Якъуп 4:9 - Сыйлы Инжил бла Забур

⁹ Мудах болугъуз, жилягъыз эм сарнагъыз. Кюлюуюгюзню жиляугъа, къууанчыгъызны да мудахлыкъгъа буругъуз.

Якъуп 4:9 Iomraidhean Croise

Маттай 21:41

Ала Анга: «Ол аманлыкъчыланы аман ёлтюртюр, жюзюм бахчасын а, ала анга заманында кёгетлерин берип турлукъ башха жюзюмчюлеге берир», – дедиле.

Маттай 5:4

Жилягъанла насыплыдыла; нек десегиз ала жапсарыллыкъдыла.

Лука 16:25

Ибрахим а: „Жашым! Сен жашагъан кезиуюнгде ахшылыгъынгы алып бошагъанынгы, Лазарь а аманлыкъны сынагъанын эсинге тюшюр. Энди уа ол мында жапсарылады, сен а азап чегесе.

Лука 6:21

Бусагъат заманда ач болгъанла насыплысыз, нек десегиз тоярыкъсыз. Бусагъат заманда жилягъанла насыплысыз, нек десегиз къууанырыкъсыз.

Лука 6:25

Бусагъат заманда тойгъанла, сизге палах! Нек десегиз ач боллукъсуз. Бусагъат заманда кюлгенле, сизге палах! Нек десегиз жилярыкъсыз эм сарнарыкъсыз.