Matthieu 22:16 - Nyanmien nde Ufle

¹⁶ Bé sunmaan bé sonnzonfue nin Hérodefue mun Jésus wun lo, bé wa sé i ke: Ndya, é si ke a di nanwle, a klé swran mun Nyanmien atin'n nanwle nun. A srô'a swran fi, afin a nia'an swran nyrun.

NYANMIƐN NDƐ'N 1998

¹⁶ Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

Matthieu 22:16 Iomraidhean Croise

Matthieu 22:24

Ndya Moïse waan: «Yasua kun b'o nin i yi ba wu'a ba'n, se o wu'n, man i niaan'n dye i angbôti'n, o nin i bé wu ba, nan i niaan'n i ôsu'n wa nunnunman.»

Matthieu 22:26

Bé nnyon su'n nin bé nsan su'n bé dyeli, bé wuli, lélé fa dyuu bé nsô'n su.

Matthieu 26:18

O sé bé ke: Anh wo klo lo swran kun awlô, anh sé i ke, Ndya waan iyô, é sé o ke i ble'n wa mantan, nan o lika wa ye o nin i sonnzonfue'm béh dih Pâque nion.

Matthieu 26:49

Kpekuun o wunngé i wun le, o sé i ke: Baba, anun ô, ye o tôô i sa yi i komion.

Marc 10:17

Ke Jésus faa atin'n su b'oh koh'n, swran kun wanndi wa kôtôô i bô, o use i ke: ?Ndya, o bo a ti liké kléfue kpa'n, nzu ye n yô nan man nyan anannganman nguan nion?

Marc 12:13

Bé sunmaan Pharisifue (*f4*) nin Hérodefue wié mun Jésus wun lo ke bé kô tié i nuan bô nan bé dyran su fa tree.

Marc 12:14

Bé wa séé i ke: Ndya, é si ke a di nanwle, a srô'a swran fi, afin a nia'an swran nyrun, ye a klé swran mun Nyanmien atin'n nanwle nun. ?É su l'impôt man César? ?É su, annze nanh man é su?

Marc 3:6

Kpekuun Pharisifue'm (*f4*) bé fitéli, nan bé nin Hérode i minnien'm ba kô tyityi ke bé kunnde liké nga béh yôh béh fah kun Jésus'n.

Marc 8:15

Jésus wlaa bé su nun ke, bé sasa bé wun kpa Pharisifue nin Hérode bé kpaun ayré'n i lika.

JÉSUS-CHRIST I DYASIN FE'N BO LUC KLELI'N 20:21

Swran so'm bé wa séé Jésus ke: Ndya, é si ke nde nga a kan'n nin liké nga a lé'n o ti nanwle, a nia'an swran nyrun a kpa'a swran nun, sannge a klé swran mun Nyanmien atin'n wéiin.

JÉSUS-CHRIST I DYASIN FE'N BO LUC KLELI'N 7:40

Jésus so su o sé i ke: Simon, n waan nh kanh nde kun klé o. O sé i ke: Kan.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 18:37

O man Pilate use i ke: ?O man a ti famien? Jésus sé i ke: Ye o nuan ô su leo, n ti famien. Nian sa ti bo bé wu min'n, nian sa ti bo m baa men nun'n ye, m baa ke n kan nde ng'o ti nanwle'n klé swran mun. Swran kwlaa ng'o si nanwle'n, o ti nde nga n kan'n.

Jean 7:18

Swran ng'o kpe i bobo klun ké liké'n, o kunnde i bobo dunman. Sannge swran ng'o kunnde ke swran ng'o sunmenniin'n nyan dunman'n, o ti swran kpa, sa te kaan sa bo'en i wun.

2 Korɛntfuɛ Mun 2:17

É ti'a ke swran wié'm bo bé yô Nyanmien nde'n ke bé nga bé yô ninngé sukusuku'n bé ate'n bé lie'n sa. Sannge ke Nyanmien sunmaan é, bo i nyin ta é, bo é nin Christ é ti swran wunmuan'n, o man é ken i nde'n nanwle su.

2 Korɛntfuɛ Mun 4:2

É wla liké nga bé yô nyannzuen ti bé fiafia su'n bé asé, é yô'a liké gblegble nun, é sannga'an Nyanmien nde'n, sannge ke é kan nde wéinwéin Nyanmien nyrun'n, o man swran'n kwlaa bé wun é wafa nga é ti'n.

2 Korɛntfuɛ Mun 5:16

O man ke o fin nde'n, é bu'a swran'm bé akunndan ke swran'm bé fa bu akunndan'n sa kun. Se laa é bu Christ so bobo'n, sien'n é bu'e so kun.

Galasifuɛ Mun 1:10

?Nde nga n ken ye'n, swran'm bé nyrun annze Nyanmien nyrun dunman ye n kunndeo? ?N waan n yô so nan swran'm bé klô n sa? Se n waan n yô so nan swran'm bé klô n sa'n, wuun n su yô'a Christ swran.

Galasifuɛ Mun 2:6

Bé nga bé ti bé nun kpakpa'n, se bé ti se bé ti se laa ô, nanh min ndeo, afin Nyanmien lie'n o nia'an swran nyrun ye o yô i sa lie nion. Bé kpakpa so'm bé lie'n, ba sé'a n ke n yô liké ufle fi.

1 Tɛsalonikfuɛ Mun 2:4

É ken i ke Nyanmien kléé é ke é ken i su'n sa, afin o bu é swran fe i dyasin fe'n wlaa é sa nun. Nanh ke é waan éh kenh i so nan swran'm bé klun dyo é wuon, sannge é waan éh kenh i so nan o dyo Nyanmien b'o si é awlen'n nun'n i klun.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.