Забур 39:12 - Сыйлы Инжил бла Забур

¹² Раббий, ырахматынгы менден аяма; Сени мархаматынг бла хакъ кертинг мени хар заманда да сакъласынла.

Забур 39:12 Iomraidhean Croise

Забур 102:1

Эй жаным, Раббийге махтау сал эм битеу ичим Аны сыйлы атына шукур эт.

Забур 56:8

Мени жюрегим хазырды, Аллах, мени жюрегим хазырды; зикир айтырыкъма эмда махтау саллыкъма.

Забур 90:9

Нек десенг сен: «Мени ышаннганым Раббийди», – дегенсе, сен кесинге ышыкъгъа Уллу Аллахны сайлагъанса.

II Коринфлилеге 5:6

Алай бла, биз хар заманда да тынч кёллю болабыз эм билгенибизча, чархыбызда жашагъаныбызда, Раббийден узакъдабыз.

Чюйютлелеге 11:13

Ала бары да, берирге ант бла сёз берилгенлени алмагъанлай, ийман бла ёлгендиле, алай а, аланы узакъдан кёрюп, къууанып, кеслерини юслеринден: «Бу дунияда жолоучулабыз эм киргинчилебиз», – деп ачыкъ айтхандыла.

Чюйютлелеге 5:7

Масих дуниядагъы жашаууну кюнлеринде ачы къычырыкъла бла эм жилямукъла бла Аны ёлюмден къутхараллыкъ Аллахдан дууа этип тилек этгенди эм Аллахха хурмет этгени ючюн Аны тилеги къабыл болгъанды.

I Петер 1:17

Хар кимни ишлерине кёре бет этип къарамай хукму этген Аллахха «Атабыз» дей эсегиз, сора хаух дунияда айланнган кезиуюгюзню Аллахдан къоркъуу бла ашырыгъыз.

I Петер 2:11

Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз