Matthieu 15:31 - Nyanmien nde Ufle

³¹ Ke swran'm bé wuun ke bôbôfue'm bé idyo, bo bubuwafue'm bé yô dyuédyué, tyetyewafue'm bé nanti séiin, bo anyansifue'm bé wun asé'n, o bôô bé nuan nan ba manman Israël Nyanmien'n.

NYANMIƐN NDƐ'N 1998

³¹ Kɛ sran'm be wunnin kɛ bobofuɛ'm be ijɔ'n, kɛ be wunnin kɛ bubuwafuɛ'm be yo juejue'n nan cɛcɛwafuɛ'm be nanti seiin'n yɛ anyansifuɛ'm be wun ase'n, ɔ boli bé nuan nan b'a manman Izraɛl Nyanmiɛn'n.

Matthieu 15:31 Iomraidhean Croise

Matthieu 15:30

Ye swran kpanngban kpa bé fa tyetyewafue, nin bubuwafue, nin anyansifue, nin bôbôfue mun, nin tukpatyefue kpanngban wié mun ékun bé baa Jésus wun le, bé sié bé i nyrun le, nan wa yô bé dyuédyué.

Matthieu 18:8

Se o sa annze o dya'n ye man o yô sa te'n, kpe yi blô mmua, o flunman ke a yô dyasinfue annze sasinfue, nan a nyan nguan'n, tra ke o sa nnyon'n annze o dya nnyon'n bé ô le, nan ba fa o a yi anannganman sin'n nun'n.

Matthieu 21:14

Anyansifue nin tyetyewafue'm bé bee i wun Nyanmien sua dan'n nun le, nan wa yô bé dyuédyué.

Matthieu 8:10

Ke Jésus tii nde so'n, o bôô i nuan dan kpa, ye o sé bé nga bé su i su so'n bé ke: Nanwle, Israël nvlé'n nun bobo man wu'an swran fi b'o lafi n su dan ke nga saa.

Matthieu 9:32

Ke béh koh'n, swran wié'm bé fa bôbôfue kun bo asie usu satyillii'n blelii.

Matthieu 9:33

O fuaan asie usu so'n, nan bôbô'n wa idyo. Ke swran'm bé nuan bô bé wun'n, bé sé ke: É nian wu'an abônuan sa ke nga sa Israël men'n nun lé.

Matthieu 9:8

Ke swran'm bé wuun i so'n, sre kuun bé, bé manman Nyanmien b'o tin swran mun ke nga sa'n.

Marc 2:12

I ôsu kunngba'n nun o dyaô fee i te'n o fité bé kwlaa bé nyrun le. I so'n ti, bé kwlaa bé nuan bôô bé wun kpa, bé manmaan Nyanmien, bé sé ke: É nian wu'an sa nga i wunsu mlonmlon lé.

Marc 7:37

Bé nuan bôô bé wun dan kpa nan ba sé ke: Liké kwlaa ng'o yô'n o yô yé, o man sutréfue'm bé ti sa ye bôbôfue'm bé idyo.

Marc 9:43

Se o sa'n man a yô sa te'n, kpe. O flunman ke o sa'n ti sin nan a nyan nguan'n, tra ke a le sa nnyon nan a o nyrennen lika'n nun, sin b'o nuanman'n nun'n,

JÉSUS-CHRIST I DYASIN FE'N BO LUC KLELI'N 14:13

Sannge se ah dih tyen'n, fle yalefue, bé bo bé sa nin bé dya ti wuwa'n, nin tyetyewafue, nin anyansifue mun.

JÉSUS-CHRIST I DYASIN FE'N BO LUC KLELI'N 14:21

Ke swran so'n see i sin awlô lo'n, o kan bé ngbata so'n kléé i min'n. Ye awlô bô kpen so'n fa ya o sé i swran'n ke: Ko guasu lo nin klo'n nun atinatin'm bé su ndende, kô fle yalefue nin bé bo bé sa nin bé dya ti wuwa'n, nin anyansifue, nin tyetyewafue mun, man bé bla.

JÉSUS-CHRIST I DYASIN FE'N BO LUC KLELI'N 18:43

Bé dya ôsu kunngba'n nun, kpekuun wa wun asé, o la Nyanmien asé, o su Jésus su. Ke swran'n kwlaa bé wuun sa so'n bé manmaan Nyanmien.

JÉSUS-CHRIST I DYASIN FE'N BO LUC KLELI'N 7:16

Sre kuun bé kwlaa, bé manman Nyanmien bé sé ke: Nyanmien nuan idyofue dan kpa kun a fité é afien wa, ye Nyanmien a nien i swran'm bé lika.

Jean 9:24

Pharisifue'm bé flee anyansifue'n ékun, bé sé i ke: La Nyanmien asé, é si ke bian so'n ti sa te yôfue.