Matthieu 19:28 - Nyanmien nde Ufle

²⁸ Ye Jésus sé bé ke: Nanwle, ke bé wa bô men'n i ufle ékun'n, bo m bo n katyii Swran'n nh yih n famien nglô bo nh tranh m bia'n su'n, amun bo an suu n su'n, amun kusu an wa tran bia blu-nin-nnyon su, amunh dih Israël nvlé blu-nin-nnyon'n bé dyole.

NYANMIƐN NDƐ'N 1998

²⁸ Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

Matthieu 19:28 Iomraidhean Croise

Matthieu 16:27

M bo n katyii Swran'n min nin n Si ange mun éh bah i dunman nun béh wunh ke i nyrun ti nyannyan o yô srô, ye ke swran kun i nyôlie'n ti dyu'n mh menh i nuan liké.

Matthieu 19:27

Ye Pierre waan: Nian, ya yatyi é ninngé'n kwlaa ya su o su. ?Nzu ye éh nyenh io?

Matthieu 20:21

Jésus use i ke: ?Nzu ye a klô ke ah sreoh? Bla'n sé i ke: Tyen nga ah dih o famien'n, yô man n wa yasua nnyon'n bo bé ô ye'n bé tran o wun le, kun tran o fama su ye kun tran o be su.

Matthieu 25:31

Ke m bo n katyii Swran'n bo min nyrun ti nyannyan o yô srô'n, min nin min ange'n kwlaa éh bah'n, nh yih n famien'n nglô nh tranh m bia'n su.

Matthieu 6:33

Anh dun mmua fa amun wun man Nyanmien mon o sié amun, ye anh yô i klun sa'n, i sin o wa fa ninngé so'n kwlaa uka su man amun.

Matthieu 8:20

Jésus séé i ke: Sôlôngbi'm bé le kunman la nun, ye anunman'm bo bé tu sin'n bé le lawle, sannge m bo n katyii Swran'n n le'a lika bo n la nun dé wunmien bo kaan.

Marc 10:37

Bé sé i ke: Ke ah dih o famien'n, yô man é nun kun tran o fama su, ye man kun tran o be su.

Sa nga bé yôli'n 3:21

Ke é ô ye'n lie'n, béh treh i nun lélé san oh dyuh ble nga Nyanmien yôh ninngé'n kwlaa bé ufle ékun'n. O men i nuan idyofue'm bé dun mmua keen i so laa.

2 Timote 2:12

Se é dyran kéklé'n, é nin i ye éh dih famien nion, Se é sé ke é simen'n, i kusu wa sé ke o si'a é,

2 Piɛr 3:13

Nyanmien séé ke oh manh é nyanmien su lo nin asie ufle, lo ye bé nga bé yô sa kpa'n béh traanh. I ye é su minnde io.

Sa nglô yile 11:16

Kpenngben ablaon-nin-nnan bo bé ti bé bia'n su Nyanmien nyrun le'n, bé utu bé nyin asé bé manman Nyanmien, bé sé ke:

Sa nglô yile 12:1

Bé wuun abônuan sa dan kun nyanmien su lo. Bla kun kla wia'n ke kôndrô sa. Ye i dya'n takataka anglô'n su. Nzraama blu-nin-nnyon bé ti ke sika klé sa, o ô i ti.

Sa nglô yile 20:4

N wuun bia mun, bé nga bé ti bé su'n, bé sié bé ke bé di dyole. Ye n wuun bé nga bé kan nde nanwle bo Jésus yii nglô'n, nin Nyanmien nde'n ti bé kuun bé'n, bo ba kôtô'a nnen'n i wunsu bo bé yôli'n i bô, bo nnen'n i nzolie'n nu'an bé ngban su nin bé sa'n su'n, bé wawe'n. Bé tyennin, nan bé nin Christ a di famien afue akpi.

Sa nglô yile 21:5

Swran ng'o ti bia'n su'n sé ke: Nian, man katyi liké'n kwlaa ufle. Ye o sé ékun ke: Kle nde nga, afin min nde'n ti nanwle, bé kwla fa su.

Sa nglô yile 22:2

O la klo'n i gua'n i afien. Waka b'o man nguan'n bé dyindyin i bué nnyon'n su. Afue kun nun bé su kpe blu-nin-nnyon, anglô kwlaa bé su. Bé nnya'n ye man nvlénvlé'm bé yô dyuédyuéo.

Sa nglô yile 22:5

Lika'n su sa'an kun. Bé su kunnde'a kannin nin wia kun, afin é Min Nyanmien'n ye oh kpadyah klo'n nuon. Ye béh dih famien tititi.

Sa nglô yile 3:21

Swran ng'o kwla'n, min nin i éh dih m bia'n, ke n kwlali, bo min nin n Si é di i bia'n sa.

Sa nglô yile 4:4

Bia ablaon-nin-nnan ékun sin yia bia kun so'n, kpenngben ablaon-nin-nnan bé titi bia so'm bé su, trale ufué ô bé wun, sika klé ô bé ti.

Sa nglô yile 7:4

Bé bô bé nga bé siéé bé nzolie'n bé nuan kléé min. Bé ti akpiakpi-ya-ablanan-nin-nnan, bé fin Israël i mma'm bé ôsuôsu'n kwlaa nun.