Matthieu 12:31 - Nyanmien nde Ufle

³¹ I so'n ti, nh kanh klé amun ke, Nyanmien dunman satyile kwlaa o nin sa kwlaa nga swran yôé'n, oh yatyih tyee. Sannge Nyanmien Wawe'n i dunman satyile lie'n o su yatyi tyeman lé.

NYANMIƐN NDƐ'N 1998

³¹ I sɔ'n ti'n, n ´kan kle amun kɛ, Nyanmiɛn i dunman sacilɛ'n kwlaa ɔ nin sa kwlaa nga sran yo i'n, ɔ ´yaci cɛ. Sanngɛ Nyanmiɛn Wawɛ'n i dunman sacilɛ liɛ'n, ɔ su yaci cɛ-man le.

Matthieu 12:31 Iomraidhean Croise

JÉSUS-CHRIST I DYASIN FE'N BO LUC KLELI'N 12:10

Swran kwlaa ng'o kan m bo n katyii Swran'n min wun nde'n, béh yatyih tyee, sannge swran ng'o satyi Nyanmien Wawe'n i dunman'n, bé su yatyi tyemen mlonmlon.

Sa nga bé yôli'n 7:51

Nyin kékléfue mun bo amun awlen'n nin amun su'm bé ti ke bé bo bé ti'a Juif'm bé lie'n sa, an kpalô Nyanmien Wawe'n i nde'n titi ke amun nannan'm bé yôli'n sa.

Hébreu 10:26

Afin se é si nanwle'n nan é nyinfu é yô sa te ékun'n, i so sa lie'n o le'e i ti nnen kun.

Hébreu 10:29

?Se o ti so'n, an bu bé nga bé yô Nyanmien Wa'n i finfin'n, bo bé bu sa nga Nyanmien waan oh yôh man swran'n i mmôdya b'o man bé wun sa'n wié'n i ngben'n, bo bé kpe Nyanmien Wawe'n b'o yô swran yé'n i nzôwa'n bé lie'n se? Bé lie'n yôh te tra su.

Hébreu 6:4

Afin se Nyanmien man swran kun wun asé, b'o wun nyanmien su lo liké b'o bé fa men'n i fe'n, bo Nyanmien Wawe'n yô i lie wié'n,

1 Jean 1:9

Sannge se é di sa nga é yôli'n i nanwle klé Nyanmien'n, é kwla fa é wla gue i su, afin o yô sa i nuan su, oh yatyih tye é, o man é wun sa'n wiéh.

1 Jean 5:16

Se swran wié wun i niaan kun b'o su yô sa te b'o ti'e i wié lie'n, mon o sre Nyanmien ke o man swran so'n i nguan, ye oh menh. Bé nga bé yô sa te b'o ti'a bé wié lie'n, bé nde ye n kaan. Sa te'n wié ô le bé yôo o ti bé wié lie, nenh i so sa lie'n ti ye n sé ke bé sre Nyanmien nion.