Matthieu 10:1 - Nyanmien nde Ufle

¹ I sin Jésus flee i sonnzonfue blu-nin-nnyon'n, o maan bé atin ke bé fuan asie usu b'o satyi swran'n, ye bé yô bé kwlaa nga bé ti tukpatyefue'n, nin bé kwlaa nga bé wunnen yô bé ya'n bé dyuédyué.

NYANMIƐN NDƐ'N 1998

¹ I sin Jésus flɛli i sɔnnzɔnfuɛ blu-nin-nnyɔn'n, ɔ mannin be atin kɛ be fuan asiɛ usu b'ɔ saci sran'n, yɛ be yo be kwlaa nga be ti tukpacɛfuɛ'n nin be kwlaa nga be wunnɛn yo be ya'n be juejue.

Matthieu 10:1 Iomraidhean Croise

Matthieu 19:28

Ye Jésus sé bé ke: Nanwle, ke bé wa bô men'n i ufle ékun'n, bo m bo n katyii Swran'n nh yih n famien nglô bo nh tranh m bia'n su'n, amun bo an suu n su'n, amun kusu an wa tran bia blu-nin-nnyon su, amunh dih Israël nvlé blu-nin-nnyon'n bé dyole.

Matthieu 26:20

Ke alie dyoli'n, o nin i sonnzonfue blu-nin-nnyon'n bé traan alie'n sin.

Matthieu 26:47

Ke i nuan te ô nde'n su'n, kpekuun i sonnzonfue blu-nin-nnyon'n bé nun kun bo bé flee Judas'n, o nin swran kpanngban bo Nyanmien nyrun dyranfue dandan nin men kpenngben'm bé sunmaan bé, bo kaka nin klonman ô bé sa nun'n, ba bô nun.

Matthieu 4:23

Jésus wlanwlan Galilée akpasua'n kwlaa su, o klé liké Nyanmien sua'm bé nun, o kan Nyanmien i siéle'n i dyasin fe'n klé bé, ye o wié tukpatye kwlaa b'o ô swran'm bé wun'n nin bé wunnen ya'n kwlaa.

Matthieu 6:13

Nanh yatyi é le man Lakafue'n laka é, sannge kpla é wun. [Afin a ti kpli, a sié liké'n kwlaa, ye manmanle'n ti o lie tititi. Mon o yô so.]

Matthieu 9:35

Jésus wlanwlan klo dandan nin klo kanngan'm bé su, o klé bé liké bé Nyanmien sua'm bé nun, o kan Nyanmien siéle'n i dyasin fe'n klé bé, ye o wié bé tukpatye nin bé wunnen ya'n kwlaa.

Matthieu 9:38

I so'n ti, anh sé fié ifue'n mon o fa swran ékun man bé kô di i dyunman'n.

JÉSUS-CHRIST I DYASIN FE'N BO LUC KLELI'N 10:19

Nian, n séli amun ke, nh dyranh amun sin, amunh tiah wuô nin nyannglan'm bé su, amunh kwla kpofue'n, liké fi su yô'a amun.

JÉSUS-CHRIST I DYASIN FE'N BO LUC KLELI'N 21:15

Afin m bobo ye nh fah nde nga amunh kanh'n wla amun nuaan, ye nh kléh amun ngwlele, o man amun kpofue'm bé su kwla kpalôman amun nuan, ye bé su si'a amun akplôwa.

JÉSUS-CHRIST I DYASIN FE'N BO LUC KLELI'N 24:49

Anh nian, liké nga n Si sé ke oh bleh amun'n m bobo m man liké so'n oh bah. O man amun kusu anh tran klo'n su wa lélé man Nyanmien tin amun ka.

JÉSUS-CHRIST I DYASIN FE'N BO LUC KLELI'N 6:13

Ke alie'n tyennin'n, o flee i sonnzonfue mun, o fa bé nun blu-nin-nnyon, o ton bé dunman ke i sunmanfue. (*f22*) Swran so'm bé dunman'n ye:

Jean 17:2

Afin a faa swran'n kwlaa wle i sa nun ke o sié bé nan o man bé kwlaa nga a fa bé menniin'n bé anannganman nguan.

Jean 3:27

Jean sé bé ke: Liké nga Nyanmien a ma'an swran kun'n, o nyenmen.

Jean 3:35

É Si Nyanmien klô i Wa'n, ye o fa liké'n kwlaa wlee i sa nun.

Jean 6:70

Jésus usa bé ke: ?Amun swran blu-nin-nnyon'n, nanh min ye n faa amuon? Sannge o nin i so'n ngba, ke min ye n faa amun'n, amun nun kun ti mmusu'm bé si Satan'n i swran.

Sa nga bé yôli'n 1:8

Sannge ke Nyanmien Wawe'n kô ba amun wun'n, oh tinh amun, an wa kan min nde Jérusalem wa, Judée men wunmuan'n nun, o nin Samarie lo lélé fa dyu asie'n i awiélie.

Sa nga bé yôli'n 19:15

Lé kun lie'n ke béh yôh'n, liké'n séé bé ke: ?N si Jésus, ye n si Paul kusu, sannge amun lie'n, an fin nin?

Sa nglô yile 12:1

Bé wuun abônuan sa dan kun nyanmien su lo. Bla kun kla wia'n ke kôndrô sa. Ye i dya'n takataka anglô'n su. Nzraama blu-nin-nnyon bé ti ke sika klé sa, o ô i ti.