Matthieu 5:18 - Nyanmien nde Ufle

¹⁸ Afin nanwle, bé su nunnunman mmla'n i nun fluwa mma kaan kun annze i nun nde kaan kun lélé san ke nglô'n nin asie'n bé nu'an le kun'n. Sen i kwlaa so'n oh kpenh su.

NYANMIƐN NDƐ'N 1998

¹⁸ Afin nanwlɛ, n kan kle amun kɛ be su nunnun-man mmla'n i nun fluwa mma kaan kun annzɛ i nun ndɛ kaan kun lele san kɛ nglo'n nin asiɛ'n be nun-man lɛ kun'n. San i kwlaa sɔ'n ɔ ´kpɛn su.

Matthieu 5:18 Iomraidhean Croise

Matthieu 10:15

Nanwle, dyole dile tyen'n nun Sodome nin Gomorrhefue'm bé nyrennen lie'n oh yôh soso tra klo so'm bé lie'n.

Matthieu 10:23

Se bé klé amun yale klo kun su'n, anh wanndi wo klo ufle su. Nanwle, an su wié'a Israël klo'm bé su wlan, nan m bo n katyii Swran'n man ba.

Matthieu 10:42

Swran kwlaa ng'o kô man bé nga bé ô ye'n, bé nun kaan kun nzué klôwa kun yele ke o ti n sonnzonfue'n ti'n, nanwle, i mô yôle'n su ka'a mlonmlon.

Matthieu 11:11

Nanwle, bé kwlaa nga bla wuli bé'n, bé nun wié fi nu'an le bo i dan tra Jean baptême yôfue nion. Sannge bé nga Nyanmien sié bé'n bé nun kaanfue'n i dan tre.

Matthieu 13:17

Nanwle, Nyanmien nuan idyofue nin swran nanwlefue kpanngban kpa bé klô ke béh wunh liké nga an wun bé ye'n, sannge ba wu'an bé, bé klô be béh tih nde nga an ti bé ye'n, sannge ba timan.

Matthieu 16:28

Nanwle, bé nga bé ô wa ye'n, nanh bé ngba ye wié'n kunh bé, nan ba wun ke m bo n katyii Swran'n n su ba, m ma di n famien nion.

Matthieu 17:20

Jésus sé bé ke: N su bo an lafiman'n tio. Nanwle, se an lafi n su bo kaan b'o dyu ke moutarde (*f9*) mma sa'n, an kwla sé ôka ng'o ô ye'n ke: Tu o bô wa ko lé sa. Oh tuh i bô, ye sa fi nu'an le bo an su kwle'e i yôo.

Matthieu 18:18

Nanwle, liké kwlaa nga an kô tanniin asie'n su wa'n, béh tanniinh nyanmien su lo, ye liké kwlaa nga an kô men i wun atin asie'n su wa'n, béh menh i wun atin nyanmien su lo.

Matthieu 18:3

Nanwle, se amuan katyiman amuan yô'a ke ba kanngan'm bé sa'n, an su yô'a men nga Nyanmien sié'n i nunfue mlonmlon.

Matthieu 19:23

Jésus séé i sonnzonfue'm bé ke: Nanwle, ke anyanbéunfue kun fe i wun man Nyanmien ke o siéé'n, o ti kéklé.

Matthieu 19:28

Ye Jésus sé bé ke: Nanwle, ke bé wa bô men'n i ufle ékun'n, bo m bo n katyii Swran'n nh yih n famien nglô bo nh tranh m bia'n su'n, amun bo an suu n su'n, amun kusu an wa tran bia blu-nin-nnyon su, amunh dih Israël nvlé blu-nin-nnyon'n bé dyole.

Matthieu 21:21

Nanwle, se an lafi Nyanmien su bo amun awlen'n ti'a nnyonnyon'n, nanh ke liké nga n yôô aloma nga kunngba ye amunh yôoh, sannge se an sé ôka ng'o ô ye'n ke o tu i bô le o kô to dyénvié'n nun, oh koh.

