Matthieu 24:42 - Nyanmien nde Ufle

⁴² I so'n ti, anh tran minnde, yele ke an si'a tyen nga amun Min'n oh bah nuon.

NYANMIƐN NDƐ'N 1998

⁴² I sɔ'n ti, an `tran minndɛ, yɛlɛ kɛ an si-man cɛn nga amun Min'n ɔ ´ba nun-ɔn.

Matthieu 24:42 Iomraidhean Croise

Matthieu 24:36

Tyen so'n nin i do'n swran fi simen, san min Si kunngba tye ye o si io. M bo n ti i Wa'n bobo n simen, ye nyanmien su lo ange'm bé kusu bé simen.

Matthieu 24:43

Man amun wun i wle ke, se awlô bô kpen kun si kongue do nga awiéfue'n bah su'n, oh tranh minndee, o su yatyi'e le ke o fiti i sua'n.

Matthieu 24:44

I so'n ti, amun kusu anh buabua amun wun sié, afin m bo n katyii Swran'n mh bah do nga an bu'a min akunndan'n su.

Matthieu 25:10

Ke béh koh i tôle'n ye bian'n dyuu leo, bé nga bé buabuaa bé wun'n bé nin bian'n bé wluu kan bé fa atonvle'n lo'n, nan ba tô anuan'n nun.

Matthieu 25:13

Ye Jésus sé bé ke: I so'n ti, anh tran minnde, afin an si'a tyen'n nin do'n.

JÉSUS-CHRIST I DYASIN FE'N BO LUC KLELI'N 21:34

Anh sasa amun wun, nanh an yô alie safue nin nzan bôefue, nanh an kôkô ninngé'm bé ti, se an yô so'n, o tyeman nan tyen so'n wa fu amun nun.

JÉSUS-CHRIST I DYASIN FE'N BO LUC KLELI'N 21:36

I so'n ti, anh tran minndee tyen kwlaa, anh sre Nyanmien man an kwla fité sa kwlaa b'o wa ba men'n nun'n i nun, nan amuan kwla dyran m bo n katyii Swran'n min nyrun.

Rɔmfuɛ Mun 13:11

Amun bobo an si ble nga é ô nun ye'n, o man amun bo an ti ke swran b'o su lafi sa'n, amun tinngéle'n wa dyu, afin é ti nyanle'n wa mantan é kôkô a tre i nun nga é lafii Christ su'n.

1 Korɛntfuɛ Mun 16:13

Anh nian amun wun kpa, anh lafi Christ su anh dyran kéklé, anh yô man bé wun ke an ti yasua bo amun awlen so.

1 Tɛsalonikfuɛ Mun 5:6

I so'n ti, nanh man é lafi ke swran wié'm bé lie'n sa, sannge man é nian é wun su é tran minndee.

1 Piɛr 4:7

Liké'n kwlaa bé awiélie'n wa mantan. I so'n ti, anh bu akunndan, anh nian amun wun su nan amuan kwla kôkô yale a klé Nyanmien.

1 Piɛr 5:8

Anh sasa amun wun, anh niannian! Afin mmusu'm bé si Satan b'o ti amun kpofue'n, o ti ke dyra b'o wlanwlan, o kpan kunnde nnen'n sa.

Sa nglô yile 16:15

—Nian, mh bah ke awiéfue sa! Swran ng'o tran minnde, b'o nien i trale'm bé su, b'o man o su fe'e i wun kplen sinman'n, b'o man o su wu'an nyannzuen'n, i lie su ti yé! —