Забур 19:7 - Сыйлы Инжил бла Забур

⁷ Раббий Кеси майлагъан кишини къутхаргъанын мен энди билдим; Кесини сыйлы кёклеринден Кесини онг къолуну къутхарыучу кючю бла анга жууап береди.

Забур 19:7 Iomraidhean Croise

Забур 111:7

Аман хапардан къоркъурукъ тюйюлдю, Раббийге ышанып аны жюреги бекди.

Забур 23:3

Раббийни таууна ким чыгъаллыкъды неда Аны сыйлы жеринде ким тураллыкъды?

Забур 93:5

Сени халкъынгы малтайдыла, Раббий, Сени туудукъларынгы унукъдурадыла.

Ахия 5:39

Сыйлы Китапланы тинтип къарайсыз, нек десегиз сиз аланы юслери бла ёмюрлюк жашау алыргъа умут этесиз; ала уа Мени юсюмден шагъатлыкъ этедиле.

Ишлери 10:43

Иссаны юсюнден битеу файгъамбарла, Анга ийнаннган хар адамны гюняхлары Аны аты бла кечилликлерине шагъатлыкъ этедиле», – деди.

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

Римлилеге 15:4

Битеу алгъындан жазылгъанла уа, бизге акъыл юйретир ючюн, биз Сыйлы Китапладан алгъан тёзюмлюлюк бла эм кёл этиу бла бизни ышаныуубуз болур ючюн жазылгъандыла.

Римлилеге 3:2

Хар не жанындан да уллу онглулугъу барды, бегирек да алагъа Аллахны сёзлери ышанып берилгенлери ючюн.

Колослулагъа 3:16

Масихни сёзю сизде битеу байлыгъы бла жерлешсин. Хар тюрлю акъылманлыкъ бла бир-биригизни юйретип акъыл беригиз. Зикирле, гимнле эмда Сыйлы Нюр учундургъан назмула айта, жюреклеригизде Раббийге шукур этип зикир айтыгъыз.

II Тимотейге 1:8

Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

II Тимотейге 2:19

Алай а Аллахны къаты мурдору бек турады. Аны юсюнде: «Раббий Кесиникилени биледи» эм: «Раббийни атына ийнанып шагъатлыкъ этген хар адам аманлыкъдан артха турсун», – деп жазылгъан мухур барды.

Якъуп 1:17

Хар берилген ахшылыкъ эм хар тамамлы саугъа, огъартындан, кёкледеги жарыкъланы жаратхан Атадан келеди; Аны уа алышыныуу эм не аз да тюрлениую жокъду.

Билим Ачханы 19:10

Мен, анга сежда этер ючюн, аны аякъларына аудум; алай а ол манга: «Къара, этме алай! Мен да сени кибик эм Иссагъа шагъатлыкъ этиуню бардыргъан къарындашларынг кибик Аллахны къулума. Сежданы Аллахха эт, нек десенг Иссагъа шагъатлыкъ этиу файгъамбарлыкъны нюрюдю», – деди.