Matthieu 24:7 - Nyanmien nde Ufle

⁷ Sannge o su yô'e i awiélie. Nvlé kun wa dyaô nvlé kun wun, ye famien kun wa dyaô i wiéngu famien kun wun. Lika wié'm bé nun awé wa kpen, asie'n o wa kédyé.

NYANMIƐN NDƐ'N 1998

⁷ Sanngɛ kɛ ɔ ko yo sɔ'n, wuun mɛn i awieliɛ nian ju-man ka. Nvle kun wa jao nvle kun wun, yɛ famiɛn kun wa jao i wiengu famiɛn kun wun. Lika wie'm be nun'n awe'n wa kpɛn, asiɛ'n ɔ wa keje.

Matthieu 24:7 Iomraidhean Croise

JÉSUS-CHRIST I DYASIN FE'N BO LUC KLELI'N 21:11

Asie'n wa kédyé dan kpa, ye lika wié'm bé nun tukpatye tete'n o wa son, awé wa kpen. Bé wa wun liké srôesrôé nin abônuan sa dandan nyanmien su lo.

Sa nga bé yôli'n 11:28

Bé nun kun bo bé fle i Agabus'n, o dyaôli nan Nyanmien Wawe'n man sé ke, awé dan kpa o wa kpen men wunmuan'n nun. Claude ble su ye awé so'n kpennion.

Sa nga bé yôli'n 2:19

Nh yôh abônuan sa nyanmien'n su lo, Ye nh yih atre asie'n su wa, Béh wunh mmôdya nin sin nin sin wensren dan.

Hébreu 12:27

Ke o sé ke oh kédyééh «ékun'n», o klé wéiin ke i ye oh yih liké nga o kédyé bé'n bé leo, afin i ye o yii béo, nan nga wa kédyé'a bé'n bé ka le.

Sa nglô yile 6:12

N niaan lo, n wuun ke Bua Gbanflen'n kpee liké nga bé fa tyityi fluwa'n i nsien su'n nun. Asie'n kédyéé dan kpa, wia'n dun tuun ke zugu sa, anglô'n katyi ke mmôdya sa.

Sa nglô yile 6:5

Ke Bua Gbanflen'n kpee liké nga bé fa tyityi fluwa'n i nsan su'n nun'n, n tii liké bo bé ti ke nnen sa'n bé nun kun bo i nyrun'n fa swran'n ke o sé ke: Bla. Nh niaanh… nnenkpanngo blé kun ye. Tôé kun ô swran ng'o ti su'n i sa nun.

Sa nglô yile 6:6

Ye n tii swran kun nen liké nnan bo bé ti ke nnen sa'n bé afien le, o sé ke: Awié kilo kun denier (*f10*) kun, ye orge (*f28*) kilo nsan, denier kun. Sannge ngô'n nin du vin'n, nanh kan bé.

Sa nglô yile 6:8

Nh niaanh… nnenkpanngo nzuennzuen kun ye. Swran ng'o ti su'n, bé flee Wié, ye lika nga bé flee blolo'n o su i su. Bé bubu asie'n sufue'm bé nun fa nnan, bé man bé atin ke bé kun bé nun fa kun. Bé fa kaka, nin awé, nin wié b'o kun bé tututu'n, nin asie'n su nnen nga bé yô wle'n ye bé fa kun béo.