Якъуп 5:9 - Сыйлы Инжил бла Забур

⁹ Къарындашла, айыпха тюшмез ючюн, бир-биригизден тарыкъмагъыз: ма, Хукмучу эшиклени къатында турады.

Якъуп 5:9 Iomraidhean Croise

Маттай 24:33

Ол халда, сиз быланы барын да кёрген заманыгъызда, Адам Улу энди жууукълашханын, эшик къатында болгъанын билигиз.

Марк 13:29

Ол халда сиз быланы болгъанын кёрген заманыгъызда Адам Улу энди жууукълашханын, эшик къатында болгъанын билигиз.

Марк 6:19

Иродиада уа, Ахиягъа дерт этип, аны ёлтюртюрге излей эди, алай а болалмай эди.

I Коринфлилеге 10:11

Была бары да башхалагъа юлгю болур ючюн аланы башларына келгенди; жазылгъаны уа бизге, ахыргъы ёмюрлеге жетгенлеге акъыл юйретир ючюндю.

I Коринфлилеге 4:5

Ол себепден, Раббий келгинчи, замандан алгъа бир тюрлю сюд да этмегиз. Ол а къарангыда жашырылгъанланы жарыкъгъа чыгъарыр эм адамланы жюреклериндеги ниетлерин ачыкъ этер. Ол заманда уа хар кимге да махтау Аллахдан болур.

II Коринфлилеге 9:7

Хар ким, жюреги тартханнга кёре, жаны къыйналмай эм зорлукъ бла болмай берсин; нек десегиз сюйюп бергенни сюеди Аллах.

Галатиялылагъа 5:14

Нек десегиз битеу Таурат: «Жууугъунгу кесинг-кесинги сюйгенча сюй», – деген бир сёз бла тамам болады.

Галатиялылагъа 5:26

Уллу кёллюлюк этмейик, бир-бирибизни къанын бузмайыкъ, бир-бирибизге зарланмайыкъ.

Якъуп 4:11

Къарындашла, бир-биригизни аманламагъыз. Къарындашын аманлагъан неда къарындашын терслеген адам Тауратны аманлайды эм Тауратны терслейди. Сен Тауратны терслей эсенг а, сора сен Тауратны толтуруучу тюйюлсе, анга сюдюсе.

Якъуп 4:12

Къутхарыргъа да, жояргъа да болаллыкъ, Закон Бериучю эм Сюдю бирди: башханы терслеген сен а кимсе?

Якъуп 5:10

Къарындашларым, къыйынлыкъ кёрген эм кёп тёзген файгъамбарладан юлгю алыгъыз, ала уа Раббийни аты бла сёлешгендиле.

Якъуп 5:7

Алай бла къарындашла, Раббий келгинчи кёп тёзюмлю болугъуз. Ма, жерге урунуучу, эртте жауун эмда кеч жауун алгъынчы, жерни багъалы тирлигин къаллай тёзюмлюк бла сакълайды!

I Петер 4:5

Ала саулагъа да, ёлгенлеге да сюд этерге хазыр Болгъаннга жууап берирле.

I Петер 4:9

Тарыкъмай, бир-биригизге къонакъбайлыкъ этигиз.

Билим Ачханы 3:20

Ма, эшикни къатында сюелип, аны къагъып турама: Мени ауазымы эшитип, эшигин ким ачса да, аны къатына кирликме эм аны бла, ол да Мени бла ушхууур ашарыкъбыз.