Якъуп 4:4 - Сыйлы Инжил бла Забур

⁴ Зийначыла бла хаулечиле! Бу дуния бла шуёхлукъ Аллахха къажау душманлыкъ болгъанын билмеймисиз? Алай бла бу дуниягъа шуёх болургъа сюйген адам Аллахха душман болады.

Якъуп 4:4 Iomraidhean Croise

Забур 21:8

Битеу мени кёргенле мени хыликкя этедиле, башларын силкиндире, эрин-бурун чюйюре:

Забур 50:18

Нек десенг Сен къурманланы излемейсе, – мен аны берир эдим, саулай кюйдюрюлген къурманны иги кёрмейсе.

Маттай 12:39

Ол а алагъа жууапха: «Бузукъ эм зийначы тукъум илишан излейди, алай а Жюнюс файгъамбарны илишанындан башха анга илишан бериллик тюйюлдю.

Маттай 16:4

Бузукъ эм зийначы тукъум илишан излейди, алай а Жюнюс файгъамбарны илишанындан башха, анга илишан бериллик тюйюлдю», – деди. Сора аланы къоюп кетди.

Маттай 6:24

Бир киши да эки бийге къуллукъ эталлыкъ тюйюлдю: нек десегиз неда бирин кёрюп боллукъ тюйюлдю, экинчисин а сюерикди; неда бирине кёл саллыкъды, экинчисине уа эс бурлукъ тюйюлдю. Аллахха да, байлыкъгъа да къуллукъ этерге болаллыкъ тюйюлсюз».

Лука 19:27

Мен алагъа патчах болуруму сюймеген душманларымы уа, бери келтиригиз да, мени аллымда ёлтюрюгюз!“ дегенди», – деди.

Ахия 15:19

Сиз дуниядан болсагъыз эди, дуния кесиникин сюер эди; сиз а дуниядан тюйюлсюз, Мен сизни дуниядан сайлагъанма; дуния сизни аны ючюн кёрюп болмайды.

Ахия 17:14

Мен алагъа Сени сёзюнгю айтып бердим; Мен дуниядан болмагъаным кибик, ала да дуниядан болмагъанлары себепли, дуния аланы кёрюп болмай къалды.

Ахия 7:7

Дуния сизни кёрюп болмай къояргъа болаллыкъ тюйюлдю, Мени уа кёрюп болмайды; нек десегиз Мен аны этген ишлери аман болгъанына шагъатлыкъ этеме.

Римлилеге 5:10

Нек десегиз биз, Аллах бла жау болуп тургъанлай, Аны Уланыны ёлюмю бла Аллах бла жарашхан эсек, бегирек да, жарашхандан сора, Аны жашауу бла къутуллукъбуз;

Римлилеге 8:7

Нек десегиз гюняхлы табийгъатны ойлашыулары Аллахха къажаулукъду; Аллахны Законуна бойсунмайдыла, бойсуналлыкъ да тюйюлдюле.

I Коринфлилеге 1:20

Къайдады акъылман? Къайдады алим? Къайдадыла бу ёмюрню философлары? Аллах бу дунияны акъылманлыгъы акъылсызлыкъ болгъанын кёргюзтмегенмиди?

I Коринфлилеге 1:21

Нек десегиз Аллахны акъылманлыгъына кёре, бу дуния кесини акъылманлыгъы бла Аллахны танымагъаны себепли, Аллах ийнаннганланы, акъылсызлыкъгъа саналгъан хапар бла къутхарыргъа тап кёргенди.

Галатиялылагъа 1:10

Мен энди адамланы ыразылыгъынмы, огъесе Аллахны ыразылыгъынмы излейме? Адамланы кёллерине жетергеми кюрешеме? Мен энтда адамланы кёллерине жетсем эди, Масихни къулу болмаз эдим.

Якъуп 1:27

Аллах Атаны аллында таза эм айыпсыз дин ахлулукъ ёксюзлени бла башсыз къатынланы къыйынлыкъларына къарамакълыкъ эм дунияны харамлыгъындан кесин сакъламакълыкъды.