Marc 5:13 - Nyanmien nde Ufle

¹³ Ye o maan béo, nan asie usu'm ba fité ba kô wlu kokoti so'm bé nun. Ye kokoti akpasua so'n bo bé dyu bo akpi-nnyon kun'n, bé wanndi trôô tyéndyé'n bé guaa fete'n nun, bé mlonnin.

NYANMIƐN NDƐ'N 1998

¹³ Yɛ ɔ mannin be-ɔ, nan asiɛ usu'm b'a fite b'a ko wlu kɔkɔti sɔ'm be nun. Yɛ kɔkɔti akpasua sɔ'n bɔ be ju akpi nnyɔn (2.000) kun'n, be wanndi troli cenje'n be guali fɛtɛ'n nun, nan b'a mlɔn.

Marc 5:13 Iomraidhean Croise

Matthieu 7:6

Nanh an fa ninngé ng'o ti Nyanmien lie'n man alua mun, ye nanh an fa amun nennglenman'n gua kokoti'm bé bô, man bé tiatia bé su, bé kpe bé nyin amun su, bé to amun su.

Matthieu 8:32

O séé bé ke: Anh wo! Nan ba dyaô bé su ba kô wlu kokoti so'm bé nun. Ye kokoti akpasua wunmuan so'n bé wanndi trôô fete'n i tyéndyé'n b'o séli pia'n, nan ba gua nzué'n nun ba wu.

Marc 5:12

Asie usu'm bé sree Jésus kpa ke, o man bé atin man bé kô wlu kokoti so'm bé nun.

Marc 5:14

Bé nga bé kankan bé'n bé wanndi kô kan nde so'n klo nin nanmué'm bé nun. Swran'm bé kô niaan sa ng'o yôô lo'n.

Jean 8:44

Amun si'n yele mmusu'm bé si Satan'n, ye an klô ke amunh yôh amun si so'n i klun sa. Ke o fin i bôbôle nun'n, o ti swran kunfue, o di'a nanwle mlonmlon, afin o si'a nanwle'n. O bua atô, afin atô'n ti i nzuen, atô'n ti i dyunman, i ye o ti atô buafue'm bé si nion.

1 Piɛr 3:22

O oo nyanmien su lo, o ô Nyanmien i sa fama su, o sié ange, nin lo kpenngben, nin bé ngbléwangbléwa mun.

Sa nglô yile 20:7

Ke afue akpi'n kô wié'n, béh yih Satan bisua'n nun.

Sa nglô yile 9:11

Bé le bé famien kun, bé famien so'n yele kunman dan bo bé si'e i bô'n, i ange'n. Bé fle i hébreu nun Abaddon, ye grec nun bé fle i Apollyon, i bô yele Abolefue.