Matthieu 10:2 - Nyanmien nde Ufle

² Nian swran blu-nin-nnyon'n bo Jésus sunmaan bé'n bé dunman'n ye, Klikli'n yele Simon, i dunman ng'o nannan su'n yele Pierre, o nin i niaan André, ye Zébédée wa Jacques nin i niaan Jean,

NYANMIƐN NDƐ'N 1998

² An nian sran blu-nin-nnyɔn'n bɔ Jésus sunmannin be'n be dunman'm be yɛ: klikli'n yɛlɛ Simɔn, i dunman ng'ɔ nannan su'n yɛlɛ Piɛr, yɛ i niaan Andre, yɛ Zebede wa Zak nin i niaan Zan,

Matthieu 10:2 Iomraidhean Croise

Matthieu 17:1

Ke o dii lé nsien'n, Jésus faa Pierre nin Jacques ye i niaan bian Jean, nan ba o bé ngunmin ôka nglônglô kun su.

Matthieu 20:20

Ke o yôô so'n, Zébédée wa yasua'm bé nin'n, o nin i mma'm bé baa Jésus wun le, bé kôtô i bô ke bé sre i liké.

Matthieu 26:37

O faa Pierre nin Zébédée wa yasua nnyon'n bé oli, akluntitie'n too i su, ye awlabôe'n bôô i kunle bôo,

Matthieu 4:18

Ke oh sinh Galilée fete'n nuan le'n, o wuun swran nnyon bé ti niaan, Simon bo bé flee Pierre'n nin André, bé su gua bé lala fete'n nun, afin bé ti dyué kunfue.

Matthieu 4:21

Ke o oli i nyrun louun'n, o wuun swran nnyon ékun, bé ti niaan, Zébédée wa Jacques nin Jean, bé nin bé si bé ô bé alié'n nun bé su tanndan bé lala'm bé nun. Jésus flee bé,

Marc 1:29

Ke bé fin Nyanmien sua le fitéli'n, bé nin Jacques nin Jean bé oo Simon nin André bé awlô lo.

Marc 13:3

O traan asé Olive Ôka'n su Nyanmien sua dan'n i nyrun ndenman su le. Ke o nin Pierre, nin Jacques, nin Jean, nin André bé ngunmin bé ô le'n, bé séé i ke:

Marc 6:30

Bé nga Jésus sunmaan bé'n bé yiee i wun le, bé kan liké kwlaa nga bé yôli'n nin liké kwlaa nga bé kléli'n klélii.

JÉSUS-CHRIST I DYASIN FE'N BO LUC KLELI'N 11:49

I so'n ti, Nyanmien b'o si sa'n kwlaa'n, o sé ke: M ma sunman n nuan idyofue nin swran wié bo n yi bé ke n sunman bé'n, bé wun lo, béh kléh wié'm bé yale, béh kunh wié.

JÉSUS-CHRIST I DYASIN FE'N BO LUC KLELI'N 22:14

Ke liké dile'n dyuli'n, Jésus nin swran blu-nin-nnyon b'o sunmaan bé'n bé wa tran alie'n sin.

JÉSUS-CHRIST I DYASIN FE'N BO LUC KLELI'N 22:8

Jésus sunmaan Pierre nin Jean, o sé bé ke: Anh kô ton Pâque alie'n, man é kô di. Bé use i ke: ?Nin ye a klô ke é kô ton io?

JÉSUS-CHRIST I DYASIN FE'N BO LUC KLELI'N 5:10

Jacques nin Jean Zébédée wa yasua nnyon bo bé ti Simon wiéngu dyunman difue'n, bé kusu bé nuan bôô bé wun wié. Ye Jésus séé Simon ke: Nanh sre kun o, ke o fin nde'n, swran ye a wa tre ke a tra dyué'n saa.

JÉSUS-CHRIST I DYASIN FE'N BO LUC KLELI'N 9:10

Ke bé bo Jésus sunmaan bé'n bé bali'n, bé kan liké kwlaa nga bé yôli'n klélii. O fa bé, nan ba o bé ngunmin klo bo bé flee Bethsaïda'n su.

Jean 12:22

Philippe kô kan kléé André, ye André nin Philippe bé kô kan klé Jésus-o.

Jean 13:23

Bé nun kun bo Jésus klô i sa kpa'n o menten i wun le.

Jean 20:2

O wanndi kô tôô Simon Pierre nin Jésus sonnzonfue nga Jésus klôé kpa'n, o sé bé ke: Ba yi é Min'n i fuen'n ndia'n nun, é si'a lika nga bé yilii'n.

Jean 21:2

Simon Pierre, nin Thomas bo bé flee Nda'n, nin Nathanaël b'o fin Cana Galilée men'n nun'n, nin Zébédée mma mun ye Jésus sonnzonfue nnyon ékun bé ô lika kun.

