Matthieu 11:27 - Nyanmien nde Ufle

²⁷ N Si ye o fa liké'n kwlaa maan mion. Swran fi si'a Nyanmien Wa'n san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke oh feh i Si'n kléé'n, bé ye bé si io.

NYANMIƐN NDƐ'N 1998

²⁷ N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

Matthieu 11:27 Iomraidhean Croise

Matthieu 28:18

Jésus wunngéé bé wun le, o sé bé ke: Nyanmien maan min atin ke n sié nyanmien su lo nin asie'n su ninngé'n kwlaa.

JÉSUS-CHRIST I DYASIN FE'N BO LUC KLELI'N 10:22

N Si ye o fa liké'n kwlaa maan mion. Swran fi si'a Nyanmien Wa'n, san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke o fe i Si kléé'n, bé ye bé si io.

Jean 1:18

Swran fi nian wu'an Nyanmien lé. San i Wa kunngba'n b'o nin i ti kun b'o ti i awlen su ba'n, i ye man é sii io.

Jean 13:3

Jésus bobo si wéiin ke i Si faa liké'n kwlaa wle i sa nun, o si ke o fin i Si Nyanmien wun lo, ye o su wa ko lo ékun.

Jean 17:6

Bé nga a fa bé men'n nun maan min'n, m man bé silio. Bé ti o lie, ye a fa bé maan mion, ye bé fali o nde'n su.

Jean 3:35

É Si Nyanmien klô i Wa'n, ye o fa liké'n kwlaa wlee i sa nun.

Jean 6:46

Nanh ke swran wié a wun n Si lé tio, san swran nga Nyanmien sunmenniin'n, i ye wa wun i léo.

Jean 7:29

M bobo n sii, i wun lo ye n fion, i ye o sunmaan mion.

1 Piɛr 3:22

O oo nyanmien su lo, o ô Nyanmien i sa fama su, o sié ange, nin lo kpenngben, nin bé ngbléwangbléwa mun.

1 Jean 2:23

Swran ng'o so'a Nyanmien Wa'n nun'n, wuun wa so'e i bobo nun. Swran ng'o so i nun'n, wuun wa so i Si'n nun.

2 Jean 1:9

Swran nga nde nga Christ klé'n dyumen, b'o uka su'n, wuun o si'a Nyanmien, sannge swran ng'o fa liké ng'o klé'n su'n, o si é Si'n nin i Wa'n.