Matthieu 2:13 - Nyanmien nde Ufle

¹³ Ke bé oli'n, é Min Nyanmien'n i ange kun yi i wun kléé Joseph lalie nun, o sé ke: Dyaô fa bakan'n nin i nin anh wanndi o Égypte, anh tran lo lélé san nh séh o ke a bla, afin Hérode wa kunnde ke oh kunh bakan'n.

NYANMIƐN NDƐ'N 1998

¹³ Kɛ be ɔli'n, e Min Nyanmiɛn'n i anz kun yili i wun kleli Zozɛf laliɛ nun, ɔ seli i kɛ: «Jaso fa bakan'n nin i nin an `wanndi wɔ Ezipt, an `tran lɔ lele san n ´se wɔ kɛ a bla, afin Erɔd wa kunndɛ kɛ ɔ ´kun bakan'n.»

Matthieu 2:13 Iomraidhean Croise

Matthieu 1:20

Ke oh buh akunndan so'n, é Min Nyanmien'n i ange kun yi i wun kléé lalie nun, o sé ke: Joseph, David anunman, nanh sre kun o, fo o yi Marie ko o bô, afin ba'n bo wa wunnzee'n o fin Nyanmien Wawe'n.

Matthieu 10:23

Se bé klé amun yale klo kun su'n, anh wanndi wo klo ufle su. Nanwle, an su wié'a Israël klo'm bé su wlan, nan m bo n katyii Swran'n man ba.

Matthieu 2:12

I sin bé fa atin ufle bé oo bé oo bé men nun, afin Nyanmien séé bé lalie nun ke, nanh man bé sa bé sin Hérode wun lo kun.

Matthieu 2:14

Ye Joseph dyaô kongue'n, o fa bakan'n nin i nin, nan ba o Égypte.

Matthieu 2:16

Ke Hérode wuun ke men nun sa sifue'm ba leke'n, o faa ya dan kpa, nan wa sunman swran ke bé o Bethléhem nin i akpasua'n kwlaa su, bé nian ble nga men nun sa sifue'm bé klélii'n su, bé kun be yasua kwlaa nga ba di afue nnyon'n nin nga bé nian di'a afue nnyon'n.

Matthieu 2:22

Sannge ke o tii ke Archélaüs wa sin i si Hérode ôsu Judéé men'n nun'n, sre kunniin lo kole. Nde nga Nyanmien kan kléé lalie nun'n ti, o tyie i wun oo Galilée akpasua lie'n su.

Sa nga bé yôli'n 10:22

Bé sé i ke: Nyanmien i ange kun séé Corneille sôndya ya sukpen'n b'o ô Césarée lo'n ke o fle o, nan a bla, a wa kan nde wié kléé. O ti swran nanwlefue b'o srô Nyanmien, Juif nvlé'n kwlaa nun bé bô i dunman kpa.

Sa nga bé yôli'n 10:7

Ke ange'n b'o kan nde kléé Corneille'n woli'n, o flee i swran'm bé nun nnyon, ye i sôndya bo bé menten'n bé nun kun b'o srô Nyanmien'n.

Sa nga bé yôli'n 12:11

Ke Pierre nyin su titilii'n, o sé ke: Man wun i wle sien'n ke é Min'n ye o sunmeen i ange'n, ye wa'a dé min Hérode nin sa kwlaa nga Juif'm bé waan bé fa yô min'n, i nuon.

Sa nga bé yôli'n 12:7

Béh niaanh… é Min Nyanmien i ange kun ye, sua ba nga bé ô nun'n, i nun kpadya wauun. Ange'n fiin Pierre nven su nan wa tinngé. O sé i ke: Dyaô waka! Ye dyroko'm bé fin i sa gualio.

Sa nga bé yôli'n 16:36

Ye bisua sukpen'n kô kan nde so'n kléé Paul, o sé ke: Dyole difue'm bé sunmaan swran ke bé yatyi amun nun, o man sien'n, anh fité wo, man Nyanmien kô sunman amun.

Sa nga bé yôli'n 5:19

Sannge kongue é Min Nyanmien'n i ange kun baa bisua le o wa tiké bé anuan, o yii bé, o sé bé ke:

Sa nga bé yôli'n 7:19

Famien so'n laka é nannan mun, o yô bé tete kpa, o man bé guaa bé mma'm bé blô.

Sa nglô yile 12:14

Bé maan bla'n i ndewa nnyon ke anunman nyin dan'n i lie'n sa nan o fa tu oo i lika'n nun blô lo, o fia wuô dan'n i nyrun, nan bé men i liké diwa afue nsan nin sin.

Sa nglô yile 12:4

I lua'n kan nzraama bo bé bubuu nun nsan'n bé bué kun guaa asie wun wa. Dragon dan so'n dyran bla'n b'o wa tran awulie'n i nyrun le, nan se o wu io, oh dih.

Sa nglô yile 12:6

Bla so'n wanndi oo blô lo. Nyanmien meen i tranwle kun lo ke bé men i liké diwa lo tyen ba akpi-ya-nnyon-ablésien.