Забур 45:3 - Сыйлы Инжил бла Забур

³ Ол себепден, жер окъуна титиресе да, таула да тенгизлени ортасына атылсала да, къоркъурукъ тюйюлбюз.

Забур 45:3 Iomraidhean Croise

Забур 104:1

Раббийге шукур этигиз, Аны атын чакъырыгъыз, Аны ишлерин халкъла арасында билдиригиз.

Забур 145:5

Якъупну Аллахы аны болушлукъчусу болгъан, аны ышаныуу аны Раббий Аллахына болгъан адам насыплыды.

Забур 21:5

Бизни аталарыбыз Санга ышаннгандыла; ышаннгандыла, Сен да аланы къутхарып тургъанса.

Забур 21:7

Мен а адам тюйюлме, къуртма, адамлада бедишликме эмда халкъда сансызма.

Забур 96:6

Кёкле Аны тюзлюгюн билдиредиле, битеу халкъла да Аны аламатлыгъын кёредиле.

Ишлери 10:36

Аллах Израиль улулагъа Сёзюн ийгенди эм барысыны да Раббийи болгъан Масих Иссаны юсю бла жарашыулукъну Хайыр Хапарын билдиргенди.

Римлилеге 14:9

Нек десегиз Масих, ёлгенлеге да, саулагъа да бийлик этер ючюн, ёлюп тиргизилгенди эм жангыдан сау болгъанды.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 4:12

Нек десегиз Аллахны сёзю жашайды эм кючлюдю эм хар тюрлю эки ауузлу къылычдан да жютюдю; ол жанны бла нюрню, жиклени бла жиликлени айырыугъа дери ётеди эм жюрекни ойлашыуларына бла ниетлерине сюд этеди.

Чюйютлелеге 8:1

Аны юсюнден айтханыбызны эм башы уа буду: кёкледе уллу Аллахны тахтасыны онг жанында олтургъан бизни аллай Баш Дин Къуллукъчубуз барды.

Яхуда 1:25

Бизни Къутхарыучубуз терен акъыллы бир Аллахха, бизни Раббийибиз Масих Иссаны юсю бла махтау да, уллулукъ да, кюч да, власть да, битеу ёмюрледен алгъа да, энди да эм битеу ёмюрледе да болсун! Амин.

Билим Ачханы 1:16

Онг къолунда жети жулдузну тута эди; Аны ауузундан эки жаны да жютю къылыч чыгъа эди; Аны бети да битеу кючю бла жарыгъан кюн кибик эди.

Билим Ачханы 19:15

Ол миллетлени хорлар ючюн, Аны ауузундан а жютю къылыч чыгъады. Ол Кеси аланы темир таякъ бла кютерикди; Ол битеу дунияны тутхан Аллахны ачыу эм чамланыу чагъырыны жюзюм сыгъыучусун малтарыкъды.

Билим Ачханы 19:21

Къалгъанлары уа, атха минип Тургъанны ауузундан чыкъгъан къылыч бла ёлтюрюлдюле; битеу къанатлыла да аланы этлеринден тойдула.