ye man fa n wla'n kwlaa guaa.

Matthieu 5:34

Sannge n lie'n, nh kanh klé amun ke, nanh an ta swran fi nda mlonmlon, nanh an fle nyanmien su lo'n bé di, afin o ti Nyanmien Kpli'n i bia.

Matthieu 5:44

Sannge n lie'n, nh kanh klé amun ke, anh klô amun kpofue mun, ye [bé nga bé wua amun amuen'n, anh yra bé nguan. Bé nga bé kpo amun'n, anh yô bé kpa,] ye [bé nga bé yô amun tete] bo bé klé amun yale'n, anh sre Nyanmien ke o nian bé su.

Marc 14:55

Nyanmien nyrun dyranfue dandan nin dyole difue'm bé kwlaa bé kunnde nde kun bo bé kwla dyran su bé fa kuin'n, sannge ba nye'en lé.

Marc 15:1

Ke alie'n tyennin'n, Nyanmien nyrun dyranfue dandan, nin kpenngben mun, ye mmla kléfue mun bé nin dyole difue'm bé kwlaa bé yiali, bé wuun bé wun. Ke bé tyii Jésus'n, bé fe oli, nan ba fe i a wla Pilate sa nun.

JÉSUS-CHRIST I DYASIN FE'N BO LUC KLELI'N 12:5

M ma klé amun swran nga bo ye an srôé'n. Anh srô Nyanmien bo ke o kun swran'n, o kwla fe yi nyrennen lika'n nun'n, i ye anh srô io.

JÉSUS-CHRIST I DYASIN FE'N BO LUC KLELI'N 22:66

Ke alie tyennin'n, Juif'm bé kpenngben nin Nyanmien nyrun dyranfue dandan nin mmla kléfue mun bé yiali, bé fa Jésus oo bé dyole difue dandan'm bé dyasu.

Jean 11:47

Ye Nyanmien nyrun dyranfue dandan nin Pharisifue'm bé nin dyole difue dandan mun, bé sé bé ke: ?É yô bian nga se? Afin o yi atre kpanngban.

Jean 15:25

Sannge sa so'n yô so nan nde nga bé klee bé mmla fluwa'n nun ke: «Kpole nga bé kpo min'n le'a bô'n» o kpen su.

Jean 7:20

Swran'm bé sé i ke: O kpa'n, liké wié su o su. ?Wan ye o klô ke oh kunh woo?

Jean 8:48

Juif'm bé sé i ke: ?Ke é sé o ke a ti Samariefue ye liké wié su o su'n, é nde'n ti'a nanwle?

Sa nga bé yôli'n 17:18

Fluwa sifue dandan wié'm bo bé fle bé épicurefue nin stoïquefue'n bé nin Paul kaan nde. Bé wié'm bé sé ke: ?Fiaifue nga i wannze? Ye wié'm bé sé ke: O su kan nvlé wié'm bé amuen nde. Sa ti bo bé ken i so'n yele ke o kan Jésus nde nin swran'm bé tyenle nde.

Sa nga bé yôli'n 22:30

Ke alie tyennin bo sôndya akpi sukpen'n waan oh wunh sa kpa nga ti ye Juif'm bé sanmaan Paul'n, o man bé nyanndyilii. O yiaa Nyanmien nyrun dyranfue dandan nin dyole difue dandan mun, o man bé dyraa Paul, o fe dyren bé afien le.

Sa nga bé yôli'n 23:1

Paul nian dyole difue mun siin, o sé ke: Nnya mun, min nzuen'n ti kpa Nyanmien nyrun lélé ye wa fa dyu nde'n, o man n klun ti'a min.

Sa nga bé yôli'n 24:20

O man bé nga bé ô ye'n, se bé wuun sa wié min wun ke n wô dyole difue dandan'm bé dyasu lo'n, man bé kan.

Sa nga bé yôli'n 4:15

Ke dyole difue'm bé maan bé atin ke bé dyaô kan'n, bé wuun bé wun,

Sa nga bé yôli'n 5:21

Ké bé tii nde so'n, nglemun nde kpa'n bé wluu Nyanmien sua dan'n nun lo, ye bé too liké kléle'n suo. Ke Nyanmien nyrun dyranfue dan'n nin i minnien'm bé dyuu le'n, bé yiaa dyole difue dandan nin Israël kpenngben'n kwlaa, nan ba sunman swran ke bé kô fa Pierre nin Jean bisua lo bla.

Sa nga bé yôli'n 5:27

Ke bé fa bé dyuu le'n, bé dyraan bé dyole difue'm bé nyrun le. Ye Nyanmien nyrun dyranfue dan'n wusa bé ke:

Sa nga bé yôli'n 6:12

Bé wlawlaa swran, nin kpenngben, nin mmla kléfue mun, ye bé wa tre fa oo dyole difue dandan'm bé dyasuo.

