Matthieu 13:11 - Nyanmien nde Ufle

¹¹ Jésus sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga'm bé lie'n, ba sié'e so.

NYANMIƐN NDƐ'N 1998

¹¹ Jésus seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga'm be liɛ'n, b'a sie-mɛn i sɔ.

Matthieu 13:11 Iomraidhean Croise

Matthieu 13:10

I sonnzonfue'm bé wunngéé i wun le, bé usee i ke: ?Nzu ti ye a ken nyanndra nun klé béo?

Matthieu 16:17

Jésus sé i ke: Simon, Jonas wa, o lie su ti yé, afin nanh swran ye o yii sa so'n nglô kléé woo, sannge min Si b'o ô nyanmien su lo nion.

Matthieu 19:11

Ye o sé bé ke: Nde nga, swran ngba kwla fa'a su, san bé nga Nyanmien sié bé so'n, bé ye bé kwla fa suo.

Matthieu 20:23

Ye o sé bé ke: O ti nanwle ke amun wa non n klôwa'n (*f13*) nun wié, sannge n fama su nin m be su tranle lie'n, nanh min ye m maan, san bé nga n Si sié maan bé'n, bé ye bé tran leo.

Marc 10:40

sannge n fama su nin m be su tranle lie'n, nanh min ye m maan, o ti bé nga Nyanmien siésié maan bé'n bé lie.

Marc 4:11

O sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga bé ti'a é lie'n, bé lie'n kwlaa sin nyanndra nun

JÉSUS-CHRIST I DYASIN FE'N BO LUC KLELI'N 8:10

O sé bé ke: Amun ye bé yi Nyanmien siéle'n i wun akunndan bo swran'm bé wu'en i wle'n, i nglô klé amuon, sannge bé nga'm bé lie'n, bé kun nyanndra nun, nan «se bé wuin'n, ba wu'en i wle, ye se bé ti'n, ba wu'en i bô'n ti.»

Jean 6:65

Ye o sé ke: I so'n ti ye n séé amun ke, swran nga n Si a me'en i atin ke o bla n sin'n, o kwlaa baman nion.

Jean 7:17

Swran ng'o klô ke oh yôh i klun sa'n, oh sih ke liké nga n klé'n o fin i, annze m bobo n kpe n klun ye n kléo.

Sa nga bé yôli'n 16:14

Bla kun b'o srô Nyanmien'n o ô le, bé flee Lydie, o fin klo'n bo bé flee Thyatire'n su, o yô tannin kpakpa bo i nyin ti ke bé wle kôndrô bui nun sa'n i ate. O sié i su é nde'n su, é Min'n man i akunndan tran nde bo Paul kan'n su, nan o fa su.

Rɔmfuɛ Mun 11:25

Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

1 Korɛntfuɛ Mun 13:2

Man n yô Nyanmien nuan idyofue, man n si sa nga Nyanmien fiee swran'm bé nyrun'n i ngba, ye man n wun sa'n kwlaa wle, ye se n lafi Nyanmien su kpa bobo b'o man n kwla sé ôka'm bé ke bé tu bé bô wo'n, sannge se n klô'a swran'n, wuun man yô'a liké fi.

1 Korɛntfuɛ Mun 15:51

Anh nian, mh bôh sa kun bo swran'm bé wu'en i wle'n su klé amun, é kwlaa é su wuman, sannge ke bé kô bô awe kasien lie'n, bé nyinma bule kunngba kple kpekuun Nyanmien a katyi é. Ke awe so'n kô te'n, oh tyenh bé bo bé wuli'n o nin wunnen b'o kploman, ye é kusu, oh katyih é.

1 Korɛntfuɛ Mun 2:14

Swran ti blé'n b'o ô sa'n o fa'a Nyanmien Wawe ninngé'm bé su, afin bé ti i nyrun sinnzin liké, o kwla wu'an bé wle mlonmlon, afin san Nyanmien Wawe'n ye o klé swran ye man o wun bé wafa'n i wleo.

1 Korɛntfuɛ Mun 2:7

Nyanmien i ngwlele b'o yi'e i nglô b'o fiee swran'm bé nyrun, b'o dun mmua sié maan é ke o ba é nyrun nyan ka nan wa yi men'n, i nde ye é kaan.

1 Korɛntfuɛ Mun 4:1

I so'n ti, man swran'm bé si ke é ti Christ i ukafue bo é nian liké nga Nyanmien fiee swran'm bé nyrun'n bé su.

1 Korɛntfuɛ Mun 4:7

?Wan ye o sé o ke a ti kpa tro o wiénguo? ?Nzu ye a le bo nanh Nyanmien ye o maan oo? ?Se i ye o maan wo'n, nzu ti ye a fa di o nuan ke o bobo o sa ti liké sa nion?

Efɛzfuɛ Mun 1:18

N sre i ékun ke o man an wun sa wle wéiin kpa nan an si liké nga é nyin ô i sin'n, flele b'o flee yé'n ti. Ye an si ke i swran'm bé anyanbéun'n oh yôh dan, afin liké nga i waan oh fah man bé'n o ti liké kpa sakpa.

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

Efɛzfuɛ Mun 5:32

Nanwle nde so'n b'o te nglô wa'n ti nanndôlie. Ke n ken i so'n, n fa nde so'n sunnzun Christ nin Asonun'n,

Efɛzfuɛ Mun 6:19

Ye anh sre i ékun ke, ke n wuké n nuan'n, o klé min nde nga n kaan o ti su'n, nan n yi dyasin fe'n b'o fiee swran'm bé nyrun'n i nglô klé bé wéiin yakpa su,

Kolɔsfuɛ Mun 2:2

M mian min nyin nan an tra amun awlen, ye klôle bo an klô amun wun'n ti amun bô yô kun, ye an si ngwlele kpa b'o man amunh wunh sa wle wéiin nan an si liké nga Nyanmien fiee swran'm bé nyrun'n, liké so'n yele Christ!

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Timote 3:9

man bé yô swran bo bé nzuen kpa'n ti bé klun titiman bé, b'o man bé fa Nyanmien i sulafile nde b'o yii nglô'n su kpa.

Jacques 1:5

Se ngwlele'n wa ti'a amun nun wié kpa'n, mon o kan klé Nyanmien bo i sa ti'a tankaan'n, b'o fa liké man swran'n kwlaa, o idyo'e i sin'n. O man swran so'n oh wunh sa wle.

1 Jean 2:20

Amun lie'n, Nyanmien fe i Wawe'n maan amun, o man amun kwlaa an wun sa wle.

1 Jean 2:27

Amun lie'n, Christ fe i Wawe'n maan amun. Ke i Wawe so'n nin amun te ô le'n, an bô'a ye kunnde'a swran ke o klé amun liké. Afin o klé amun liké'n kwlaa, liké ng'o klé amun'n ti nanwle, o ti'a atô. I so'n ti, amunh nin i tran titi ke o kan kléé amun'n sa.