Marc 2:12 - Nyanmien nde Ufle

¹² I ôsu kunngba'n nun o dyaô fee i te'n o fité bé kwlaa bé nyrun le. I so'n ti, bé kwlaa bé nuan bôô bé wun kpa, bé manmaan Nyanmien, bé sé ke: É nian wu'an sa nga i wunsu mlonmlon lé.

NYANMIƐN NDƐ'N 1998

¹² I osu kunngba'n nun'n, ɔ jao fɛli i bɛ'n ɔ fiteli be kwlaa be nyrun lɛ. I sɔ'n ti be kwlaa bé nuan boli bé wun kpa, be manmannin Nyanmiɛn, yɛ be seli kɛ: «E nian wun-man sa nga i wunsu le mlɔnmlɔn.»

Marc 2:12 Iomraidhean Croise

Matthieu 12:23

Swran'n kwlaa bé nuan bôô bé wun, nan ba usa ke: ?Nanh David i Anunman'n ye o ô leo?

Matthieu 15:31

Ke swran'm bé wuun ke bôbôfue'm bé idyo, bo bubuwafue'm bé yô dyuédyué, tyetyewafue'm bé nanti séiin, bo anyansifue'm bé wun asé'n, o bôô bé nuan nan ba manman Israël Nyanmien'n.

Matthieu 9:33

O fuaan asie usu so'n, nan bôbô'n wa idyo. Ke swran'm bé nuan bô bé wun'n, bé sé ke: É nian wu'an abônuan sa ke nga sa Israël men'n nun lé.

Matthieu 9:8

Ke swran'm bé wuun i so'n, sre kuun bé, bé manman Nyanmien b'o tin swran mun ke nga sa'n.

Marc 1:27

Swran'n kwlaa bé nuan bôô bé wun, i so'n ti, bé usaa bé wun ke: ?Nzu sa yele nga? ?Liké ufle ye o su kléo? O kwla asie usu bo bé satyi swran'n, bé srôé!

Marc 2:11

O séé bubuwafue'n ke: N wa, dyaô, fo o te'n ko wo awlô.

JÉSUS-CHRIST I DYASIN FE'N BO LUC KLELI'N 13:13

Bé dya ôsu kunngba'n nun le kpekuun wa tinnge, nan wa la Nyanmien asé.

JÉSUS-CHRIST I DYASIN FE'N BO LUC KLELI'N 17:15

Ke bé nun kun wuun ke i wun a sa'n, o see i sin, ke oh bah'n o kpan manman Nyanmien.

JÉSUS-CHRIST I DYASIN FE'N BO LUC KLELI'N 5:26

Bé kwlaa bé nuan bôô bé wun, bé manman Nyanmien, sre kun bé dan kpa, ye bé sé ke: Sa nga ya wuin nde ye'n, é nian wu'an wié lé.

JÉSUS-CHRIST I DYASIN FE'N BO LUC KLELI'N 7:16

Sre kuun bé kwlaa, bé manman Nyanmien bé sé ke: Nyanmien nuan idyofue dan kpa kun a fité é afien wa, ye Nyanmien a nien i swran'm bé lika.

Jean 7:31

Swran so'm bé nun louun kpa bé lafii i su, bé sé ke: ?Se Christ (*f1*) ba'n, oh yih atre tra bian nga lie'n?

Jean 9:32

É nian ti'e i lé ke swran kun a tiké swran bo bé wu i nin anyansi'n i nyinma lé.

Sa nga bé yôli'n 4:21

Bé kannvuun bé ékun, nan ba yatyi bé nun. Swran'm bé ti bé si'a fo nga bé fa tu béo, yele ke bé kwlaa bé manman Nyanmien sa so'n ti.