Marc 10:14 - Nyanmien nde Ufle

¹⁴ Ke Jésus wuun i so'n, wa yômen i fe, nan wa sé bé ke: Anh yatyi ba kanngan'm bé nun man bé bla n sin, nanh an fuan bé, afin bé bo bé yô bé wun ke ba kanngan nga mun sa'n, bé ye Nyanmien sié béo.

NYANMIƐN NDƐ'N 1998

¹⁴ Kɛ Jésus wunnin i sɔ'n, ɔ'a yo-mɛn i fɛ, nan ɔ'a se be kɛ: «An `yaci ba kanngan'm be nun man be bla n sin, nán an fuan be, afin be bɔ be yo bé wun kɛ ba kanngan nga mun sa'n, be yɛ Nyanmiɛn sie be-ɔ.

Marc 10:14 Iomraidhean Croise

Matthieu 18:10

Anh nian amun wun kpa, nanh amun yô ba kanngan nga bé ô ye'n bé nun kun finfin, afin nh kanh klé amun ke, bé ange'm bo bé ô nyanmien su lo'n bé nyin ta min Si b'o ô nyanmien su lo'n i nyrun tyen kwlaa.

Matthieu 18:4

I so'n ti, swran kwlaa ng'o yô wetee ke ba kaan nga sa'n, o wa yô bé kwlaa nga Nyanmien sié bé'n bé nun dan.

Matthieu 19:14

Ye Jésus sé bé ke: Anh yatyi ba kanngan'm bé nun man bé bla n sin, nanh an fuan bé, afin bé bo bé yô bé wun ke ba kanngan nga mun sa'n, bé ye Nyanmien sié béo.

Matthieu 5:10

Bé nga bé klé bé yale Nyanmien klun sa yôle'n ti'n, bé lie su ti yé, afin Nyanmien nen'n nun ninngé kpakpa'm bé ti bé lie!

Matthieu 5:3

Bé nga bé si ke bé di Nyanmien ninngé'm bé yale'n, bé lie su ti yé, afin Nyanmien men'n nun ninngé kpakpa'm bé ti bé lie!

Marc 3:5

Bé kétéle bo ba kéké'n yôô i ya lélé o bô i wla, ye o niaan bé ya su, nan wa sé bian'n ke: Tinnge o sa'n nun. O tinngee i sa'n nun nan wa yô kpa ke laa'n sa.

Marc 8:33

Ye Jésus kpe i wun nieen i sonnzonfue mun, o idyoo Pierre, o sé ke: Satan (*f6*), dyaô n nyrun le, afin wo akunndan'n ti'a Nyanmien lie, swran lieo.

Jean 3:3

Jésus sé i ke: Nanwle, swran nga ba wu'e ékun'n, o su kwla yô'a men nga Nyanmien sié'n i nunfue mlonmlon.

Jean 3:5

Ye Jésus sé i ke: Nanwle, se swran i awulie'n fi'an nzué nin Nyanmien Wawe'n, o su kwla yô'a men nga Nyanmien sié'n i nunfue.

Sa nga bé yôli'n 2:39

Afin liké ng'o séé ke oh yôh'n, i waan oh yôh man amun, nin amun mma mun, nin bé kwlaa bo bé ô mmua bo é Min Nyanmien'n o wa fle bé'n.

Sa nga bé yôli'n 3:25

An ti Nyanmien nuan idyofue'm bé anunman, ye sa nga Nyanmien séé ke oh yôh man é nannan mun'n, bo i ti o séé Abraham ke, «i ôsufue'm bé ti o wa yô asie'n sufue'n kwlaa bé yé'n,» an wô nun wié.

Rɔmfuɛ Mun 11:16

Se kpaun bo bé ton'n bé dun mmua kpe Nyanmien lie'n (*f38*), wuun i wunmuan'n kwlaa ti i lie, ye se waka'n i bô'n ti Nyanmien lie'n, wuun i sama'n ti i lie.

Rɔmfuɛ Mun 11:28

Ke é nien i bué kun'n, é wun ke dyasin fe'n bo Juif'm ba fa'a su'n ti Nyanmien nin bé buli. I so'n yôô amun môaé sa. Sannge ke é nien i bué kun ékun bo é wun wafa nga Nyanmien fa swran'n, é wun ke bé nannan'm bé ti, bé ti Nyanmien i awlen su swran.

1 Korɛntfuɛ Mun 14:20

Aniaan mun, nanh an bu akunndan ke bakan sa, anh bu kpenngben akunndan, sannge anh yô ke ba nonman b'o si'a gble kpe'n sa.

1 Korɛntfuɛ Mun 7:14

Afin Nyanmien so bian b'o lafi'a Christ su'n nun, i yi'n ti, ye o so bla b'o lafi'a Christ su'n nun, i wun'n b'o ti é niaan'n ti. O man Nyanmien so bé mma'm bé nun. Se o ti'a so'n, bé mma'm béh yôh ke guasu ba sa.

Efɛzfuɛ Mun 4:26

Se an fa ya'n, nanh an yô sa te. Nanh an fa ya so'n lélé man wia'n to su.

2 Timote 1:5

N wla ô o Nyanmien su bo a lafii kpa'n su, o nannan Loïs nin o nin Eunice bé ye bé dun mmua lafii i su soo. Ye n si ke a lafi i su so wié kusu.

2 Timote 3:15

Ke o fin o ba kaan nun'n, a si Nyanmien Nde nga bé kleli'n, ye man a si ngwlele b'o man se bé lafi Christ su'n bé nyan bé ti nion.

1 Piɛr 2:2

Ke ba nonman kunnde nyonflen'n, amun kusu anh kunnde Nyanmien nde b'o ti ke nonnon bo ba gua'a nun liké'n sa. Se amun non'n, amunh yôh swran ye amunh nyanh amun ti.

Sa nglô yile 14:5

Ba bua'a atô lé, fien kaan sa nu'an bé wun.