Matthieu 2:15 - Nyanmien nde Ufle

¹⁵ O traan lo lélé san Hérode wuli, nan nde nga é Min Nyanmien'n man i nuan idyofue'n kannin'n o kpen su, o sé ke: «N flee n Wa Yasua'n ke o dyaô Égypte lo bla.»

NYANMIƐN NDƐ'N 1998

¹⁵ Ɔ trannin lɔ lele san Erɔd wuli, kɛ ɔ yo nan ndɛ nga e Min Nyanmiɛn'n man i nuan ijɔfuɛ'n kannin'n ɔ'a kpɛn su'n ti. Nyanmiɛn nuan ijɔfuɛ sɔ'n seli kɛ: «N flɛli n wa yasua'n kɛ ɔ jaso Ezipt lɔ bla .»

Matthieu 2:15 Iomraidhean Croise

Matthieu 1:22

I kwlaa so'n yôli so nan nde nga é Min Nyanmien'n man i nuan idyofue'n kannin'n wa kpen su, o sé ke:

Matthieu 2:14

Ye Joseph dyaô kongue'n, o fa bakan'n nin i nin, nan ba o Égypte.

Matthieu 2:17

Ye o kpeen nde nga Nyanmien nuan idyofue Jérémie kannin'n su, o sé ke:

Matthieu 2:19

Ke Hérode wuli'n, i sin é Min Nyanmien'n i ange kun yi i wun kléé Joseph Égypte lo lalie nun, o sé ke:

Matthieu 2:23

Nan wa tran klo kun bo bé flee Nazareth'n su nan nde nga Nyanmien nuan idyofue'm bé kenniin ke: Bé wa flee Nazarethfue'n, o kpen su.

Matthieu 21:4

Sa so'n yôli so nan Nyanmien nuan idyofue'n i nde'n kpen su, o sé ke:

Matthieu 26:54

?Se wa yô'a so'n, oh yôh se nan nde nga bé kleli i ke béh yôh ke nga sa'n, wa kpen su?

Matthieu 26:56

Sannge bé yôô i kwlaa so'n nan nde nga Nyanmien nuan idyofue'm bé kleli'n o kpen su. Ye i sonnzonfue'n kwlaa bé yatyii le bé wanndilio.

Matthieu 27:35

Ke bé bôbôlii waka'n su'n, bé tu i trale'm bé wun foto.

Matthieu 8:17

I so'n nun nde nga Nyanmien nuan idyofue Ésaïe kenniin ke: «I bobo faa é wunnen ya'n, ye o fa é tukpatye'n suali'n,» o kpeen su.

JÉSUS-CHRIST I DYASIN FE'N BO LUC KLELI'N 24:44

I sin o sé bé ke: Nde nga ye ke min nin amun te ô le'n n kan kléé amun nion, ke min wun nde kwlaa nga bé klee Moïse mmla'n nun'n, o nin Nyanmien nuan idyofue'm bé nde'n nun'n, nin psaume'm bé nun'n san oh kpenh su.

Jean 19:28

Ke o yôô so'n, Jésus si ke liké kwlaa ng'o bee i yôle'n wa wié yô, sannge ke o yô nan Nyanmien Nde nga bé kleli'n wa kpen su'n ti, o sé ke: «Nzué wé kun min.»

Jean 19:36

Ke o kô yô nan Nyanmien Nde nga bé kleli'n wa kpen su'n ti ye o yôli soo. Bé klee ke: «Bé su bu'e i ôwié'n wié fi.»

Sa nga bé yôli'n 1:16

Nnya mun, Nyanmien Nde nga i Wawe'n fa wlee David nuan bo bé kleli i ke, Judas o wa yô bé nga bé wa tra Jésus'n bé nyrun dunfue'n, san oh kpenh su.