Matthieu 23:34 - Nyanmien nde Ufle

³⁴ O man, nh sunmanh Nyanmien nuan idyofue nin ngwlelefue nin mmla kléfue mun amun sin. Amun wa kun wié, amunh bôbôh wié waka'n su, ye amunh bôh wié mun nin ngblé amun Nyanmien sua'm bé nun, amunh kléh bé yale klo'm bé su

NYANMIƐN NDƐ'N 1998

³⁴ Ɔ man, n ´sunman Nyanmiɛn nuan ijɔfuɛ mun nin ngwlɛlɛfuɛ mun, ɔ nin mmla klefuɛ mun amún sin. Amun wa kun wie, amun ´bobo wie waka'n su, amun ´bo wie mun nin ngble amun Nyanmiɛn ndɛ suanlɛ nin i srɛlɛ sua'm be nun, yɛ amun ´kle be yalɛ klɔ'm be su

Matthieu 23:34 Iomraidhean Croise

Matthieu 10:23

Se bé klé amun yale klo kun su'n, anh wanndi wo klo ufle su. Nanwle, an su wié'a Israël klo'm bé su wlan, nan m bo n katyii Swran'n man ba.

Matthieu 13:52

Ye o sé bé ke: I so'n ti, mmla kléfue kwlaa b'o suan Nyanmien siéle nun ninngé mun'n, o ti ke awlô bô kpen kun b'o yi ninngé ufle nin ninngé nvuen i betro'n nun sa.

Matthieu 23:31

I so'n nun amun bobo an klé ke an ti bé nga bé kuun Nyanmien nuan idyofue mun'n bé wa.

JÉSUS-CHRIST I DYASIN FE'N BO LUC KLELI'N 24:47

Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.

Jean 16:2

Béh kanh amun bô Nyanmien sua'm bé nun, ye tyen wié bé nga bé kun amun'n, béh buh i ke Nyanmien ye bé su su io.

Jean 20:21

Ye o sé bé ékun ke: Anh gua amun wla asé! Ke n Si fa sunmaan min'n, n kusu nh fah sunman amun so.

Sa nga bé yôli'n 1:8

Sannge ke Nyanmien Wawe'n kô ba amun wun'n, oh tinh amun, an wa kan min nde Jérusalem wa, Judée men wunmuan'n nun, o nin Samarie lo lélé fa dyu asie'n i awiélie.

Sa nga bé yôli'n 11:27

Ble so'n nun Nyanmien nuan idyofue wié'm bé fin Jérusalem bé baa Antioche le.

Sa nga bé yôli'n 12:2

O man bé fa kaka kuun Jean niaan bian Jacques.

Sa nga bé yôli'n 13:1

Asonun ng'o ô Antioche lo'n Nyanmien nuan idyofue nin liké kléfue'm bé ô nun, Barnabas, nin Siméon bo bé flee Niger'n, nin Lucius b'o fin Cyrène'n, nin Madaën b'o nin Hérode b'o sié nvlé'n i bué'n bé kaan nun bé tran awlô kun nun'n, ye Saul.

Sa nga bé yôli'n 14:19

Kpekuun Juif wié bo bé fin Antioche nin Iconium'n bé bali, bé satyi swran'm bé ti nun, nan ba fin Paul yebue. Ke bé bu i ke wa wu'n, bé tyueen kô yi klo'n sin lo.

Sa nga bé yôli'n 15:32

Jude nin Silas bo bé bobo bé ti Nyanmien nuan idyofue'n bé kan nde kpanngban, bé maan bé niaan'm bé afotue, bé wla bé fanngan.

Sa nga bé yôli'n 5:40

nan ba fle bé bo Jésus sunmaan bé'n. Ke bé bôô bé nin nyantiaan'n bé wla bé su nun ke, nanh man bé kan nde Jésus dunman nun kun, nan ba yatyi bé nun.

1 Korɛntfuɛ Mun 2:6

Sannge ngwlele nde ye é kan klé swran bo bé nyin a ti muon. Ngwlele so'n fi'an é ble su, nin é wléngbi mun bo bé ble lie'n o wa wié'n.

1 Korɛntfuɛ Mun 3:10

Nyanmien klun-ufué'n ti man yô ke sua kplanfue b'o si sua kplan sa, n wlaa sua'n i bô asé, ye swran ufle su taka su. Sannge man swran ng'o taka su'n, o nien i wafa ng'o fa taka su'n i su kpa.

Kolɔsfuɛ Mun 1:28

Christ so'n i nde ye é kan klé swran'n kwlaa nion, é tu bé kwlakwla bé fo, é fa ngwlele kwlaa nga é sii'n é fa klé bé liké. É yô so nan swran'n kwlaa yô swran Nyanmien nyrun, swran wunmuan bo bé nin Christ ti'n ti.

1 Tɛsalonikfuɛ Mun 2:16

Bé waan béh yôh so nan nanh man é kan nde klé bé nga bé ti'a Juif'n man bé nyan bé ti. Ke bé yô so'n, o man bé sa te nga bé yô'n o gua su tititi. Sannge sien'n, Nyanmien i ya'n wa dyaô bé wun.

Hébreu 11:37

Bé fin bé yebue, bé wlanwlan bé, bé fa scie kpatyi bé nun, bé fa kaka kun bé. Bé wla bua nin bôli kplô bé ko wa ko wa, bé le'a liké fi, bé wun nyrennen, bé yô bé tete.

Sa nglô yile 11:10

Swran nnyon so'n bé kunle'n yôh asie'n sufue'm bé fe, bé klun dyoh, béh tyeh bé wun liké, afin Nyanmien nuan idyofue nnyon so'n, béh kléh swran'm bé yale.