Matthieu 12:24 - Nyanmien nde Ufle

²⁴ Ke Pharisifue'm (*f4*) bé tili'n, bé sé ke: Bian nga nenh i bobo fanngan nun ye o fuan asie usu muon, Béelzébul (*f7*) mmusu'm bé wléngbi'n, i dunman nun ye o fuan béo.

NYANMIƐN NDƐ'N 1998

²⁴ Kɛ Farizifuɛ'm be tili'n, be seli kɛ: «Bian nga, nɛ́n i bɔbɔ fanngan nun yɛ ɔ fuan asiɛ usu mun-ɔn, sanngɛ Beɛlzebil b'ɔ ti mmusu'm be wlengbi'n i dunman nun yɛ ɔ fuan be-ɔ.»

Matthieu 12:24 Iomraidhean Croise

Matthieu 10:25

Se swran b'o suan liké'n yô ke swran b'o klé i liké'n sa'n, i so'n ti kpa, ye se swran b'o su swran'n yô ke i min'n sa'n, i so'n ti kpa. Se bé flee awlô kpen'n ke Béelzébul'n, (*f7*) bé wa fle i awlôfue'm bé kusu so kpe blu.

Matthieu 9:32

Ke béh koh'n, swran wié'm bé fa bôbôfue kun bo asie usu satyillii'n blelii.

Matthieu 9:34

Sannge Pharisifue'm (*f4*) bé waan: Mmusu'm bé wléngbi'n i dunman nun ye o fuan asie usu muon.

Marc 3:22

Mmla kléfue'm bo bé fin Jérusalem'n bé waan Béelzébul (*f7*) a fe. Mmusu'm bé wléngbi'n i dunman nun ye o fuan asie usu muon.

JÉSUS-CHRIST I DYASIN FE'N BO LUC KLELI'N 11:14

Jésus tuu asie usu bôbôfue kun b'o satyili bian kun'n. Ke asie usu so'n b'o yôô bian'n i bôbô'n dyaô i su b'o idyoli'n, o bôô swran'n kwlaa bé nuan.

JÉSUS-CHRIST I DYASIN FE'N BO LUC KLELI'N 11:15

Sannge bé wié'm bé waan: Béelzébul (*f7*) b'o sié mmusu'm bé kwlaa'n, i dunman nun ye o fuan asie usu muon.