Matthieu 3:11 - Nyanmien nde Ufle

¹¹ N lie'n, n yô amun baptême nzué'n nun ke an katyi amun nzuen'n, sannge swran ng'o ô sien b'o su ba'n, o le nyrun tra min. Min nin i ngbabua'n i suale fataman. I lie'n, o wa fa Nyanmien Wawe'n nin sin yô amun baptême.

NYANMIƐN NDƐ'N 1998

¹¹ N liɛ'n, n yo amun batɛm nzue'n nun kɛ an `kaci amun nzuɛn'n, sanngɛ sran ng'ɔ o siɛn b'ɔ su ba'n, ɔ lɛ tinmin tra min. Min nin i ngbabua'n i sualɛ fata-man. I liɛ'n, ɔ wa fa Nyanmiɛn Wawɛ'n nin sin yo amun batɛm.

Matthieu 3:11 Iomraidhean Croise

Matthieu 3:6

Ke bé di sa nga bé yôli'n i nanwle'n, o yô bé baptême nzué ba bo bé flee Jourdain'n nun.

Marc 1:4

I so'n su ye Jean baptême yôfue'n bali blô lo, o kan kléé bé ke bé katyi bé nzuen'n, ye bé yô baptême nzué'n nun, nan Nyanmien yatyi sa nga bé yôlii'n tye bé nion.

JÉSUS-CHRIST I DYASIN FE'N BO LUC KLELI'N 1:17

Oh dunh é Min'n nyrun, akunndan kunngba nga Élie buli'n, oh buh wié, ye sa kéklééklé nga Élie yôli'n, oh yôh wié. «Oh siésiéh ba'm bé nin bé si'm bé afien,» o man nyin kékléfue'm béh katyih, béh buh akunndan kpa, o man swran'm béh buabuah bé wun minnde é Min'n.

JÉSUS-CHRIST I DYASIN FE'N BO LUC KLELI'N 3:16

N lie'n, n yô amun baptême nzué'n nun, sannge swran ng'o le nyrun tra min'n, o su ba, min nin i ngbabua nyanman'n i nyanndyile fataman.

JÉSUS-CHRIST I DYASIN FE'N BO LUC KLELI'N 3:3

Nan wa o nzué'n bo bé flee Jourdain'n i nuan lo klo'n kwlaa su. O kô kan klé lofue mun ke bé katyi bé nzuen'n, man bé yô bé baptême, nan Nyanmien yatyi bé wun sa'n tye bé.

Jean 1:15

Jean keen i nde o kpan sé ke: I ye n keen i nde ke, swran ng'o ô sien o su ba'n, o le nyrun tra min nion, afin o ô le i sin nan ba wu min.

Jean 1:30

I ye n keen i nde ke, swran kun ô sien o su ba, o le nyrun tra min nion, afin o ô le i sin nan ba wu min.

Sa nga bé yôli'n 1:5

Afin Jean yôô swran'm bé baptême nzué'n nun, sannge amun lie'n, o di lé nnyon kun'n Nyanmien wa fe i Wawe'n yô amun baptême.

Sa nga bé yôli'n 19:4

Ye Paul sé bé ke: Jean baptême b'o yô'n o klé ke swran'm ba katyi bé nzuen'n. O sé swran'm bé ke bé lafi swran ng'o wa be i sin'n su. Swran so'n yele Jésus.

Sa nga bé yôli'n 8:36

Ke béh koh bé nyrun'n, bé tôô nzué, ye bian'n waan: ?Nian, nzué ye ô ye'n, nzu ye man n kwla yô'a baptêmeon?

Sa nga bé yôli'n 8:38

O man bé dyraan kakaklôlô'n, ye bé nnyon'n bé dyraa nzué'n nun, nan wa yôé baptême.

1 Korɛntfuɛ Mun 12:13

Afin Nyanmien fe i Wawe'n yôô é baptême, se Juif ô, Grec ô, kanga ô, diéwa ô, o man é kwlaa ya katyi swran wunmuan, ye i Wawe'n ti é kwlaa é lie.

Efɛzfuɛ Mun 3:8

Nyanmien yôô m bo n ti i swran'n kwlaa bé nun kaan'n n yé, o man n kan klé bé nga bé ti'a Juif'm bé ke Christ i anyanbéun'n tyennin, bé kwla ke'en bé nuan nun.

Tite 3:5

o déli é. Nanh ke é yôli sa kpa wié ti ye o déli yéo, sannge i bobo ye o sili é aunnvue soo. Ke o Wawe'n wuu é ufle wunnzinle b'o wunnziin yé'n ti, b'o man é katyi swran ufle'n, ye o déli yéo.

1 Piɛr 5:5

Gbanflen mun, amun kusu anh bu kpenngben'm bé swran. Amun kwlaa anh yô amun wun ke kanga sa, anh wuka amun wun, afin bé klee Nyanmien Nde'n nun ke: «Nyanmien nin bé nga bé tu bé wun mun lee, Sannge o yô aénvuefue'm bé yé.»