Marc 13:9 - Nyanmien nde Ufle

⁹ Anh sasa amun wun, afin bé wa fa amun man dyole difue mun, béh bôh amun Nyanmien sua'm bé nun. Ke o yô nan amuan kan min nde a klé kpenngben nin famien mun'n, min ti béh fah amun ko bé dyasu.

NYANMIƐN NDƐ'N 1998

⁹ An `sasa amun wun, afin be wa fa amun ´man jɔlɛ difuɛ mun, yɛ be ´bo amun Nyanmiɛn ndɛ suanlɛ nin i srɛlɛ sua'm be nun. Kɛ ɔ ´yo nan amu'an kan min ndɛ a kle kpɛnngbɛn mun nin famiɛn mun'n, min ti be ´fa amun kɔ bé ja su.

Marc 13:9 Iomraidhean Croise

Matthieu 5:22

Sannge n lie'n, nh nh kanh klé amun ke, swran kwlaa ng'o fe i niaan wun ya [ngben'n], béh feh ko dyole difue'm bé dyasu. Ye swran ng'o kpe i niaan nzôwa'n, béh feh ko dyole difue dandan'm bé dyasu. Swran ng'o sé i niaan ke: Sinnglinfue'n, béh feh ko nyrennen lika'n i sin'n nun lo.

Marc 1:44

o nien i wun kpa nanh mon o kan nde so'n klé swran fi, sannge o fe i wun kô klé Nyanmien nyrun dyranfue'n, ye o fe i wun asô bôle liké bo Moïse kléli'n fa man, man bé wun ke wa yô dyuédyué.

Marc 13:5

Kpekuun Jésus su kléklé bé liké so mun, o sé bé ke: Anh sasa amun wun kpa, nanh man swran fi laka amun.

Marc 13:8

Nvlé kun wa dyaô nvlé kun wun, ye famien kun wa dyaô i wiéngu famien kun wun. Lika wié'm bé nun asie'n o wa kédyé, ye awé wa kpen. I kwlaa so'n ti nyrennen'n i bué nuan kaan sa.

Marc 6:11

Se an dyu lika wié nan ba siké'a amun, bo bé tié'a amun nde'n, ke amunh tuh an bô klo so'n su'n, anh kpukpu amun dya wun ndutré'n gue klo so'n su, mon o yô amun lalôfue.

JÉSUS-CHRIST I DYASIN FE'N BO LUC KLELI'N 9:5

Ye klo kwlaa nga bé so'a bé nun'n, ke béh tuh bé bô klo so'n su'n, bé kpukpu bé dya wun ndutré'n gue klo so'n su, mon o yô bé lalôfue.

Jean 15:20

Anh bu nde nga n kan kléé amun ke: «Swran b'o su swran'n ti'a kpa tre'e i min'n» i akunndan. Se bé kléé n yale'n béh kléh amun yale wié, se bé fa min nde'n su'n, béh fah amun lie'n su wié.

Jean 16:2

Béh kanh amun bô Nyanmien sua'm bé nun, ye tyen wié bé nga bé kun amun'n, béh buh i ke Nyanmien ye bé su su io.

Sa nga bé yôli'n 21:11

O faa Paul bô kplô'n, o fa tyii i bobo i dya nin i sa ye o sé ke: Nyanmien Wawe'n waan: Swran ng'o le kplô nga'n, ke Juif'm bé wa tyi ke nga sa Jérusalem lo, ye béh feh man bé bo bé ti'a Juif'n.

Sa nga bé yôli'n 7:54

Ke bé tii nde so'n, bé faa ya dan kpa, bé trili.

Sa nga bé yôli'n 9:16

ye m ma klé i nyrennen kwlaa ng'o wa wuin n dunman nun'n.

Filipfuɛ Mun 1:29

Afin nanh Christ sulafile ngunmin ye Nyanmien man amun lafio, sannge o man amunh wunh nyrennen i dunman nun ékun.

2 Tɛsalonikfuɛ Mun 1:5

I so'n klé é wéiin kpa ke Nyanmien yô sa i nuan su. O man oh buh amun ke amun nin i famien dile'n wié fata, afin i ti ye an wun nyrennen nion.

2 Jean 1:8

I so'n ti, anh nian amun wun kpa, nan amun dyunman'n i nuan liké'n wa tô'a fua'an amun, sannge amuan nyan nun liké kpan ti.

Sa nglô yile 1:9

N Jean bo n ti amun niaan'n, ke é nin Jésus é katyii swran wunmuan'n ti, o man min nin amun é wun nyrennen, o sié é, ye é tra é awlen. Nyanmien nde nin Jésus nde bo n kan'n ti, bé fa min oo nvlé kaan bo bé flee Patmos, bo nzué sin yie'n nun.

Sa nglô yile 2:10

Nanh sre kun amun nyrennen nga an wa wuin'n ti. Anh nian, mmusu'm bé si Satan'n o wa wla amun nun wié'm bé bisua, oh sah amun nian. Amunh wunh nyrennen lé blu. Se kunle bobo ye béh kunh amun'n, anh tra amun awlen, ye liké nga nh fah yô amun mô'n yele nguan'n.

Sa nglô yile 2:13

N si amun tranwle'n, lo ye Satan (*f6*) i bia'n wôo. Sannge o nin i so'n ngba, an fa amun wun mantan n kpa. I nun nga bobo bo bé kuun Antipas b'o kan min nde'n tititi'n, amun wun lo lika nga Satan tran lo'n, amuan yi'a amun wla n su.