Matthieu 25:40 - Nyanmien nde Ufle

⁴⁰ Ye m bo n ti famien'n nh séh bé ke: Nanwle, liké kwlaa nga an yô maan n nian nga bé yale'n tra wié'm bé lie'n, bé nun kun'n, min ye an yô maan mion.

NYANMIƐN NDƐ'N 1998

⁴⁰ Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 25:40 Iomraidhean Croise

Matthieu 10:40

Swran ng'o so amun nun'n, wuun wa so min nun, swran ng'o so min nun'n, wuun wa so Nyanmien b'o sunmannin min'n i nun.

Matthieu 10:42

Swran kwlaa ng'o kô man bé nga bé ô ye'n, bé nun kaan kun nzué klôwa kun yele ke o ti n sonnzonfue'n ti'n, nanwle, i mô yôle'n su ka'a mlonmlon.

Matthieu 18:10

Anh nian amun wun kpa, nanh amun yô ba kanngan nga bé ô ye'n bé nun kun finfin, afin nh kanh klé amun ke, bé ange'm bo bé ô nyanmien su lo'n bé nyin ta min Si b'o ô nyanmien su lo'n i nyrun tyen kwlaa.

Matthieu 25:34

Ye m bo n ti famien'n nh séh bé nga bé gua n fama su'n ke: Amun bo n Si yôli amun yé'n, anh bla'a di famien bo ke b'éh bôh men'n i bô'n, bé sié maan amun'n.

Matthieu 25:39

?Ye tyen ônin ékun ye é wuun ke a too tukpatye annze ba wlo o bisua bo é niannin o ôsuo?

Matthieu 25:45

Ye nh séh bé ke: Nanwle, liké kwlaa nga amuan yô'a ma'an n niaan nga bé yale'n tra wié'm bé lie'n, bé nun kun'n, min ye amuan yô'a ma'an mion.

Matthieu 28:10

Ye Jésus sé bé ke: Nanh sre kun amun, anh wo kô sé n niaan'm bé ke bé o Galilée lo, lo ye béh wunh mion.

Marc 9:41

Nanwle, ke an ti Christ lie'n ti, swran ng'o man amun nzué klôwa kun'n, oh nyenh i nuan liké.

JÉSUS-CHRIST I DYASIN FE'N BO LUC KLELI'N 19:38

Bé sé ke: «Famien ng'o ba é Min Nyanmien dunman nun'n, mon o nyan nguan!» Aladyé ô Nyanmien lika lo. Man Nyanmien manmanle'n te nyanmien su lo!

Jean 20:17

Ye Jésus sé i ke: Nanh kan min, afin n nian fu'a n Si wun lo ka. Sannge ko n niaan'm bé sin kô sé bé ke, nh fuh ko min nin amun é Si'n b'o ti min nin amun é Nyanmien'n i wun lo.

Rɔmfuɛ Mun 8:29

Afin é bo Nyanmien dun mmua si yé'n, o siéé é ke é katyi ke i Wa'n ti'n sa, nan i Wa'n nyan niaan kpanngban, nan o yô bé nyrun kpen.

2 Korɛntfuɛ Mun 4:5

É ka'an é bobo é wun nde, Christ-Jésus b'o ti é Min'n i nde ye é kaan, i ti é ti amun akua.

Galasifuɛ Mun 5:13

Aniaan mun, Nyanmien flee amun ke an nyan amun ti, sannge amun ti bo amun nyen so'n ti, nanh an yô klo swran nyôlie'n, sannge anh bu amun wun ke an ti amun wiéngu kanga, anh wuka amun wun klôle bo an klô amun wun'n ti.

Galasifuɛ Mun 5:22

Sannge sa nga Nyanmien Wawe'n man swran yô'n ye: o man bé klô Nyanmien nin swran, bé klun dyo, bé wla gua asé, bé tra bé awlen, bé yô swran yé, bé yô aklunyé, bé di nanwle,

Galasifuɛ Mun 5:6

Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

Efɛzfuɛ Mun 5:30

afin é ti i wunnen'n i lika'n wié.

Hébreu 6:10

Afin Nyanmien yô'a sa b'o ti'e i su, i wla fi'a dyunman nga an dili nin klôle nga an fa klôé b'o man an yôli i swran'm bé yé, bo an te yô'n su.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Jean 4:20

Se swran kun sé ke o klô Nyanmien, sannge o kpo i niaan'n, wuun atô ye o buaa. ?Afin se o klô'e i niaan'n b'o wuin'n, o yô se ye o kwla klô Nyanmien b'o wunmen nion?

Sa nglô yile 17:14

Bé nin Bua Gbanflen'n béh kunh, sannge Bua Gbanflen'n nin bé nga o flee bé, o faa bé, bo bé fa bé wun menten kpa'n, béh kwlah bé, afin i ye o sié bé kwlaa nga bé sié swran'n nin famien muon.

Sa nglô yile 19:16

Bé kle dunman kun i trale'n nin i sowa'n su ke: Famien'm bé Famien nin swran'm bé min mun bé Min.