Matthieu 21:31

?Ba nnyon so'n, ônin ye o yôô i si klun sa nion? Ye bé waan: Klikli nion. Ye Jésus sé bé ke: Nanwle, guabô sika défue nin téklé mmla'm béh dunh mmua fa bé wun man Nyanmien ke o sié bé amun nyrun.

Matthieu 23:36

Nanwle, i kwlaa so'n o ti adyulisufue nga'm bé nde.

Matthieu 24:2

Ye o sé bé ke: ?An wun ninngé kwlaa nga? Nanwle, i yebue fi su ke'e i wiéngu yebue su b'o su kan guamaan.

Matthieu 24:47

Nanwle, o wa fe i ninngé'n kwlaa wle i sa nun.

Matthieu 25:12

Sannge o sé bé ke: Nanwle, n si'a amun.

Matthieu 25:40

Ye m bo n ti famien'n nh séh bé ke: Nanwle, liké kwlaa nga an yô maan n nian nga bé yale'n tra wié'm bé lie'n, bé nun kun'n, min ye an yô maan mion.

Matthieu 25:45

Ye nh séh bé ke: Nanwle, liké kwlaa nga amuan yô'a ma'an n niaan nga bé yale'n tra wié'm bé lie'n, bé nun kun'n, min ye amuan yô'a ma'an mion.

Matthieu 5:26

Nanwle, a su fi'an lo fitéman, lélé san a wié i kale'n kwlaa tua, bablu kun bo su kaman.

Matthieu 6:16

Se amunh kpeh sre nun ke amun nin Nyanmien amunh kôkôh yale'n, nanh an mlan amun nyrun ke dunman klôfue'm bé yô'n, bé yô bé wun fien bé fa klé swran mun ke bé su kpe sre nun. Nanwle, mô nga bé kô yô bé'n, ye bé yôô bé leo.

Matthieu 6:2

I so'n ti se ah tyeh yalefue liké'n, nanh bô i ndôlô ke dunman klôfue'm bé yôé Nyanmien sua'm bé nun nin atin'm bé su, ke swran'm bé wun bé nan bé yi bé aye'n bé lie'n sa. Nanwle, mô nga bé kô yô bé'n, ye bé yôô bé leo.

Matthieu 8:10

Ke Jésus tii nde so'n, o bôô i nuan dan kpa, ye o sé bé nga bé su i su so'n bé ke: Nanwle, Israël nvlé'n nun bobo man wu'an swran fi b'o lafi n su dan ke nga saa.

Marc 10:15

Nanwle, swran ng'o yô'e i wun ke bakan sa, o fe'e i wun ma'an Nyanmien ke o siéé'n, o su yô'a men nga Nyanmien sié'n i nunfue mlonmlon.

Marc 10:29

Jésus sé ke: Nanwle, swran kwlaa nga min nin dyasin fe'n ti, o yatyi i awlô, nin i niaan mun, nin i nin, nin i si, nin i mma mun, nin i asie'n,

Marc 11:23

Nanwle, swran ng'o lafi Nyanmien su'n o kwla sé ôka nga ke o tu i bô wa kô to dyénvié'n nun. Se i awlen'n ti'a nnyonnyon b'o lafi nde ng'o kannin'n su ke oh yôh'n, Nyanmien wa yô i so'n men.

Marc 12:43

Ye Jésus flee i sonnzonfue mun, o sé bé ke: Nanwle, angbôti bla yalefue nga i sika lie'n b'o yili'n o tra bé nga'm bé lie nga bé yi guaa sika guawle'n nun'n,

Marc 13:30

Nanwle, swran nga bé ô le'n, bé su wiéman nan sa so'n kwlaa wa yô.

Marc 14:18

Ke bé ô table'n su bo béh dih liké'n, Jésus séé ke: Nanwle, amun nga amun nin min di liké'n, amun nun kun wa fa min man swran mun.

Marc 14:25

Nanwle, n su no'an raisin (*f12*) nzué kun lélé san tyen nga min nin amun éh nonh ufle Nyanmien i men'n nun lo'n.

Marc 14:30

Ye Jésus sé i ke: Nanwle, nde kongue nga bobo, a wa sé ke a si'a min so kpe nsan, nan ako nyinman'n wa bô kpe nnyon.

