Matthieu 23:8 - Nyanmien nde Ufle

⁸ Sannge amun lie'n, nanh an yô amun wun ke bé fle amun Nannan, afin amun sukpen b'o ti amun liké kléfue'n ti kunngba tye, ye amun kwlaa an ti niaan.

NYANMIƐN NDƐ'N 1998

⁸ Sanngɛ amun liɛ'n, nán an yo amún wun kɛ be `flɛ amun Nannan, afin amún su kpɛn b'ɔ ti amun like klefuɛ'n ti kunngba cɛ, yɛ amun kwlaa an ti niaan.

Matthieu 23:8 Iomraidhean Croise

Matthieu 10:25

Se swran b'o suan liké'n yô ke swran b'o klé i liké'n sa'n, i so'n ti kpa, ye se swran b'o su swran'n yô ke i min'n sa'n, i so'n ti kpa. Se bé flee awlô kpen'n ke Béelzébul'n, (*f7*) bé wa fle i awlôfue'm bé kusu so kpe blu.

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Matthieu 23:10

Nanh an yô amun wun ke bé fle amun swran'm bé sukpen, afin amun sukpen'n ti kunngba tye, yele Christ.

Matthieu 23:7

Bé klô ke swran'm bé yô bé liké nzra nun, ye bé fle bé Nannan.

Matthieu 26:25

Judas b'o fe maan swran mun'n o usee i ke: ?Baba, mion? Jésus sé i ke: Een, ye o nuan ô su leo.

Matthieu 26:49

Kpekuun o wunngé i wun le, o sé i ke: Baba, anun ô, ye o tôô i sa yi i komion.

Marc 10:51

Jésus use i ke: ?Nzu ye o waan n yô man oo? Anyansifue'n sé i ke: Baba, yô man n wun asé.

Marc 11:21

Pierre wla kpeen sa nga Jésus yôô aloma'n su, o séé Jésus ke: Baba, nian, aloma'n bo a bôô i sannzan'n wa wu.

Marc 14:45

Ke o dyuu lo tye'n, o wunngéé Jésus wun le, o sé i ke: Baba!

Marc 9:5

Kpekuun Pierre séé Jésus ke: Baba, ke é ô wa'n o ti kpa, man é kplan kpata nsan, o lie kun, Moïse lie kun, ye Élie lie kun.

JÉSUS-CHRIST I DYASIN FE'N BO LUC KLELI'N 22:32

Sannge n kan o nde kléé Nyanmien ke n su bo a lafi'n, nanh man a kponzo. O kusu se a katyi'n, wlo o niaan'm bé fanngan.

Jean 1:38

Jésus kpeh i nyion… bé su i su, ye o usa bé ke: ?Nzu ye an kunndeo? Bé use i ke: ?Rabbi, a tran nin? — Rabbi'n i bô yele ninngé kléfue.—

Jean 1:49

Ye Nathanaël sé i ke: Baba, wo ye a ti Nyanmien Wa nion, a ti Israël'm bé famien.

Jean 11:8

I sonnzonfue bé sé i ke: Baba, ke Juif'm bé kunnde ke béh finh o yebue béh kunh wo'n, o nian tyeman. ?Ye ah koh lo ékuon?

Jean 20:16

Jésus sé i ke: Marie! O kpee i nyin o sé i hébreu nun ke: Rabbouni. Rabbouni'n ti dunman bo bé fa fle bé ninngé kléfue mun.

Jean 3:26

Bé oo Jean wun lo bé kô sé i ke: Baba, nian bian'n b'o nin wo ô Jourdain'n sin lo'n, bo a ken i nde'n, o su yô swran'm bé baptême, bé kwlaa ba wié i sin ko.

Jean 4:31

Ke oh yôh so'n, wuun i sonnzonfue'm bé dyin i wun ke: Baba, di liké'n.

Jean 6:25

Bé kô tôé fete'n bué kun lo, bé use i ke: ?Baba, tyen ônin ye a baa waa?

Jean 9:2

I sonnzonfue'm bé usee i ke: ?Baba, bian nga, o yô se ti ye bé wuu i anyansifueo, i bobo yôô sa wié annze i si nin i nin bé yôô sa wié ti ye bé wuu i soo?

2 Korɛntfuɛ Mun 1:24

Nanh ke n sié amun Nyanmien atin'n su tio, afin ke an lafi Christ su'n, an dyran kéklé, sannge é uka amun é di dyunman nan amun klun dyo.

2 Korɛntfuɛ Mun 4:5

É ka'an é bobo é wun nde, Christ-Jésus b'o ti é Min'n i nde ye é kaan, i ti é ti amun akua.

Efɛzfuɛ Mun 3:15

I dunman'n wô ôsuôsu'n kwlaa su, nyanmien su lo ô, asie'n su wa ô.

Filemɔn 1:16

Afin sien'n, nanh ke o kanga kunngba ye o tio, sannge i kpa tra kanga, o ti é niaan bo é klôé kpa. O ti n swran kpa, ye o lie'n, o wa yô o swran kpa tra min, afin o ti o swran, ye kusu amun Min'n wa yô kun.

Jacques 3:1

N niaan mun, nanh amun nun kpanngban bé kunnde ke bé yô liké kléfue, afin an si ke, ke Nyanmien dih dyole'n é bo é ti liké kléfue'n, oh usausah é sa kpa tra bé nga mun.

1 Piɛr 5:3

Nanh an tin bé nga bé fa bé maan amun ke an nian bé su'n bé su, sannge anh yô sa ng'o ti kpa'n, man bé nian su.

Sa nglô yile 1:9

N Jean bo n ti amun niaan'n, ke é nin Jésus é katyii swran wunmuan'n ti, o man min nin amun é wun nyrennen, o sié é, ye é tra é awlen. Nyanmien nde nin Jésus nde bo n kan'n ti, bé fa min oo nvlé kaan bo bé flee Patmos, bo nzué sin yie'n nun.

Sa nglô yile 19:10

Ye n wutuu min nyin asé i bô le ke mh menmenh, sannge o sé n ke: Nanh yô so! N ti wo nin o niaan kwlaa nga bé fa nde nanwle nga Jésus yii nglô'n su'n, amun wiéngu dyunman difue. Kôtô Nyanmien bô menmen! Nde nanwle nga Jésus yii nglô'n ye man Nyanmien nuan idyofue'm bé ken i nde nion.

Sa nglô yile 22:9

Sannge o sé n ke: Nanh yô so! N ti wo nin o niaan kwlaa nga bé ti Nyanmien nuan idyofue'n, nin bé nga bé fa fluwa nga nun nde'n su'n amun wiéngu dyunman difue. Manman Nyanmien!