Marc 13:27 - Nyanmien nde Ufle

²⁷ Nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n ke o fin asie'n i awiélie lo lélé fa dyu nyanmien'n i awiélie lo.

NYANMIƐN NDƐ'N 1998

²⁷ N ´sunman min anz mun, be wa yia be bɔ Nyanmiɛn fali be bɔ be o mɛn wunmuan nun'n kɛ ɔ fin asiɛ'n i awieliɛ lɔ lele fa ju nyanmiɛn'n i awieliɛ'n lɔ.»

Marc 13:27 Iomraidhean Croise

Matthieu 12:42

Dyole dile tyen'n nun famien bla'n b'o fin Jérusalem papla nun mmua lo'n, o wa dyaô bu adyulisufue nga'm bé fo, afin bla so'n fin asie'n i awiélie lo lo ke o wa tié Salomon i ngwlele nde'n, ye nian, swran kun ô wa bo i dan tra Salomon.

Matthieu 13:41

M bo n katyii Swran'n nh sunmanh min ange mun ke bé wa yi bé kwlaa nga bé satyi swran'm bé ti nun'n nin bé bo bé bô tété'n min men'n nun,

Matthieu 13:49

Ke men'n i awiélie'n o wa yô soo. Ange'm béh bah, bé wa yi swran klunwifue mun nanwlefue'm bé nun,

Matthieu 24:22

Se Nyanmien a kpe'a tyen so'n su'n, swran fi su fité'a nun, sannge bé b'o faa bé'n bé ti, oh kpeh tyen so'n su.

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Matthieu 24:31

Ke awe'n kô te'n, nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n, ke o fin nyanmien'n i bué kun su lélé fa dyu i bué kun ékun.

Marc 13:20

Se é Min Nyanmien'n wa kpe'a tyen so'n su wa yô'e tika'n, swran fi su fité'a nun, sannge o yôé tika bé b'o faa bé'n bé ti.

Marc 13:22

Afin bé bo bé ton bé wun suen ke bé ti Christ'n (*f1*), o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n, se béh kwlah nyan bé ô.

Marc 13:28

Anh fa sunnzun blofue aloma'n bé nian. Ke oh nyrenh bo i nnya'n treh'n, an si ke munngun'n wa mantan.

JÉSUS-CHRIST I DYASIN FE'N BO LUC KLELI'N 16:22

Lé kun yalefue so'n wuli, ange'm bé wa fe oo Abraham wun lo. Anyanbéunfue'n kusu wa wuli nan ba siéé.

JÉSUS-CHRIST I DYASIN FE'N BO LUC KLELI'N 18:7

?Ye bé nga Nyanmien kpaa bé bo bé sun flee kongue nin wia nun'n, o su dyra'an bé sin di'a bé nde'n? ?Oh sisih i bô nan wa di bé dyole'n?

Jean 10:16

M bua'm bé wié ô le bo bé nu'an tuin nga nun. San nh fah bé sofue mun ba, béh tih min nen, bé akpasua'n yôh kun ye bé tafue kun.

Jean 11:52

Nanh ke nvlé so'n ngunmin tio, sannge oh yôh so nan Nyanmien ken i mma'm bo bé sanndili'n bé kwlaa bô nun.

Rɔmfuɛ Mun 8:33

?Wan ye o kwla satyi bé bo Nyanmien faa bé'n bé dunmaan? Nyanmien ye o bu bé swran kpaa.

Kolɔsfuɛ Mun 3:12

An ti Nyanmien i swran, o klô amun, o faa amun. I so'n ti, man swran'm bé yô amun annvo, anh yô bé kpa, anh yô amun wun aénvue, anh yô weteefue, anh blu sa'm bé su. Anh fa liké so mun fa tyityi amun ti.

2 Tɛsalonikfuɛ Mun 2:1

Aniaan mun, é Min Jésus-Christ i bale'n nin yiale nga éh kôh yie i wun lo'n i nde lie'n, éh sreh amun,

2 Timote 2:10

I so'n ti ye sa so'n kwlaa nun bé nga Nyanmien kpaa bé'n bé ti, n tra min awlen nion, nan Christ-Jésus ti bé kusu bé nyan bé ti ye bé nyan nyrun b'o wiéman.

1 Piɛr 1:2

É Si Nyanmien faa amun, afin o dun mmua bu i akunndan so, nan i Wawe'n ti, an katyi i lie, amun nyin yi Jésus-Christ, ye i mmôdya'n ti amun wun sa'n wiéh. Nyanmien man an nyan yé titi, ye man amun wun dyo amun fouun!