Якъуп 4:8 - Сыйлы Инжил бла Забур

⁸ Аллахха жууукълашыгъыз, Аллах да сизге жууукълашыр. Гюняхлыла, къолларыгъызны тазалагъыз, экили болуучула, жюреклеригизни тюзетигиз.

Якъуп 4:8 Iomraidhean Croise

Забур 24:4

Я Раббий, Сени жолларынгы манга кёргюзт эмда Сени жол ызларынга мени юйрет.

Забур 26:6

Ол заманда мени тёгерегимден алып тургъан душманларыма мени башым кётюрюлюр, мен да Аны чатырында къууанч бла къычырып къурманла келтирирме, Раббийни аллында зикир эм махтау назму айтып башларма.

Забур 51:10

Мен а Аллахны юйюнде хар заманда да жашиллей тургъан зейтун терек кибикме эмда ёмюрледен ёмюрлеге да Аллахны мархаматына ышанама.

Забур 73:13

Сен кючюнг бла тенгизни ортасын айыргъанса, Сен суулада жилянланы башларын ууатханса.

Маттай 12:33

Неда терекни ахшыгъа, аны кёгетин да ахшыгъа санагъыз; неда терекни аманнга, аны кёгетин да аманнга санагъыз; нек десегиз терек кёгетинден танылады.

Маттай 15:2

«Сени сохталарынг буруннгуланы адетлерин нек бузадыла? Ала аш ашардан алгъа къолларын жуумайдыла», – дедиле.

Маттай 27:24

Пилат, не этсе да болушмагъанын, къозгъалыу а уллу болуп баргъанын кёрюп, суу алып, халкъны аллында къолларын жуууп: «Бу Тюзлюклюню къанын тёгюуде мени терслигим жокъду; кесигиз къарагъыз», – деди.

Ишлери 15:9

Эмда аланы бла бизни арабызда бир тюрлю башхалыкъ этмей, ийман бла аланы жюреклерин тазалагъанды.

II Коринфлилеге 7:1

Алай бла, сюйюлюннгенле, Аллахны бизде аллай ант сёзлери болгъаны себепли, чархыбызны неда нюрюбюзню харам этген хар бир затдан кесибизни тазалайыкъ эмда Аллахдан къоркъуу бла толусунлай Аллахха берилейик.

I Тимотейге 2:8

Алай бла, эр кишиле хар жерде да, ачыуланыусуз эм ишеклениусюз таза жюреклилик бла къолларын ёрге тутуп тилек этерлерин сюеме.

Чюйютлелеге 10:22

Ол себепли таза жюрекден, толу ышаныу бла, жюреклерибизни аман ниетден тазалап эмда чархыбызны ариу суу бла жуууп, Аллахха жууукълашайыкъ.

Чюйютлелеге 7:19

Нек десегиз Тауратны Закону бир затны да тамамлыкъгъа жетдирмегенди. Аны орунуна бизге бизни Аллахха жууукълашдыргъан андан да ахшы умут келгенди.

Якъуп 1:8

Экили болуучу адам кесини битеу жолларында да къаты тюйюлдю.

Якъуп 3:17

Огъартындан келген акъылманлыгъ’а, бек алгъа тазады, андан сора жарашыулуду, адеплиди, тёзюмлюдю, мархаматдан бла ахшы ишледен толуду, жакъ басмайды эм кёзбаусузду.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Петер 3:21

Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.

I Ахия 3:3

Эм Масиххе бу ышаныуу болгъан хар адам, Масих таза болгъаны кибик, кесин тазалайды.