Sa nga bé yôli'n 6:15

Dyole difue'n kwlaa bo bé ti le'n bé nieen siin, i nyrun'n katyii bé nyrun ke ange'm bé lie'n sa.

Sa nga bé yôli'n 7:37

Moïse so'n ye o kan kléé Israël mma'm bé ke: «Nyanmien wa fa bé niaan'm bé nun kun sié i nuan idyofue ke o fe siéli'n sa man bé,» nion.

Rɔmfuɛ Mun 12:10

Anh klô amun wun kpa ke swran nin i niaan sa, anh bu amun wiéngu swran.

1 Korɛntfuɛ Mun 6:10

nin awiéfue, nin swran bo i nyin yi'a liké'n, nin nzanbôefue, nin nzôwa kpefue, nin swran b'o dé swran liké wué kéklé su'n, i so swran lie'n su yô'a men nga Nyanmien siéé'n i nunfue mlonmlon.

1 Korɛntfuɛ Mun 6:6

Christfue kun senmen i niaan bé bo bé lafi'a Christ su'n bé dyasu!

1 Tɛsalonikfuɛ Mun 4:6

Sa kunngba nga su'n, nanh an bu amun niaan luflé, nanh an tie i be su, afin é kan kléli amun, é wlaa amun su nun kpa ke, swran ng'o yô i so sa'n, é Min'n tuh i fo.

Tite 3:2

Nanh man bé kan swran wun nde, nanh man bé klô utré, man bé yatyi sa tye, man swran'n kwlaa bé wun ke bé ti weteefue.

Hébreu 12:25

Anh nian amun wun kpa, nanh an kpalô nde nga bé kan klé amun'n. Bé nga bé kpalô swran ng'o kan nde kléé bé asie'n su wa'n i nde'n, ba fité'a nun. Se é kusu é katyi é sin si swran ng'o ô nyanmien su lo b'o kan nde klé yé'n, é su fité'a nun mlonmlon.

Hébreu 5:9

Ke o yôô swran wafa nga Nyanmien klô ke o yô'n, o man bé kwlaa nga bé nyin yii'n, béh nyanh bé ti mlonmlon,

Jacques 2:20

Ééé, swran finfinfue! ?A klô ke a wun i wle ke swran ng'o sé ke o lafi Nyanmien su, sannge o yô'a sa kpakpa'n, i Nyanmien su b'o lafi'n o yô'a sa fi yé?

Jacques 3:6

Bé nuan'n kusu ti ke sin sa, o man bé kwla yô sa te dan. O ti é wunnen'n i bué, i ye o satyi é wun sa nion. O ti ke sin sa, bo ke bé wuu yé'n o satyi é wun sa lélé fa dyu é wié tyen, sin so'n fin nyrennen lika'n nun lo.

1 Piɛr 2:23

Bé kpe i nzôwa, wa yi'a ma'an bé, bé klé i nyrennen, wa fua'a bé ti, sannge o fe i nde lie'n wlaa Nyanmien b'o di nde nanwle'n i sa nun.

1 Piɛr 3:9

Se swran yô amun te'n, nanh an yôé wié, se bé kpe amun nzôwa'n, nanh an yi man bé, anh yra bé nguan, afin ke Nyanmien flee amun'n, o sé ke oh yrah amun nguan. Bé klee Nyanmien Nde'n nun ke:

1 Jean 2:9

Swran ng'o sé ke o ô wéiin'n nun, sannge o te kpo i niaan'n, wuun o te ô aôsin'n nun.

1 Jean 3:10

I so'n nun ye bé fa si bé nga bé ti Nyanmien wa, nin bé nga bé ti mmusu'm bé si Satan'n i wa nion, fin swran kwlaa ng'o yô sa ng'o ti'a kpa'n, b'o kpo i niaan'n, o ti'a Nyanmien wa.

1 Jean 5:16

Se swran wié wun i niaan kun b'o su yô sa te b'o ti'e i wié lie'n, mon o sre Nyanmien ke o man swran so'n i nguan, ye oh menh. Bé nga bé yô sa te b'o ti'a bé wié lie'n, bé nde ye n kaan. Sa te'n wié ô le bé yôo o ti bé wié lie, nenh i so sa lie'n ti ye n sé ke bé sre Nyanmien nion.

Jude 1:9

Sannge i nun nga ange kpenngben Michel nin mmusu'm bé si Satan béh kplih Moïse fuen'n, bo béh sih akplôwa'n, wa kwla ke'en nde te, sannge o séé i ke: «Min Min'n kô wun o!»

Sa nglô yile 20:14

Nan ba fa wié'n nin blolo'n ba yi bé sin dan'n nun. Sin dan so'n ye o ti wié'n i nnyon su nion.