Marc 14:9

Nanwle, men wunmuan'n nun lika kwlaa nga béh bôh dyasin fe'n, béh kanh sa nga bla nga yôli'n wié, ke bé wla kpen i su.

Marc 3:28

Nanwle, sa te kwlaa nga swran kô yô'n o nin Nyanmien dunman satyile kwlaa nga bé kô satyi'n oh yatyih tye bé.

Marc 6:11

Se an dyu lika wié nan ba siké'a amun, bo bé tié'a amun nde'n, ke amunh tuh an bô klo so'n su'n, anh kpukpu amun dya wun ndutré'n gue klo so'n su, mon o yô amun lalôfue.

Marc 8:12

Jésus ôtôô dan kpa, nan wa sé ke: ?Nzu ti ye adyulisufue nga'm bé kunnde atreo? Nanwle, bé su yi'a atre fi klé'a adyulisufue nga mun.

Marc 9:1

O séé bé ékun ke: Nanwle, bé nga bé ô wa ye'n, nanh bé ngba ye wié'n kunh bé, nan ba wun ke Nyanmien Kpli'n wa yi i famien'n nglô a klé béo.

Marc 9:41

Nanwle, ke an ti Christ lie'n ti, swran ng'o man amun nzué klôwa kun'n, oh nyenh i nuan liké.

JÉSUS-CHRIST I DYASIN FE'N BO LUC KLELI'N 11:51

Ke o fin Abel lie'n su lélé fa dyu Zacharie bo bé kunniin Nyanmien sowle'n nin i sua dan'n bé afien i lie'n su'n, nanwle, bé wié nde'n adyulisufue nga'm bé su ye oh kaah.

JÉSUS-CHRIST I DYASIN FE'N BO LUC KLELI'N 12:37

Bé nga ke bé min'n bah'n, bé nyin ô i sin'n, bé lie su ti yé! Anh nian nga b'oh yôh'n ye, oh feh i tannin'n kpe i bô, o man béh tranh asé, ye i bobo oh fah ninngé man bé.

JÉSUS-CHRIST I DYASIN FE'N BO LUC KLELI'N 13:35

Anh nian, amun awlô'n o wa ka amun sa nun, ye nde kun bo nh kanh klé amun'n ye, an su wu'an min kun lélé san amunh séh ke: «Swran ng'o ba é Min Nyanmien'n i dunman nun'n, man i liké'n kwlaa yô yé.»

JÉSUS-CHRIST I DYASIN FE'N BO LUC KLELI'N 16:17

Nyanmien nin asie'n bé wiéle'n ti popo tra ke mmla'n i nun fluwa mma kaan kun tu to'n.

JÉSUS-CHRIST I DYASIN FE'N BO LUC KLELI'N 18:17

Nanwle, swran ng'o yô'e i wun ke bakan sa, o fe'e i wun ma'an Nyanmien ke o siéé'n, o su yô'a men nga Nyanmien sié'n i nunfue mlonmlon.

JÉSUS-CHRIST I DYASIN FE'N BO LUC KLELI'N 18:29

Ye Jésus sé bé ke: Nanwle, swran kwlaa ng'o yatyi se i awlô ô, i yi ô, i niaan mun ô, i si ô, i nin ô, i wa ô, ke Nyanmien siéé'n,

JÉSUS-CHRIST I DYASIN FE'N BO LUC KLELI'N 23:43

Ye Jésus kusu sé i ke: Nian, man n kan nde kun klé o, ndeken min nin wo éh dyuh Nyanmien i lika klaan'n nun lo.

JÉSUS-CHRIST I DYASIN FE'N BO LUC KLELI'N 4:24

O sé bé ékun ke: Nanwle, Nyanmien nuan idyofue fi le'a nyrun i bobo i men'n nun.

Jean 1:51

Nanwle, an wa wun nyanmien su lo, o ti tikéwa ye amunh wunh Nyanmien i ange mun bo bé fu bé dyra m bo n katyii Swran'n n su.

Jean 10:1

Nanwle, swran ng'o si'an bua'm bé tuin'n i anuan'n nun b'o sin lika ufle wlu lo'n, o ti awiéfue nin kakadyéfue.

