Якъуп 5:15 - Сыйлы Инжил бла Забур

¹⁵ Ийнанып этилген тилек ауругъанны сау этер эм Раббий аны къобарыр; ол гюняхла этген эсе да, гюняхлары кечилирле.

Якъуп 5:15 Iomraidhean Croise

Маттай 17:20

Исса алагъа: «Ийнаныуугъуз аз болгъаны себепли; нек десегиз кертисин айтама сизге: сизни, татыран бюртюк тенгли бир ийнаныуугъуз болуп, сиз бу таугъа: „Былайдан ары кёч“ десегиз, ол кёчер; эм сиз этерге болалмазлыкъ зат болмаз;

Ахия 5:14

Андан сора Исса, анга табыныучу юйде тюбеп, анга: «Ма, сен сау болдунг; энди гюнях этме, санга андан да аман болмаз ючюн», – деди.

Ахия 6:39

Мени ийген Атаны буйругъу уа олду, Ол Манга бергенледен бирин да жоймазгъа, алай а ахыр кюнде барын да тиргизиргеди.

I Коринфлилеге 1:21

Нек десегиз Аллахны акъылманлыгъына кёре, бу дуния кесини акъылманлыгъы бла Аллахны танымагъаны себепли, Аллах ийнаннганланы, акъылсызлыкъгъа саналгъан хапар бла къутхарыргъа тап кёргенди.

II Коринфлилеге 4:14

Нек десегиз Раббий Иссаны тиргизген Аллах Иссаны юсю бла бизни да тиргизиригин эм сизни бла бирге Кесини аллына саллыгъын билебиз.

Якъуп 1:6

Алай а, ийнаныу бла, не аз да ишекленмей тилесин; нек десегиз ишеклениучю адам жел кётюрюп чачхан тенгиз толкъуннга ушайды.

Якъуп 5:13

Сизде къыйынлыкъ кёрген адам тилек этсин. Жарыкъ болгъан адам зикир айтсын.

Якъуп 5:16

Сау этилир ючюн, кеси гюняхларыгъызны бир-биригизге айтып ачыкъ этигиз эм бири-биригиз ючюн тилек этигиз; тюзлюклюню къаты тилеги кёп зат этерге болаллыкъды.

Якъуп 5:20

Гюняхлыны жалгъан жолундан къайтаргъан адам аны жанын ёлюмден къутхаргъанын эм кёп гюняхларын кечдиргенин билсин.