Matthieu 12:50 - Nyanmien nde Ufle

⁵⁰ Afin swran ng'o yô n Si b'o ô nyanmien su lo'n i klun sa'n, i ye o ti min niaan bian, nin min niaan bla, nin min nin nion.

NYANMIƐN NDƐ'N 1998

⁵⁰ Afin sran ng'ɔ yo n Si b'ɔ o nyanmiɛn su lɔ'n i klun sa'n, i yɛ ɔ ti min niaan bian, nin min niaan bla, ɔ nin min nin nin-ɔn.»

Matthieu 12:50 Iomraidhean Croise

Matthieu 12:49

Kpekuun o tinngee i sa i sonnzonfue'm bé wun, o sé ke: Nian min nin nin min niaan mun ye.

Matthieu 13:1

Lé kunngba so'n Jésus fin awlô lo fitéli, o wa tran fete'n nuan le.

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Matthieu 25:40

Ye m bo n ti famien'n nh séh bé ke: Nanwle, liké kwlaa nga an yô maan n nian nga bé yale'n tra wié'm bé lie'n, bé nun kun'n, min ye an yô maan mion.

Matthieu 25:45

Ye nh séh bé ke: Nanwle, liké kwlaa nga amuan yô'a ma'an n niaan nga bé yale'n tra wié'm bé lie'n, bé nun kun'n, min ye amuan yô'a ma'an mion.

Matthieu 28:10

Ye Jésus sé bé ke: Nanh sre kun amun, anh wo kô sé n niaan'm bé ke bé o Galilée lo, lo ye béh wunh mion.

Marc 3:35

Swran ng'o yô Nyanmien klun sa'n, i ye o ti min niaan bian, nin min niaan bla, nin min nin nion.

JÉSUS-CHRIST I DYASIN FE'N BO LUC KLELI'N 8:21

O séé bé ke: Min nin nin min niaan mun yele bé nga bé ti Nyanmien nde'n bo bé fa su'n.

Jean 15:14

Se an fa min nde'n su'n, an ti n dyanvue.

Jean 20:17

Ye Jésus sé i ke: Nanh kan min, afin n nian fu'a n Si wun lo ka. Sannge ko n niaan'm bé sin kô sé bé ke, nh fuh ko min nin amun é Si'n b'o ti min nin amun é Nyanmien'n i wun lo.

Jean 6:29

Jésus sé bé ke: Liké nga Nyanmien klô ke an yô'n, i waan anh lafi swran b'o sunmenniin'n su.

Jean 6:40

Anh nian, liké nga n Si waan swran'm bé yô'n ye, swran kwlaa ng'o wun i Wa'n b'o lafi i su'n, oh nyanh anannganman nguan, ye nh tyeenh men'n i awiélie.

Sa nga bé yôli'n 17:30

I nun'n bo swran'm bé wu'an sa wle'n, sa nga bé yôli'n, Nyanmien a fa sié'e i klun, sannge sien'n, o kan klé swran ti blé'n kwlaa ke bé katyi bé nzuen'n.

Sa nga bé yôli'n 26:20

N dun mmua kan nde kléé Damasfue mun, i sin Jérusalemfue mun, ye Judée men wunmuan'n nun, ye bé nga bé ti'a Juif'n ke bé katyi bé nzuen'n, nan bé sa bé sin Nyanmien wun, ye bé yô sa b'o klé ke ba katyi bé nzuen'n.

Rɔmfuɛ Mun 8:29

Afin é bo Nyanmien dun mmua si yé'n, o siéé é ke é katyi ke i Wa'n ti'n sa, nan i Wa'n nyan niaan kpanngban, nan o yô bé nyrun kpen.

1 Korɛntfuɛ Mun 9:5

?Se é dya bla bo bé ti Christfue'n, nan é fa bé ko ke bé bo Jésus sunmaan bé'n, bé nin é Min'n i niaan mun nin Céphas bé lie'n sa'n, o ti'e i su?

2 Korɛntfuɛ Mun 11:2

Amun ti n dyran Nyanmien nuan n si kwla, yele ke an ti ke talua kun b'o nian si'a bian sa bo n tra amun asé maan yasua kun, swran so'n yele Christ.

Galasifuɛ Mun 5:6

Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

Galasifuɛ Mun 6:15

Se bé wla klen ô, ba wla'a klen ô, nenh i li ye bé niaan, nga bé nian'n yele ufle bo Nyanmien bô yé'n.

Kolɔsfuɛ Mun 3:11

I so'n ti, o le'a ke wié ti Grec, wié ti Juif, bé wlaa wié klen, b'a wla'a wié klen, wié'm bé nyin nian timan, wié ti Scythe sinnglinfue, wié ti kanga, wié ti diéwa, sannge Christ ti bé liké kwlaa, ye o tran bé kwlaa bé awlen'n nun.

1 Timote 5:2

bu bla kpenngben mun o nin, bu talua mun o niaan sa'n kwlaa nun.

Hébreu 5:9

Ke o yôô swran wafa nga Nyanmien klô ke o yô'n, o man bé kwlaa nga bé nyin yii'n, béh nyanh bé ti mlonmlon,

1 Piɛr 4:2

Afin swran ng'o wun nyrennen'n, wuun o nin sa te'n ba bu. O man tyen nga an te di i asie'n su wa'n, anh fa yô Nyanmien klun sa, nanh an yô klo swran klun sa kun.

1 Jean 2:17

Men'n nin i nun ninngé kwlaa bo swran nyin blô su'n, béh wiéh, sannge swran ng'o yô Nyanmien klun sa'n, oh kah le tititi.

Sa nglô yile 22:14

Bé nga bé kpu bé trale'n, b'o man bé kwla di waka ng'o man nguan'n i mma'n, bo bé kwla sin klo'n i anuan'n nun'n, bé lie su ti yé!