Matthieu 18:3 - Nyanmien nde Ufle

³ Nanwle, se amuan katyiman amuan yô'a ke ba kanngan'm bé sa'n, an su yô'a men nga Nyanmien sié'n i nunfue mlonmlon.

NYANMIƐN NDƐ'N 1998

³ «Nanwlɛ, sɛ amu'an kaci-man amu'an yo-man kɛ ba kanngan'm be sa'n, Nyanmiɛn su sie-man amun mlɔnmlɔn.

Matthieu 18:3 Iomraidhean Croise

Matthieu 13:15

Afin swran so'm ba tri, Ba bu bé su nun waka, ba muanmuan bé nyin Nan bé nyinma a wunmen, bé su a timan, Ba wunmen i wle, Ye ba sa'a bé sin min wun nan man yô'a bé dyuédyué.»

Matthieu 18:2

Ye Jésus fle ba kaan kun o dyreen bé afien le, o sé ke:

Matthieu 18:4

I so'n ti, swran kwlaa ng'o yô wetee ke ba kaan nga sa'n, o wa yô bé kwlaa nga Nyanmien sié bé'n bé nun dan.

Matthieu 19:14

Ye Jésus sé bé ke: Anh yatyi ba kanngan'm bé nun man bé bla n sin, nanh an fuan bé, afin bé bo bé yô bé wun ke ba kanngan nga mun sa'n, bé ye Nyanmien sié béo.

Matthieu 19:23

Jésus séé i sonnzonfue'm bé ke: Nanwle, ke anyanbéunfue kun fe i wun man Nyanmien ke o siéé'n, o ti kéklé.

Matthieu 5:18

Afin nanwle, bé su nunnunman mmla'n i nun fluwa mma kaan kun annze i nun nde kaan kun lélé san ke nglô'n nin asie'n bé nu'an le kun'n. Sen i kwlaa so'n oh kpenh su.

Matthieu 5:20

Afin nh kanh klé amun ke, se amun nzuen'n wa yô'a kpa a tra'a mmla kléfue nin Pharisifue'm (*f4*) bé lie'n, an su yô'a men nga Nyanmien sié'n i nunfue mlonmlon.

Matthieu 6:16

Se amunh kpeh sre nun ke amun nin Nyanmien amunh kôkôh yale'n, nanh an mlan amun nyrun ke dunman klôfue'm bé yô'n, bé yô bé wun fien bé fa klé swran mun ke bé su kpe sre nun. Nanwle, mô nga bé kô yô bé'n, ye bé yôô bé leo.

Matthieu 6:2

I so'n ti se ah tyeh yalefue liké'n, nanh bô i ndôlô ke dunman klôfue'm bé yôé Nyanmien sua'm bé nun nin atin'm bé su, ke swran'm bé wun bé nan bé yi bé aye'n bé lie'n sa. Nanwle, mô nga bé kô yô bé'n, ye bé yôô bé leo.

Matthieu 6:5

Ke amun nin Nyanmien amunh kôkôh yale'n, nanh an yô ke dunman klôfue'm bo bé klô nglô dyranle Nyanmien sua'm bé nun nin klo'n nun anngonda'm bé su ke swran'm bé wun bé ke bé yô bé'n, ye bé yôô bé leo.

Marc 4:12

nan ke bé nien i kpa'n ba wunmen, ke bé ti i kpa'n, ba wu'en i wle, nan ba sa'a bé sin Nyanmien wun, nan wa yatyi'a bé wun sa'n wa tye'a bé.

JÉSUS-CHRIST I DYASIN FE'N BO LUC KLELI'N 13:24

Anh mian amun nyin anh sin anuan fii'n nun. Afin anh nian, swran kpanngban bé klô ke béh sinh nun, sannge bé su kwla sinman.

JÉSUS-CHRIST I DYASIN FE'N BO LUC KLELI'N 22:32

Sannge n kan o nde kléé Nyanmien ke n su bo a lafi'n, nanh man a kponzo. O kusu se a katyi'n, wlo o niaan'm bé fanngan.

Jean 1:51

Nanwle, an wa wun nyanmien su lo, o ti tikéwa ye amunh wunh Nyanmien i ange mun bo bé fu bé dyra m bo n katyii Swran'n n su.

Jean 3:3

Jésus sé i ke: Nanwle, swran nga ba wu'e ékun'n, o su kwla yô'a men nga Nyanmien sié'n i nunfue mlonmlon.

Jean 3:5

Ye Jésus sé i ke: Nanwle, se swran i awulie'n fi'an nzué nin Nyanmien Wawe'n, o su kwla yô'a men nga Nyanmien sié'n i nunfue.

Sa nga bé yôli'n 14:22

bé wla asonunfue'm bé fanngan, bé tu bé fo ke bé lafi Nyanmien su kpa, ye bé sé bé ékun ke: San éh wunh nyrennen dan kpa nan ya kwla dyu Nyanmien men'n nun.

Sa nga bé yôli'n 28:27

Afin swran so'm ba tri, Ba bu bé su nun waka, ba muanmuan bé nyin Nan bé nyinma'n wa wunmen, bé su'n wa timan, Ba wunmen i wle, Ye ba sa'a bé sin min wun nan man yô'a bé dyuédyué'n ti.»

Sa nga bé yôli'n 3:19

O man anh katyi amun nzuen'n, ye anh sa amun sin Nyanmien wun, man o yatyi sa nga an yôlii'n tye amun mlonmlonmlon, nan ble ng'o ba lo'n é Min Nyanmien'n o man amun wla gua asé,

1 Korɛntfuɛ Mun 14:20

Aniaan mun, nanh an bu akunndan ke bakan sa, anh bu kpenngben akunndan, sannge anh yô ke ba nonman b'o si'a gble kpe'n sa.

1 Piɛr 2:2

Ke ba nonman kunnde nyonflen'n, amun kusu anh kunnde Nyanmien nde b'o ti ke nonnon bo ba gua'a nun liké'n sa. Se amun non'n, amunh yôh swran ye amunh nyanh amun ti.

2 Piɛr 1:11

I so'n nun ye é Min Jésus-Christ b'o ti é Défue'n, oh soh amun nun kpa, ye oh fah amun wle i swran ng'o sié bé titi'n bé nuon.