Matthieu 4:23 - Nyanmien nde Ufle

²³ Jésus wlanwlan Galilée akpasua'n kwlaa su, o klé liké Nyanmien sua'm bé nun, o kan Nyanmien i siéle'n i dyasin fe'n klé bé, ye o wié tukpatye kwlaa b'o ô swran'm bé wun'n nin bé wunnen ya'n kwlaa.

NYANMIƐN NDƐ'N 1998

²³ Jésus wlan-wlan Galile akpasua'n kwlaa su, ɔ kle like Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn i sielɛ'n i jasin fɛ'n kle be, yɛ ɔ wie tukpacɛ kwlaa b'ɔ o sran'm be wun'n nin be wunnɛn ya'n kwlaa.

Matthieu 4:23 Iomraidhean Croise

Matthieu 11:5

Anyansifue'm bé wun asé, tyetyewafue'm bé nanti, kôkôwéfue'm bé kôkôwé'n wié, sutréfue'm bé ti sa, bé nga bé wuli'n bé tyen, ye bé bô dyasin fe'n klé yalefue mun.

Matthieu 12:9

Ke o fin le'n, o oo bé Nyanmien sua'n nun lo.

Matthieu 13:19

Ke bo swran kun ti Nyanmien siéle'n nde'n, b'o wunmen i wle'n, kpekuun Klunwifue'n o wa yô man nde ng'o tili'n o mlin i klun. I sofue'n ye o ti ke atin mma'm b'o awié'n toli nun nion.

Matthieu 13:54

Ke o dyuu i men'n nun'n, o klé swran'm bé liké bé Nyanmien sua'n nun. Liké b'o klé bé'n, o bô bé nuan, nan ba usa ke: ?O nin i ngwlele nin i sa kéklééklé yôle nga fin nin?

Matthieu 14:14

Ke o fin alié'n nun fitéli'n, o wuun swran kpanngban, bé yô i annvo, nan wa yô tukpatyefue'm bo bé ô nun'n bé dyuédyué.

Matthieu 24:14

Bé wa kan Nyanmien siéle'n i dyasin fe nga men wunmuan'n nun nan swran'n kwlaa bé ti Nyanmien nde'n. I sin ye men i awiélie'n oh dyuoh.

Matthieu 3:2

O sé bé ke: Anh katyi amun nzuen'n, afin Nyanmien i siéle ble'n wa mantan.

Matthieu 9:35

Jésus wlanwlan klo dandan nin klo kanngan'm bé su, o klé bé liké bé Nyanmien sua'm bé nun, o kan Nyanmien siéle'n i dyasin fe'n klé bé, ye o wié bé tukpatye nin bé wunnen ya'n kwlaa.

Marc 1:14

Ke bé wlaa Jean bisua'n, i sin Jésus oo Galilée men'n nun. O kan Nyanmien i dyasin fe'n,

Marc 1:21

Bé oo klo'n bo bé flee Capernaüm'n su. Sabbat b'o ti bé tyen te'n, Jésus wluu Nyanmien sua'n nun, o kléé liké. I liké b'o klé bé'n bô bé nuan, yele ke i nde b'o kan'n, o klé bé ke o le sin dyranfue,

Marc 1:39

Ye o oo Galilée men'n i lika'n kwlaa, o kan nde Nyanmien sua'm bé nun, o man asie usu'm bé dyaô swran'm bé su.

Marc 3:10

Afin ke b'o yô swran sunman bé dyuédyué'n, bé kwlaa nga bé ti tukpatyefue'n bé klô ke béh kenh. I so'n ti, bé wunndun i su.

Marc 6:2

Ke sabbat b'o ti Juif'm bé tyen te'n dyuli'n, o wa kléé bé liké Nyanmien sua'n nun. Swran kpanngban bo bé tié i nde'n bé nuan bôô bé wun, bé sé ke: ?Ééé, o tii nde nga'm bé nin? ?O nin i ngwlele nga fin nin? ?O yô se ye o yi atre nga muon?

Marc 6:6

I su bo bé lafiman'n o bô i nuan kpa. O oo klo'm bo bé mantan le'n bé su bé liké kléle.

JÉSUS-CHRIST I DYASIN FE'N BO LUC KLELI'N 10:9

Anh yô tukpatyefue nga bé ô le'n bé dyuédyué, anh sé bé ke, Nyanmien siéle'n o nin bé a ka kôkô.

JÉSUS-CHRIST I DYASIN FE'N BO LUC KLELI'N 13:10

Sabbat b'o ti Juif'm bé tyen te'n kun Jésus klé liké Nyanmien sua kun nun.

JÉSUS-CHRIST I DYASIN FE'N BO LUC KLELI'N 16:16

Bé di Moïse mmla'n nin Nyanmien nuan idyofue'm bé nde'n su lélé fa dyu Jean ble su, i ble su ye bé bôô Nyanmien siéle'n i dyasin fe'n i kanle bôo. O man swran'n kwlaa bé mian bé nyin ke béh fah bé wun man Nyanmien nan o sié bé.

