Matthieu 11:5 - Nyanmien nde Ufle

⁵ Anyansifue'm bé wun asé, tyetyewafue'm bé nanti, kôkôwéfue'm bé kôkôwé'n wié, sutréfue'm bé ti sa, bé nga bé wuli'n bé tyen, ye bé bô dyasin fe'n klé yalefue mun.

NYANMIƐN NDƐ'N 1998

⁵ An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Matthieu 11:5 Iomraidhean Croise

Matthieu 10:8

Anh yô tukpatyefue'm bé dyuédyué, anh tyen bé bo bé wuli'n, anh yô man kôkôwéfue'm bé kôkôwé'n wié, anh fuan asie usu mun swran'm bé su. Nyanmien fa tyee amun, an kusu anh fa tye bé.

Matthieu 11:4

Jésus séé bé ke: Anh kô kan nde nga an tili'n nin liké nga an wunniin'n klé Jean.

Matthieu 12:13

Ye o séé bian'n ke: Tinnge o sa'n nun. O tinngee nun, nan wa yô kpa ékun ke kun'n sa.

Matthieu 21:14

Anyansifue nin tyetyewafue'm bé bee i wun Nyanmien sua dan'n nun le, nan wa yô bé dyuédyué.

Matthieu 5:3

Bé nga bé si ke bé di Nyanmien ninngé'm bé yale'n, bé lie su ti yé, afin Nyanmien men'n nun ninngé kpakpa'm bé ti bé lie!

Matthieu 9:30

Ye bé wuun aséo. Jésus wlaa bé su nun kpa ke, nanh man bé kan nde so'n klé swran fi.

Marc 7:37

Bé nuan bôô bé wun dan kpa nan ba sé ke: Liké kwlaa ng'o yô'n o yô yé, o man sutréfue'm bé ti sa ye bôbôfue'm bé idyo.

Marc 9:25

Ke Jésus wuun swran'm bo bé wanndi ba'n, o idyoo asie usu'n, o sé i ke: Asie usu bo a man swran yô bôbôfue nin sutréfue'n, dyaô ba nga su, nanh to i su kun.

JÉSUS-CHRIST I DYASIN FE'N BO LUC KLELI'N 4:18

«É Min Nyanmien i Wawe'n su n su, Yele ke o guaa n su ngô (*f21*), nan m bô dyasin fe'n klé yalefue mun. O sunmaan n ke n kan klé bé bo bé traa bé lômuen'n, bé ke bé nyan bé ti, Ye n kan klé anyansifue'm bé ke bé wun asé. Ye n yô man mianfue'm bé nyan aladyé.

Jean 10:25

Jésus sé bé ke: N kan kléé amun laa, amuan lafi'a n su. Sa nga n Si dunman nun n yô bé'n, bé ti n lalôfue.

Jean 10:38

Se n yô bé'n, kannze an lafi'a m bobo n su'n, sannge anh lafi sa so'm bé su nan amuan wun i wle kpa ke min nin n Si é ti swran wunmuan.

Jean 2:23

Ke Jésus ô Jérusalem lo Pâque (*f17*) nun'n bo bé wun atre b'o yii bé'n, swran kpanngban bé lafili i su.

Jean 5:36

Lalôfue nga n le'n i nde b'o kan'n ti dan tra aye nga Jean yii min'n, afin liké nga n Si klé n ke n yô'n, bo n yô bé'n, o klé ke n Si ye o sunmaan mion.

Jean 9:7

ye o sé i ke, o o kô wunnzin i nyrun gblé nga bé flee Siloé'n nun. Dunman so'n i bô yele Sunmanfue. O o lo kô wunnzin nun, ke oh seh i sin'n, wa wun asé.

Sa nga bé yôli'n 2:22

Israëlfue mun, anh tié nde nga kpa! Amun bobo an si ke Jésus b'o fin Nazareth'n, o ti swran kun bo Nyanmien man o yô sa kéklééklé nin abônuan sa, ye o yi atre amun nyrun wa b'o klé ke o dyin i sin.

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?