Matthieu 24:36 - Nyanmien nde Ufle

³⁶ Tyen so'n nin i do'n swran fi simen, san min Si kunngba tye ye o si io. M bo n ti i Wa'n bobo n simen, ye nyanmien su lo ange'm bé kusu bé simen.

NYANMIƐN NDƐ'N 1998

³⁶ «Cɛn sɔ'n nin i dɔ'n, sran fi si-mɛn i, san min Si kunngba cɛ yɛ ɔ si i-ɔ. M bɔ n ti i Wa'n bɔbɔ n si-mɛn i, yɛ nyanmiɛn su lɔ anz'm be kusu be si-mɛn i.

Matthieu 24:36 Iomraidhean Croise

Matthieu 24:42

I so'n ti, anh tran minnde, yele ke an si'a tyen nga amun Min'n oh bah nuon.

Matthieu 24:44

I so'n ti, amun kusu anh buabua amun wun sié, afin m bo n katyii Swran'n mh bah do nga an bu'a min akunndan'n su.

Matthieu 25:13

Ye Jésus sé bé ke: I so'n ti, anh tran minnde, afin an si'a tyen'n nin do'n.

Marc 13:32

Sannge tyen so'n nin i do so'n swran fi simen, ange'm bo bé ô nyanmien su lo'n nin m bo n ti i Wa'n bobo é simen, san n Si kunngba tye ye o si io.

Sa nga bé yôli'n 1:7

O séé bé ke: Tyen so'n nin ble so'n bo é Si bobo siéli'n, o ti'a amun nde su.

1 Tɛsalonikfuɛ Mun 5:2

Afin amun bobo an si kpa ke é Min'n i bale tyen'n oh fuh é nun ke awiéfue b'o ba kongue'n sa.

2 Piɛr 3:10

É Min'n i bale'n oh fuh é nun ke awiéfue sa. Tyen so'n nun nyanmien su lo'n kplah wuuu, kpekuun bé wu'en kun. Ye nyanmien su lo ninngé'm béh yrah, ye asie'n nin i su ninngé'n kwlaa béh nunnunh.

Sa nglô yile 16:15

—Nian, mh bah ke awiéfue sa! Swran ng'o tran minnde, b'o nien i trale'm bé su, b'o man o su fe'e i wun kplen sinman'n, b'o man o su wu'an nyannzuen'n, i lie su ti yé! —

Sa nglô yile 3:3

I so'n ti, anh bu nde nga bé kan kléé amun, bo an fa su'n i akunndan, anh fa su, anh katyi amun nzuen'n. Se amuan tinngéman'n, m ma fu amun nun ke awiéfue sa, an su si'a do nga mh bah'n.