Jean 10:7

Jésus sé bé ékun ke: Nanwle, n ti bua'm bé tuin'n i anuan.

Jean 12:24

Nanwle, se awié mma kun wa to'a asie wun wa satyiman'n, o ke i kunngba, sannge se o satyi'n, oh wloh oh yôh kpanngban.

Jean 13:16

Nanwle, swran ng'o su swran'n ti'a kpa tre'e i min'n, ye swran nga bé sunmen'n ti'a kpa tra'a swran ng'o sunmen'n.

Jean 13:38

Jésus use i ke: ?N ti, an foh o wun man sakpa? Nanwle, a wa sé ke a si'a min so kpe nsan nan ako nyinman'n wa bô.

Jean 14:12

Nanwle, swran ng'o lafi n su'n, liké nga n yô bé'n, oh yôh wié, i lie'n trah n lie'n bobo, afin n su ko é Si'n sin.

Jean 16:20

Nanwle, amunh bôh auyé, amunh sunh, sannge men nunfue'm bé klun dyoh, amun wla'n bôh, sannge awlabôe so'n oh katyih aklundyue.

Jean 16:23

Tyen so'n nun, an su usa'a n sa sa wié su kun. Nanwle, liké kwlaa nga an sre n Si n dunman nun'n, oh fah man amun.

Jean 21:18

Nanwle, ke a te yô gbanflen'n, o bobo a fo o kplô'n tyi o bô, a ko lika nga a klô'n, sannge ke a kô yô kpenngben'n, ah tinngeh o sa'n swran wié ye oh foh o kplô'n tyi o bôo, oh foh o ko lika nga a klôman'n.

Jean 3:11

Nanwle, sa nga é sii'n nin nga é wunniin'n, ye é ken i nde klé amuon, sannge an fa'a é nde'n su.

Jean 3:3

Jésus sé i ke: Nanwle, swran nga ba wu'e ékun'n, o su kwla yô'a men nga Nyanmien sié'n i nunfue mlonmlon.

Jean 3:5

Ye Jésus sé i ke: Nanwle, se swran i awulie'n fi'an nzué nin Nyanmien Wawe'n, o su kwla yô'a men nga Nyanmien sié'n i nunfue.

Jean 5:19

O man Jésus keen i bobo nde, o sé bé ke: Nanwle, liké nga Ba'n wun ke i Si yô'n, ye o nian su yôo. Ba'n bobo kwla kpe'e i ti nun yô'a liké fi. Liké kwlaa nga i Si'n yô'n, ye i kusu yôo.

Jean 6:26

Jésus sé bé ke: Nanwle, sa ti bo an kunnde min'n, nanh atre bo an wunnin bé'n tio, sannge liké bo an dili bo amun ku yili'n tio.

Jean 6:32

Jésus sé bé ke: Nanwle, nanh Moïse ye o fa nyanmien su lo kpaun'n maan amuon, sannge n Si ye o fa kpaun kpa b'o fin nyanmien su lo'n man amuon.

Jean 6:47

Nanwle, swran ng'o lafi n su'n, o le anannganman nguan.

Jean 6:53

Jésus sé bé ke: Nanwle, se amun di'a m bo n katyii Swran'n min nnen'n, ye se an no'an min mmôdya'n, an su nya'an nguan.

Jean 8:34

Jésus sé bé ke: Nanwle, se sa te'n ti swran'n, wuun swran kwlaa ng'o yô sa te'n o katyi i kanga.

Jean 8:51

Nanwle, swran ng'o fa min nde'n su'n, o wu wa'a mlonmlon.

Jean 8:58

Jésus sé bé ke: Nanwle, ke béh wuh Abraham'n, wuun n wô le.

1 Piɛr 1:25

Sannge é Min Nyanmien Kpli'n i nde'n wô le tititi.» Nde so'n ye ke béh kanh dyasin fe'n, bé kan kléé amun nion.

Sa nglô yile 20:11

N wuun bia ufué dan kun swran ng'o ti su'n asie'n nin nyanmien su lo'n, bé wanndii i nyrun, ba wu'an bé kun.