Matthieu 27:27 - Nyanmien nde Ufle

²⁷ Ye Pilate i sôndya'm bé fa Jésus oo i awlô lo, nan ba yia sôndya'n kwlaa bo bé ô le'n, ke bé wa yie i wun le.

NYANMIƐN NDƐ'N 1998

²⁷ Yɛ Pilat i sonja'm be fa Jésus ɔli i awlo lɔ nan b'a yia sonja'm bɔ be o lɛ'n be kwlaa kɛ be wa yiɛ i wun lɛ.

Matthieu 27:27 Iomraidhean Croise

Matthieu 26:3

Ke oh yôh so'n, wuun Nyanmien nyrun dyranfue dandan nin men kpenngben'm ba yia Nyanmien nyrun dyranfue dan'n bo bé flee Caïphe'n i awlô lo,

Jean 18:28

Ke bé nin i fin Caïphe awlô lo'n, bé fe oo Pilate awlô lo, ke oh yôh so'n, lika'n nian wié'a tyen. Ke o yô nan Juif'm ba ka'an fien nan ba kwla di Pâque'n (*f17*) wié'n, bé bobo ba wlu'a lo.

Jean 18:3

O man Judas faa sôndya nin Nyanmien sua dan'n nun sôndya nga Nyanmien nyrun dyranfue dandan nin Pharisifue'm (*f4*) bé yii bé'n bé oo lo. Kannin, nin te, nin kaka, nin klonman ô bé sa nun.

Jean 18:33

Pilate see i sin i awlô lo, o fle Jésus use i ke: ?A ti Juif'm bé famien?

Sa nga bé yôli'n 10:1

Bian kun ô Césarée lo, bé flee Corneille, o ti sôndya akpasua bo bé fle i Italie akpasua'n i sôndya ya-kunsukpen.

Sa nga bé yôli'n 23:35

o sé ke: Se bé nga bé sanmaan wo'n bé ba'n, n kô tié o nde'n. Ye o sé bé ke bé fe sié Hérode awlô lo.

Sa nga bé yôli'n 27:1

Ke bé waan é wa fu mméli nun wo Italie'n, bé fa Paul nin bisuafue wié mun wlaa César i sôndya'm bé nun ya sukpen kun bo bé flee Julius'n i sa nun.