Matthieu 11:29 - Nyanmien nde Ufle

²⁹ Anh fa amun ti wla n komin su waka'n (*f8*) bô, ye anh fa min nzuen'n su, afin n ti swran weteefue ye min awlen'n ti flolo. Ye amun wla wa gua asé.

NYANMIƐN NDƐ'N 1998

²⁹ An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Matthieu 11:29 Iomraidhean Croise

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Matthieu 21:5

«Sé Sion (*f14*) wa bla'n ke: Nian, o famien'n su ba o sin. O ti weteefue dan kpa, o fu aflunmun su, Aflunmun gbanflen kun b'o ti nnen b'o sua tro'n i wa'n i su.»

Matthieu 28:20

Ye liké kwlaa nga n kléé amun'n, amun kusu, anh klé bé man bé fa su. Anh nian, min nin amun é ô tyen kwlaa lélé men'n fah wié.

Matthieu 7:24

I so'n ti, swran kwlaa ng'o tié nde nga n ken ye'n, nan o fa su'n, o ti ke ngwlelefue b'o kpleen i sua yebue su'n sa.

JÉSUS-CHRIST I DYASIN FE'N BO LUC KLELI'N 8:35

Swran'm bé kô nian sa ng'o yôô lo'n. Bé wun bian bo asie usu'm bé dyaôô i su'n, o ti Jésus wun le i nyin klôuun, wa wla trale, o man sre kuun bé dan kpa.

Jean 13:15

N yô i so kléé amun nan amun kusu an nian nga n yôô amun'n su yô.

Jean 13:17

Se an si sa so'n nan an fa su'n, amun lie su ti yé.

Sa nga bé yôli'n 7:37

Moïse so'n ye o kan kléé Israël mma'm bé ke: «Nyanmien wa fa bé niaan'm bé nun kun sié i nuan idyofue ke o fe siéli'n sa man bé,» nion.

1 Korɛntfuɛ Mun 9:21

Ke n kô yô nan man nyan bé bo bé di'a Moïse mmla'n su'n, se n du bé sa. Kannze n yô so'n nanh ke n di'a Nyanmien mmla'n su mlonmlon tio, n di Christ lie'n su.

2 Korɛntfuɛ Mun 10:1

M bobo m Paul m ma sre amun liké kun. Bé sé ke, ke n wô amun nyrun lo'n, n ti wetee kpé nun, sannge ke n nu'an lo'n, nde nga n kan klé amun'n, n ken yasua su. Christ b'o ti weteefue b'o ti swran kpa'n i dunman nun

2 Korɛntfuɛ Mun 10:5

ye liké kwlaa nga b'o man swran'm bé si'a Nyanmien'n é satyi bé, é yô man swran'n kwlaa, se bé akunndan'n ti se ti se ô bé yatyi bé akunndan so'n bé nyin yi Christ.

Filipfuɛ Mun 2:5

Anh bu akunndan kunngba nga Christ-Jésus buli'n wié.

1 Tɛsalonikfuɛ Mun 4:2

Afin an si afotue nga é Min Jésus man é fa maan amun'n.

2 Tɛsalonikfuɛ Mun 1:8

Oh bah sin b'o dyué'n nun nan oh tuh bé nga bé si'a Nyanmien'n nin bé nga bé fe'e i dyasin fe'n su'n bé fo.

Hébreu 5:9

Ke o yôô swran wafa nga Nyanmien klô ke o yô'n, o man bé kwlaa nga bé nyin yii'n, béh nyanh bé ti mlonmlon,

1 Jean 2:6

swran ng'o sé ke o nin Nyanmien ba yô kun'n, mon o yô sa nga Jésus yôli'n bé wié.