Matthieu 12:18 - Nyanmien nde Ufle

¹⁸ «Nian n swran bo n feli i ke o su min'n ye, O ti min awlen su swran, i su ye man fa n wla'n kwlaa a guaa M man n Wawe'n beh i wun. Ye oh bôh dyole dile'n su klé nvlé mun.

NYANMIƐN NDƐ'N 1998

¹⁸ «Amun nian, n sran bɔ n fɛli i kɛ ɔ su min'n yɛ. Ɔ ti min anwlɛn su sran, i su yɛ m'an fa ń wla'n kwlaa m'an gua-a. N ´yo man n Wawɛ'n ´bɛ i wun, yɛ ɔ ´bo jɔlɛ dilɛ'n su kle nvle-nvle mun.

Matthieu 12:18 Iomraidhean Croise

Matthieu 12:17

nan nde nga Nyanmien nuan idyofue Ésaïe kannin'n wa kpen su. O sé ke:

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Marc 1:11

O tii swran kun nen nyanmien su lo, o sé ke: A ti min awlen su Ba, o su ye man fa n wla'n kwlaa a guaa.

Marc 9:7

Nyanmien ufué kun wa kataa bé su, ye bé tii swran kun nen nyanmien ufué so'n nun, o sé ke: Min awlen su ba ye, anh tié nde ng'o kan'n.

JÉSUS-CHRIST I DYASIN FE'N BO LUC KLELI'N 23:35

Swran'm bé dyin le ye bé nien io. Ngbenngben'm bé kusu bé srii, bé sé ke: O déé swran wié mun, se i ye o ti Christ bo Nyanmien fe siéli'n, mon o dé i bobo wun!

JÉSUS-CHRIST I DYASIN FE'N BO LUC KLELI'N 3:22

ye Nyanmien Wawe'n katyi ke aublé sa, o dyree i su. Ye bé ti swran kun nen nyanmien su lo, o sé ke: A ti min awlen su Ba, o su ye man fa n wla'n kwlaa a guaa.

JÉSUS-CHRIST I DYASIN FE'N BO LUC KLELI'N 4:18

«É Min Nyanmien i Wawe'n su n su, Yele ke o guaa n su ngô (*f21*), nan m bô dyasin fe'n klé yalefue mun. O sunmaan n ke n kan klé bé bo bé traa bé lômuen'n, bé ke bé nyan bé ti, Ye n kan klé anyansifue'm bé ke bé wun asé. Ye n yô man mianfue'm bé nyan aladyé.

JÉSUS-CHRIST I DYASIN FE'N BO LUC KLELI'N 9:35

Bé tii swran kun nen nyanmien ufué so'n nun, o sé ke: N wa bo n yilii'n ye. Anh tié nde ng'o kan'n.

Jean 3:34

afin swran nga Nyanmien sunmenniin'n, Nyanmien nde'n ye o kaan, i Wawe'n b'o fa men b'o nie'en i sin'n ti.

Sa nga bé yôli'n 10:38

Nyanmien fe i Wawe'n maan Jésus b'o fin Nazareth'n, o tinniin, o ko lika'n kwlaa o yô swran'm bé kpa, o yô bé kwlaa bo asie usu'm bé si Satan'n klé bé yale'n bé dyuédyué, afin Nyanmien dyin i sin.

Sa nga bé yôli'n 11:18

Ke bé tii nde so'n, o man bé too nun, ye bé yi Nyanmien aye, bé sé ke: Se o ti so'n, wuun Nyanmien man bé bo bé ti'a Juif'n bé kusu ba katyi bé nzuen'n nan bé nyan nguan wié.

Sa nga bé yôli'n 14:27

Ke bé dyuu lo'n, bé yiaa asonunfue mun, bé kan sa kwlaa nga Nyanmien yô maan bé'n, o nin ke o yôli b'o man bé nga bé ti'a Juif'n bé lafi Jésus su wié'n kléé bé.

Efɛzfuɛ Mun 1:6

nan ya bô i dunman yé dan b'o fe i awlen su Ba'n yôô yé'n ti.

Kolɔsfuɛ Mun 1:1

M Paul bo Nyanmien klô ke Christ-Jésus sunman min'n, min nin é niaan Timothée,

Kolɔsfuɛ Mun 1:13

O déé é aôsin tuun'n i min'n sa nun, ye o fa é oo men nga i awlen su Ba'n sié'n nun.

1 Piɛr 2:4

Anh fa amun wun menten, afin o ô le tititi. I ye o ti yebue bo swran'm bé yii i blô, sannge Nyanmien wuun ke o ti kpa, b'o fali nion.

2 Piɛr 1:17

I lé kunngba nga é Si Nyanmien menmenh b'oh yih i aye'n, é bobo é ô i bô. O tili i nen b'o fin lika'n b'o kpadya nyannyan'n nun, o sé ke: «Min awlen su ba'n ye, i su ye n wla'n kwlaa ôo.»