JÉSUS-CHRIST I DYASIN FE'N BO LUC KLELI'N 20:1

Lé kun ke Jésus kléh swran'm bé liké Nyanmien sua dan'n nun, b'oh bôh dyasin fe'n klé bé'n, Nyanmien nyrun dyranfue dandan nin mmla kléfue, nin kpenngben mun bé wa usee i ke:

JÉSUS-CHRIST I DYASIN FE'N BO LUC KLELI'N 4:14

Ke Nyanmien Wawe'n tiin Jésus'n, o oo Galilée men'n nun ékun. I dunman'n fu lélé dyu kloklo nga bé mantan le'n, bé su.

JÉSUS-CHRIST I DYASIN FE'N BO LUC KLELI'N 5:17

Lé kun bo Jésus kléh liké'n, Pharisifue (*f4*) nin mmla i sifue dandan bo bé fin Galilée nin Judée bé klo'n kwlaa su'n nin Jérusalem'n, bé gua le, é min Nyanmien Kpli dyin i sin, o man o yô tukpatyefue'm bé dyuédyué.

JÉSUS-CHRIST I DYASIN FE'N BO LUC KLELI'N 6:17

O nin bé fin ôka'n su lo dyrali, bé wa dyran lika kpekplekpee kun bo i sonnzonfue kaka kpa bé ô le'n nun, ye swran kpanngban bo bé fin Judée nin Jérusalem, nin Tyr nin Sidon dyénvié nuan lo'n, bé ô le wié.

JÉSUS-CHRIST I DYASIN FE'N BO LUC KLELI'N 6:6

Ke sabbat tyen'n dyuu ékun bo Jésus wlu Nyanmien sua'n nun oh kléh bé liké'n, o wun bian kun bo i sa fama'n ti uwa.

JÉSUS-CHRIST I DYASIN FE'N BO LUC KLELI'N 7:21

Ke oh yôh so'n, wuun Jésus a yô tukpatyefue nin bé bo bé wun yô bé ya'n kpanngban bé dyuédyué, wa fuan asie usu b'o satyi swran'n o man ba yô dyuédyué, wa tiké anyansifue kaka bé nyin.

JÉSUS-CHRIST I DYASIN FE'N BO LUC KLELI'N 7:22

Ye o sé ké be: Anh kô kan liké nga an wunniin'n nin nde nga an tili'n klé Jean, anyansifue'm bé wun asé, tyetyewafue'm bé nanti, kôkôwéfue'm bé wun sa, sutréfue'm bé ti sa, bé nga bé wuli'n bé tyen, ye «bé bô dyasin fe'n klé yalefue mun.»

JÉSUS-CHRIST I DYASIN FE'N BO LUC KLELI'N 8:1

Ke o yôô so'n, Jésus nin i sonnzonfue blu-nin-nnyon'n, bé oo klo dandan nin klo kanngan'n kwlaa bé su, o kan Nyanmien nde, o bô Nyanmien siéle dyasin fe'n klé bé.

JÉSUS-CHRIST I DYASIN FE'N BO LUC KLELI'N 9:11

Ke swran'm bé tii i ke wa o lo'n, bé su i su. O soo bé nun, o kan Nyanmien siéle nde'n klé bé, o yô bé nga kusu bo bé ti'a dyuédyué, bé dyuédyué.

JÉSUS-CHRIST I DYASIN FE'N BO LUC KLELI'N 9:60

Ye Jésus séé i ke: Yatyi bé bo bé wu'n man bé sié bé swran mun, sannge o lie'n, kô kan Nyanmien siéle'n i nde'n.

Jean 18:20

Jésus sé i ke: N kan kléé swran'n kwlaa nzra nun, ye tyen'n kwlaa ke Juif'm bé yia Nyanmien sua'm bé nun nin Nyanmien sua dan'n nun'n, n klé bé liké. Man ka'an nde fi nvialie nun.

Jean 6:59

Nde nga ke Jésus kléh liké Capernaüm lo Nyanmien sua'n nun'n o kannin'n ye.

Jean 7:1

Ke o yôô so'n, i sin Jésus wlanwlan Galilée men'n nun, o klô'a ke o wlanwlan Judée men'n nun kun, afin Juif'm bé kunnde ke béh kuinh lo.

Sa nga bé yôli'n 10:38

Nyanmien fe i Wawe'n maan Jésus b'o fin Nazareth'n, o tinniin, o ko lika'n kwlaa o yô swran'm bé kpa, o yô bé kwlaa bo asie usu'm bé si Satan'n klé bé yale'n bé dyuédyué, afin Nyanmien dyin i sin.

Sa nga bé yôli'n 18:4

Sabbat b'o ti Juif'm bé tyen te'n kwlaa, Paul kan nde klé Juif nin Grec mun Nyanmien sua'n nun, o yiyi nun wéiin klé bé.

Sa nga bé yôli'n 20:25

Anh nian, amun kwlaa nga n sinnin amun su, bo n kan Nyanmien siéle nde kléé amun'n, n si ke an su wu'an min kun.

Sa nga bé yôli'n 28:31

Bé kwlaa nga bé be i wun wunle'n, o so bé nun. O kan Nyanmien siéle nde'n klé bé, ye o klé bé é Min Jésus-Christ i nde'n yakpa su, swran fi sé'e i ke, nan mon o kan.

Rɔmfuɛ Mun 10:15

?Se ba sunma'an swran'n, oh yôh se ye oh kenh i ndeo? Afin bé klee ke: «Bé bo bé ba dyasin fe bôle'n, Bé bale'n yô swran'm bé fe.»