Marc 11:23 - Nyanmien nde Ufle

²³ Nanwle, swran ng'o lafi Nyanmien su'n o kwla sé ôka nga ke o tu i bô wa kô to dyénvié'n nun. Se i awlen'n ti'a nnyonnyon b'o lafi nde ng'o kannin'n su ke oh yôh'n, Nyanmien wa yô i so'n men.

NYANMIƐN NDƐ'N 1998

²³ Nanwlɛ, sran ng'ɔ lafi Nyanmiɛn su'n, ɔ kwla se oka nga kɛ ɔ tu i bo wa ko tɔ jenvie'n nun. Sɛ i anwlɛn'n ti-man nnyɔn-nnyɔn b'ɔ lafi ndɛ ng'ɔ kannin'n su kɛ ɔ ´yo'n, Nyanmiɛn wa yo i sɔ mɛn i.

Marc 11:23 Iomraidhean Croise

Matthieu 14:13

Ke Jésus tii nde so'n, o fu alié kun nun oo blô lo ke oh dyaôh le kan. Ke swran'm bé tili'n, bé fin klo'm bé su, bé su i su bé dya nun.

Matthieu 17:20

Jésus sé bé ke: N su bo an lafiman'n tio. Nanwle, se an lafi n su bo kaan b'o dyu ke moutarde (*f9*) mma sa'n, an kwla sé ôka ng'o ô ye'n ke: Tu o bô wa ko lé sa. Oh tuh i bô, ye sa fi nu'an le bo an su kwle'e i yôo.

Matthieu 21:21

Nanwle, se an lafi Nyanmien su bo amun awlen'n ti'a nnyonnyon'n, nanh ke liké nga n yôô aloma nga kunngba ye amunh yôoh, sannge se an sé ôka ng'o ô ye'n ke o tu i bô le o kô to dyénvié'n nun, oh koh.

JÉSUS-CHRIST I DYASIN FE'N BO LUC KLELI'N 17:6

Ye é Min'n sé bé ke: Se an lafi n su bo kaan b'o dyu ke moutarde (*f9*) mma sa'n, se an sé waka ng'o ô ye'n ke, o tu i bô wa kô dyran dyénvié'n nun'n, oh koh.

Jean 14:13

Liké kwlaa nga an fa n dunman sre'n, nh yôh nan m bo n ti é Si i Wa'n m men i komin su.

Jean 15:7

Se amun nin min yô swran wunmuan bo é tran titi'n, bo an fa min nde'n su'n, liké nga an klôé'n, anh sé Nyanmien, oh fah man amun.

1 Korɛntfuɛ Mun 13:2

Man n yô Nyanmien nuan idyofue, man n si sa nga Nyanmien fiee swran'm bé nyrun'n i ngba, ye man n wun sa'n kwlaa wle, ye se n lafi Nyanmien su kpa bobo b'o man n kwla sé ôka'm bé ke bé tu bé bô wo'n, sannge se n klô'a swran'n, wuun man yô'a liké fi.