Marc 16:16 - Nyanmien nde Ufle

¹⁶ Swran ng'o lafi su nan bé yô i baptême'n, oh fitéh nun, sannge ng'o lafi'a su'n béh séh ke wa di fo.

NYANMIƐN NDƐ'N 1998

¹⁶ Sran ng'ɔ lafi su nan be yo i batɛm'n, ɔ ´fite nun, sanngɛ ng'ɔ lafi-man su'n, be ´se kɛ ɔ'a di fɔ.

Marc 16:16 Iomraidhean Croise

Matthieu 28:19

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

Marc 1:15

o sé ke: Ble'n i nuan a yia, ye Nyanmien i siéle ble'n wa mantan. Anh katyi amun nzuen'n, anh lafi Nyanmien i dyasin fe'n su.

JÉSUS-CHRIST I DYASIN FE'N BO LUC KLELI'N 8:12

Awié ng'o too atin mma'n nun'n, yele bé nga ke bé ti Nyanmien nde'n, kpekuun mmusu'm bé si Satan'n ba, o wa yô man nde nga bé tili'n o mlin bé klun, nan ba lafi'a su, ba nya'an bé ti'n.

Jean 20:31

Sannge ke o yô nan amuan lafi su ke Jésus ti Christ Nyanmien Wa'n, i ti ye bé kleli ngaa, ye se an lafi su'n, i ti amunh nyanh nguan.

Jean 3:36

Swran ng'o lafi i Wa'n su'n, o le anannganman nguan, sannge swran nga i nyin yimen'n o nya'an nguan lé, sannge i wun ya ô Nyanmien klun.

Jean 3:5

Ye Jésus sé i ke: Nanwle, se swran i awulie'n fi'an nzué nin Nyanmien Wawe'n, o su kwla yô'a men nga Nyanmien sié'n i nunfue.

Jean 5:24

Nanwle, swran ng'o tié min nde'n b'o lafi swran ng'o sunmaan min'n su'n, o le anannganman nguan, bé su fe ko'a dyole difue'n i dyasu. Wa nyen i ti wié'n sa nun, wa nyan nguan.

Jean 6:29

Jésus sé bé ke: Liké nga Nyanmien klô ke an yô'n, i waan anh lafi swran b'o sunmenniin'n su.

Jean 6:35

Jésus sé bé ke: M bobo n ti kpaun b'o man nguan. Swran ng'o ba n sin'n, awé su ku'en lé, ye swran ng'o lafi n su'n, nzué wé su ku'en kun.

Jean 6:40

Anh nian, liké nga n Si waan swran'm bé yô'n ye, swran kwlaa ng'o wun i Wa'n b'o lafi i su'n, oh nyanh anannganman nguan, ye nh tyeenh men'n i awiélie.

Jean 8:24

I so'n ti ye n séé amun ke amun sa te'n kah amun wun, amunh wuh nion, afin se an lafi'a swran wafa nga n ti'n su'n, amun sa te'n kah amun wun amunh wuh.

Sa nga bé yôli'n 10:43

Nyanmien nuan idyofue'n kwlaa bé keen i nde ke swran kwlaa ng'o lafi i su'n, i dunman nun Nyanmien yatyih i wun sa'n tyee.

Sa nga bé yôli'n 13:39

Sa nga ke an fa Moïse mmla'n su'n amuan nya'an amun ti bé nun'n, sien'n swran kwlaa nga bé lafi Christ su'n, béh nyanh bé ti sa so'm bé nun.

Sa nga bé yôli'n 13:46

Sannge Paul nin Barnabas bé tra bé awlen bé kan klé bé wéiin ke: Amun ye bé waan, é dun mmua kan Nyanmien nde'n klé amuon, sannge ke amuan faman'n, bo an bu ke anannganman nguan'n nin amun fataman'n, i so'n ti, éh kpeh é nyin ko bé bo bé ti'a Juif'n bé sin.

Sa nga bé yôli'n 2:38

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Sa nga bé yôli'n 2:41

Bé bo bé fe i nde'n su'n, bé yôô bé baptême, tyen so'n nun swran bo bé dyu bo akpi-nsan kun bé ukaa bé su.

Sa nga bé yôli'n 22:16

?Nzu ye a te minndee sien nion? Dyaô man bé yô o baptême i dunman nun, mon o yatyi o wun sa'n tye o.

Rɔmfuɛ Mun 3:6

O su yô'a so mlonmlon! ?Afin se Nyanmien di'a nanwle'n, o yô se ye o kwla di menfue'm bé dyoleo?

Rɔmfuɛ Mun 4:24

sannge é bo é lafi Nyanmien b'o tyennin é Min Jésus'n b'o su wa bu é swran kpa wié'n i su'n, é lie ô nun wié.

2 Tɛsalonikfuɛ Mun 1:8

Oh bah sin b'o dyué'n nun nan oh tuh bé nga bé si'a Nyanmien'n nin bé nga bé fe'e i dyasin fe'n su'n bé fo.

2 Tɛsalonikfuɛ Mun 2:12

nan o bu bé bo ba lafi'a nanwle'n su, bo sa te yôle'n ye o yô bé fe'n, bé fo.

1 Piɛr 1:21

I ti ye amuan lafi Nyanmien b'o tyenniin'n, b'o man o nyaan nyrun'n i suo, o man Nyanmien su ye amuan lafio, i su ye amuan fa amun wla'n ba guaa.

1 Piɛr 3:21

Nzué so'n ti baptême b'o man amuan nyan amun ti nde'n i nzolie. Nanh ke o wunnzin bé wunnen su fieon, sannge o man é sre Nyanmien ke nanh man é klun titi é kun. Jésus-Christ i tyenle'n ti ye é nyaan é tio.

Sa nglô yile 20:15

Swran kwla nga ba kle'e i dunman nguan fluwa nun'n, bé fe yii sin dan'n nun.

Sa nglô yile 21:8

Sannge srefue, nin bé nga bé lafi'a n su'n, nin bé nga bé yô tété sa'n, nin swran kunfue, nin bian nin bla kunndefue, nin baéfue, nin amuen sofue, nin bé kwlaa nga bé bua atô'n, bé lika lie'n yele sin dan'n bo soufre (*26*) ô nun, b'o dyué'n nun. I ye o ti wié'n i nnyon su nion.