Marc 13:13 - Nyanmien nde Ufle

¹³ Min ti swran'n kwlaa bé wa kpo amun, sannge swran ng'o tre i awlen lélé dyu i awiélie'n, oh fitéh nun.

NYANMIƐN NDƐ'N 1998

¹³ Min ti sran'm be kwlaa be wa kpɔ amun, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.»

Marc 13:13 Iomraidhean Croise

Matthieu 10:22

Swran'n kwlaa bé wa kpo amun min ti, sannge swran ng'o tre i awlen lélé dyu i awiélie'n, oh fitéh nun.

Matthieu 24:13

Sannge swran ng'o tre i awlen lélé dyu i awiélie'n, oh fitéh nun.

Matthieu 24:9

Bé wa fa amun wla nyrennen nun, béh kunh amun, ye nvlé'n kwlaa béh kpoh amun n dunman nun.

Marc 13:12

Swran'm bé wa fa bé niaan bian man swran mun ke bé kun bé, ye yasua'm bé kusu bé wa yô bé mma'm bé so, ba'm bé wa dyaô bé sin nin bé nin'm bé wun béh fah bé man swran mun ke bé kun bé.

JÉSUS-CHRIST I DYASIN FE'N BO LUC KLELI'N 21:17

Min ti swran'n kwlaa béh kpoh amun.

JÉSUS-CHRIST I DYASIN FE'N BO LUC KLELI'N 6:22

Ke swran'm béh kpoh amun, béh kanh amun bô, béh kpeh amun nzôwa, béh satyih amun dunman m bo n katyii Swran'n n ti'n, amun lie su ti yé!

Jean 15:21

N ti ye béh yôh amun sa so'n kwlaaa, afin bé si'a swran b'o sunmaan min'n.

Jean 17:14

N kan o nde'n kléé bé, o man men nunfue'm bé kpo bé, afin bé ti'a men nunfue ke n kusu n ti'a men nunfue'n sa.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Galasifuɛ Mun 6:9

Nanh man é sa sin bubu é sa kpa yôle'n nun, afin se ya feman'n, tyen wié éh nyenh i nuan liké.

Hébreu 10:39

É lie'n, nanh bé nga bé tyuen bé wun ko sien'n b'o man bé mlin'n bé wié yele é, sannge é ti bé nga bé lafi Nyanmien su bo bé nyan bé ti'n bé wié.

Hébreu 3:14

Afin se é fa é wla gue Christ su lélé gue i ti nin i bô ke i bôbôle nun sa'n, é nin i é ti wiéngu.

Jacques 1:12

Swran nga sa to i su b'o tre i awlen'n, i lie su ti yé. Afin ke Nyanmien wun ke o tre i awlen sa so'n nun'n, oh fah nguan b'o ti liké kpa, bo i waan oh fah man bé nga bé klôé'n, men.

1 Jean 3:13

Aniaan mun, se men'n nunfue'm bé kpo amun'n, nanh mon o bô amun nuan.

Sa nglô yile 2:10

Nanh sre kun amun nyrennen nga an wa wuin'n ti. Anh nian, mmusu'm bé si Satan'n o wa wla amun nun wié'm bé bisua, oh sah amun nian. Amunh wunh nyrennen lé blu. Se kunle bobo ye béh kunh amun'n, anh tra amun awlen, ye liké nga nh fah yô amun mô'n yele nguan'n.

Sa nglô yile 3:10

An fa nde bo n kan kléé amun ke an tra amun awlen'n su. O man ke sa kéklé toh men wunmuan'n su swran'n kwlaa bé sa nianle'n ti'n, n kusu nh sasah amun.