Matthieu 10:15 - Nyanmien nde Ufle

¹⁵ Nanwle, dyole dile tyen'n nun Sodome nin Gomorrhefue'm bé nyrennen lie'n oh yôh soso tra klo so'm bé lie'n.

NYANMIƐN NDƐ'N 1998

¹⁵ Nanwlɛ, jɔlɛ dilɛ cɛn'n nun'n, Sodɔmfuɛ mun nin Gomɔrfuɛ'm be nyrɛnnɛn liɛ'n ɔ ´yo sɔsɔ tra klɔ sɔ'm be liɛ'n.»

Matthieu 10:15 Iomraidhean Croise

Matthieu 12:36

Nh kanh klé amun ke, dyole dile tyen'n nun nde ngben kwlaa bo swran'm bé kannin'n, béh kanh bé su nde.

Matthieu 5:18

Afin nanwle, bé su nunnunman mmla'n i nun fluwa mma kaan kun annze i nun nde kaan kun lélé san ke nglô'n nin asie'n bé nu'an le kun'n. Sen i kwlaa so'n oh kpenh su.

Matthieu 7:22

Tyen so'n nun swran kpanngban kpa bé wa usa n ke: ?Nannan, Nannan, o dunman nun ya ka'an Nyanmien nde? ?O dunman nun ya fua'an asie usu? ?Ye o dunman nun ya yô'a sa kéklééklé mun?

Marc 6:11

Se an dyu lika wié nan ba siké'a amun, bo bé tié'a amun nde'n, ke amunh tuh an bô klo so'n su'n, anh kpukpu amun dya wun ndutré'n gue klo so'n su, mon o yô amun lalôfue.

Jean 12:48

Swran ng'o so'a min nun b'o fa'a min nde'n su'n, swran ng'o nin i béh dih'n wo le. Nde nga n kannin'n su ye bé wa dyran bu i fo men'n i awiélieo.

Jean 6:39

Anh nian, swran ng'o sunmaan min'n, i liké nga i waan n yô'n ye, i waan swran kwlaa ng'o fa bé maan min'n, nanh m mlin bé nun kun sa, sannge n tyen bé men'n i awiélie.

Jean 6:40

Anh nian, liké nga n Si waan swran'm bé yô'n ye, swran kwlaa ng'o wun i Wa'n b'o lafi i su'n, oh nyanh anannganman nguan, ye nh tyeenh men'n i awiélie.

Sa nga bé yôli'n 17:31

Yele ke wa sié tyen kun bo se tyen so'n dyu'n, o man béh fah swran'n kwlaa bo bé ô men'n nun'n, ba swran b'o siélii'n i dyasu, oh dih dyole so'n wéinwéin. Ke Nyanmien tyennin swran so'n, o ti nzolie b'o klé swran'n kwlaa ke o siélii dyole difue sakpa.

1 Korɛntfuɛ Mun 3:13

liké nga swran kun yôli'n bé wa wuin. Afin dyole dile tyen'n nun sin man oh fitéh nglô, ye liké nga swran kun yôli'n béh fah sin gua su nian.

1 Tɛsalonikfuɛ Mun 5:4

Sannge amun lie'n, aniaan mun, an ti'a ke swran b'o ô aôsin nun'n sa, i so'n ti, nanh man tyen so'n fu amun nun ke awiéfue'n fu swran nun'n sa.

Hébreu 10:25

Nanh man é yatyi yiale'n ke swran wié'm bé yô'n sa. Sannge man é yia, é tu é wun fo. Sien'n bo an wun ke é Min'n i tyen'n su mantan'n, anh yôé so tra su.

2 Piɛr 2:6

O séé ke oh nunnunh Sodome nin Gomorrhe klo'n mlonmlon, nan wa fa sin a gua bé su a nunnun bé. O yô i so fa klé bé nga bé srômen'n ke, ke bé lie'n o wa yô soo.

2 Piɛr 2:9

O man é si ke é Min'n kwla dé bé nga bé srôé bo sa to bé su'n. Ye o si bé nga bé yô sa te'n bé siéwle nan dyole dile tyen'n nun, wa bu bé fo.

2 Piɛr 3:7

Nyanmien kunngba'n ye o séé ékun ke, man bé sié nyanmien su lo'n nin asie nga bé ô le nde'n bé le, nan sin di bé. Béh siéh bé le lélé fa dyu tyen nga béh buh swran nga bé srô'a Nyanmien'n bé fo, bo béh satyih bé'n.

1 Jean 4:17

Ke é klôle nga é fa klô Nyanmien'n i nyin fitéé wéiin'n, o man é si ke dyole dile tyen'n nun é wla'n guah asé. Afin ke o fa ti'n, ke é kusu é ti so men'n nuon.

Jude 1:6

Ye nh kanh klé amun ékun ke, ange nga ba tra'an dyunman nga Nyanmien sié bé su'n i su, bo bé yatyi bé lika'n, Nyanmien tyi bé guaa aôsin tuun kpa'n nun, o su nyanndyi'a bé mlonmlon, nan se i dyole dile tyen dan'n dyuo wa di bé nde'n.

Jude 1:7

I kunngba'n, Sodome, nin Gomorrhe, nin kloklo nga bé mantanmantan bé le'n, bé ti ke ange so'm bé sa. Bé fa bé wun wlaa téklé bôle'n nun, ye yasua'm bé kunnde bé wiéngu yasua. I nuan liké nga bé nyenniin'n yele nyrennen nga bé wuin sin b'o nuanman mlonmlon'n nun'n. Nyanmien yô i so nan swran'n kwlaa bé fa tu bé wun fo.