Jean 21:20

Pierre kpe i nyin o wuun Jésus sonnzonfue ng'o klôé kpa'n bo ke béh dih liké'n o kisa Jésus wué nun, o usee i ke: ?Nannan, wan ye oh foh o man swran mun'n?

Jean 21:24

I sonnzonfue kunngba so'n ye o kan liké so'm bé nde ye o klee béo. O man é si ke nde ng'o kannin'n ti nanwle.

Jean 6:67

I so'n ti, Jésus usee i sonnzonfue blu-nin-nnyon'n bé ke: ?Amun li, an ko'a wié?

Jean 6:70

Jésus usa bé ke: ?Amun swran blu-nin-nnyon'n, nanh min ye n faa amuon? Sannge o nin i so'n ngba, ke min ye n faa amun'n, amun nun kun ti mmusu'm bé si Satan'n i swran.

Jean 6:71

Simon Iscariot i wa Judas b'o ti i sonnzonfue blu-nin-nnyon'n bé nun kun b'oh feh man swran mun'n i nde ye o kaan.

Jean 6:8

André, Simon Pierre i niaan bian b'o ti i sonnzonfue kun'n, o sé i ke:

Sa nga bé yôli'n 1:13

Ke bé dyuu lo'n, bé fuu nglô sua bo Pierre, nin Jean, nin Jacques, nin André, nin Philippe, nin Thomas, nin Barthélemy, nin Matthieu, nin Jacques Alphée wa'n, nin Simon b'o ô bé bo bé fle bé akpuéfue'n bé nun'n, nin Jude, Jacques wa'n, bé tran nun'n, i nun.

Sa nga bé yôli'n 1:26

Bé tuu foto, foto'n too Matthias su ye bé fe ukaa swran blu-nin-kun nga Jésus sunmaan bé'n bé suo.

Sa nga bé yôli'n 12:2

O man bé fa kaka kuun Jean niaan bian Jacques.

Sa nga bé yôli'n 3:1

Lé kun Pierre nin Jean bé su ko Nyanmien sua dan'n nun nnosua wia'n nun bé nin Nyanmien bé yale kôkôle do'n su.

1 Korɛntfuɛ Mun 15:7

I sin Jacques kusu wunniin, ye i sin bé kwlaa b'o sunmaan bé'n, bé wunniin.

Efɛzfuɛ Mun 4:11

Nyanmien siéé swran wié mun ke o sunman bé, o sié wié mun ke bé idyo i nuan, o sié wié mun ke bé bô i dyasin fe'n, o sié wié mun pasteur nin liké kléfue.

Hébreu 3:1

I so'n ti, aniaan bo an ti Nyanmien lie b'o flee amun wié'n, anh bu Jésus bo Nyanmien sunmeen i ke o yô i nyrun dyranfue dan i su bo é lafi'n ti'n, i akunndan.

1 Piɛr 1:1

M Pierre bo Jésus-Christ sunmaan min'n, nh kleh fluwa nga ble amun bo Nyanmien faa amun bo an sanndili man an ti aôfue Pont, nin Galatie, nin Cappadoce, nin Asie, nin Bithynie men'n nun'n.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

2 Jean 1:1

Mmô, m bo n ti kpenngben'n, nh kleh fluwa nga ble o bo Nyanmien fali wo'n, nin o mma mun bo n klô amun sa kpa'n. Nanh min ngunmin ye n klô amun saa, bé kwlaa nga bé sii nde nanwle'n bé klô amun sa wié.

3 Jean 1:1

Gaïus bo a ti n swran kpa, bo n klô o sa kpan, m bo n ti kpenngben'n min ye n kle fluwa nga ble woo.

Sa nglô yile 1:1

Fluwa nga nun bé kan sa nga o tye kaan bé wa yô, bo Nyanmien fa wlaa Jésus-Christ sa nun ke o fa klé i swran mun'n i nde. Christ sunmeen i ange'n, o wa yi bé nglô kléé Jean b'o ti i swran'n.

Sa nglô yile 1:9

N Jean bo n ti amun niaan'n, ke é nin Jésus é katyii swran wunmuan'n ti, o man min nin amun é wun nyrennen, o sié é, ye é tra é awlen. Nyanmien nde nin Jésus nde bo n kan'n ti, bé fa min oo nvlé kaan bo bé flee Patmos, bo nzué sin yie'n nun.

Sa nglô yile 18:20

Nyanmien su lofue mun, anh si ablé i satyile bo wa satyi'n ti! Nyanmien swran mun, nin amun b'o sunmaan amun'n nin i nuan idyofue mun, anh si ablé! Afin Nyanmien a fa sa ng'o yôli amun'n i nuan akatua a men.

Sa nglô yile 22:8

Min Jean ye n wuun ninngé so mun, ye n ti nde so nion. Ke n wunniin, bo n tili'n, n kôtôô ange b'o kléé min ninngé so'n i bô le ke mh menmenh.