Matthieu 13:54 - Nyanmien nde Ufle

⁵⁴ Ke o dyuu i men'n nun'n, o klé swran'm bé liké bé Nyanmien sua'n nun. Liké b'o klé bé'n, o bô bé nuan, nan ba usa ke: ?O nin i ngwlele nin i sa kéklééklé yôle nga fin nin?

NYANMIƐN NDƐ'N 1998

⁵⁴ Kɛ ɔ juli i mɛn nun'n, ɔ kleli sran'm be like be Nyanmiɛn ndɛ suanlɛ nin i srɛlɛ sua'n nun. Like b'ɔ kle be'n, ɔ bo bé nuan, nan b'a usa kɛ: «?Ɔ nin i ngwlɛlɛ nin i sa kekleekle yolɛ nga fin nin?

Matthieu 13:54 Iomraidhean Croise

Matthieu 2:23

Nan wa tran klo kun bo bé flee Nazareth'n su nan nde nga Nyanmien nuan idyofue'm bé kenniin ke: Bé wa flee Nazarethfue'n, o kpen su.

Matthieu 4:23

Jésus wlanwlan Galilée akpasua'n kwlaa su, o klé liké Nyanmien sua'm bé nun, o kan Nyanmien i siéle'n i dyasin fe'n klé bé, ye o wié tukpatye kwlaa b'o ô swran'm bé wun'n nin bé wunnen ya'n kwlaa.

Matthieu 7:28

Ke Jésus kan nde so'n kléé swran mun wiéli'n, fo so'n b'o tuu bé'n o bôô bé nuan,

JÉSUS-CHRIST I DYASIN FE'N BO LUC KLELI'N 2:47

Bé kwlaa nga bé ti i nde'n, i ngwlele'n nin sa b'o te bé su'n, o bô bé nuan.

Jean 1:11

O bee i bobo nvlé'n nun, ba so'e i nun.

Sa nga bé yôli'n 13:46

Sannge Paul nin Barnabas bé tra bé awlen bé kan klé bé wéiin ke: Amun ye bé waan, é dun mmua kan Nyanmien nde'n klé amuon, sannge ke amuan faman'n, bo an bu ke anannganman nguan'n nin amun fataman'n, i so'n ti, éh kpeh é nyin ko bé bo bé ti'a Juif'n bé sin.

Sa nga bé yôli'n 4:13

Ke bé wuun ke Pierre nin Jean bé ti yakpa'n, o bôô bé nuan, afin bé si ke ba di'a l'école, bé ti ti blé nunfue, bé ti'a swran dan. Bé si ke bé nin Jésus ye bé trannion.